03/05/2026
Sot mbyllim zyrtarisht një kampionat që për klubin tonë mund të konsiderohet pa dyshim shumë i mirë. Një sezon i ndërtuar mbi punë, përkushtim dhe sakrificë nga i gjithë grupi.
Gjatë këtij rrugëtimi treguam karakter, seriozitet dhe shpirt gare në çdo ndeshje. Sigurisht, kemi edhe keqardhjen tonë, pasi mund të kishim arritur më shumë nëse disa vendime nuk do të na penalizonin dhe nëse do të shmangnim disa gabime tona. Megjithatë, këto janë pjesë e futbollit dhe na shërbejnë si mësime për të ardhmen.
Klubi falënderon të gjithë lojtarët për angazhimin maksimal, disiplinën dhe përfaqësimin dinjitoz gjatë gjithë sezonit. Krenarë për secilin prej jush!
Një falënderim i veçantë shkon edhe për të gjithë mbështetësit që kanë qenë pranë ekipit në çdo moment.
E mbyllim këtë sezon me kokën lart dhe me besimin se më të mirat janë përpara! ⚽👏
