Georgian cycling federation

04/09/2026

🇬🇪 საქართველოს ველოსპორტის კიდევ ერთი მნიშვნელოვანი საერთაშორისო წარმატება!

საქართველოს ნაკრების წევრებმა წარმატებით იასპარეზეს ლატვიაში გამართულ დობელეს საერთაშორისო თასზე.
🥈 ინდივიდუალურ რბოლაში მიხეილ ხოჭუამ შესანიშნავი შედეგი აჩვენა და მეორე ადგილი დაიკავა, ხოლო გიორგი გაბრიჭიძემ ღირსეული ასპარეზობით მე-6 ადგილი მოიპოვა.
რბოლაში 10 გუნდი და სამოცამდე სპორტსმენი იღებდა მონაწილეობას.

აღნიშნული შედეგები კიდევ ერთხელ ადასტურებს ქართული ველოსპორტის პროგრესს და იმ პროფესიონალურ მუშაობას, რომელსაც საქართველოს ნაკრების მწვრთნელები და სპორტსმენები ყოველდღიურად ახორციელებენ.

ჩვენი მიზანია, ქართველმა ველომრბოლელებმა კიდევ უფრო ხშირად იასპარეზონ საერთაშორისო ასპარეზზე, დააგროვონ მნიშვნელოვანი გამოცდილება და ღირსეულად წარმოაჩინონ საქართველო მსოფლიოს სხვადასხვა ქვეყანაში.
👏 ვულოცავთ მიხეილ ხუჭუას,გიორგი გაბრიჭიძეს, მათ მწვრთნელებსა და საქართველოს ველოსპორტის ეროვნულ ნაკრებს ამ მნიშვნელოვან წარმატებას!

13/07/2026

🇬🇪 გერმანიის ქალაქ კოტბუსში მიმდინარე იუნიორთა ევროპის ჩემპიონატზე საქართველოს სახელით დისტანციაზე გიორგი გაბრიჭიძე ასპარეზობს.

12/07/2026

🇬🇪🚴 საქართველოს ველოსპორტის ეროვნული ნაკრების წევრები გერმანიაში, ქალაქ კოტბუსში, გამართულ ევროპის ჩემპიონატზე ასპარეზობდნენ. 🇩🇪
სამწუხაროდ, ჩვენი ნაკრების წევრმა მიხეილ ხუჭუამ მუხლის ტრავმის გამო ჩემპიონატში მონაწილეობა ვერ შეძლო.
შედეგად, გიორგი გაბრიჭიძეს ყველა დისციპლინაში მოუწია ასპარეზობა და ორმაგი დატვირთვის გაწევა, რაც ევროპის ჩემპიონატის დონის შეჯიბრზე ძალიან რთული გამოწვევაა. მიუხედავად ამისა, გიორგიმ ღირსეულად იასპარეზა და 29 მონაწილეს შორის მე-16 ადგილი დაიკავა.

მიხეილ ხუჭუას ვუსურვებთ სწრაფ და სრულ გამოჯანმრთელებას!
🚴🇬🇪 ჩვენს ბიჭებს აგვისტოში არაერთი მაღალი დონის საერთაშორისო რბოლა ელით ევროპის სხვადასხვა ქვეყნებში.

განსაკუთრებული მადლობა იმ ქართველ გულშემატკივრებს, რომლებიც გერმანიაში იმყოფებოდნენ და ტრიბუნებიდან მხარს უჭერდნენ ჩვენს ნაკრებს. თქვენი მხარდაჭერა და გამხნევება სპორტსმენებისთვის განსაკუთრებულად მნიშვნელოვანია. 🇬🇪❤️

ჩვენს სპორტსმენებს ვუსურვებთ ჯანმრთელობას, წარმატებულ სტარტებს და ღირსეულ შედეგებს საქართველოს სახელით!
🇬🇪🚴 წარმატებები ჩვენს ეროვნულ ნაკრებს! 💪

07/07/2026

🇬🇪წარმატებები და წინსვლა ვუსურვოთ ჩვენს სპორტსმენებს ევროპის ჩემპიონატზე!

30/06/2026

🇬🇪🚴‍♂️ ქართველი ველოსპორტსმენები წარმატებულ ასპარეზობას აგრძელებენ პოლონეთში!

პოლონეთში მიმდინარე ველორბოლებზე საქართველოს წარმომადგენლები შესანიშნავ შედეგებს აჩვენებენ. ორი რბოლის ჯამში ჩვენმა მრბოლელებმა 2 ოქროსა და 1 ბრინჯაოს მედალი მოიპოვეს.

🥇 გიორგი გაბრიჭიძე ინდივიდუალური რბოლის გამარჯვებული გახდა.

🥇🥉 მიხეილ ხუჭუამ ჯგუფურ რბოლაში ოქრო ხოლო ინდივიდუალურ რბოლაში ბრინჯაოს მედალი დაისაკუთრა.

ეს წარმატება სპორტსმენების დაუღალავი შრომის, მწვრთნელთა პროფესიონალიზმისა და მთელი გუნდის ერთიანი ძალისხმევის შედეგია. თითოეული გამარჯვება კიდევ ერთხელ ადასტურებს, რომ ქართული ველოსპორტი პროგრესირებს და საერთაშორისო ასპარეზზე სულ უფრო კონკურენტუნარიანი ხდება.

ვულოცავთ გიორგი გაბრიჭიძეს, მიხეილ ხუჭუას, მათ მწვრთნელებსა და საქართველოს მთელ ველოსპორტის ოჯახს ამ მნიშვნელოვან წარმატებას!

წინ კიდევ არაერთი სტარტი და, გვჯერა, არაერთი გამარჯვებაა. წარმატებები ჩვენს სპორტსმენებს!

საქართველო ამაყობს თქვენით! 🇬🇪

🇬🇪🥇🥇🥉

29/05/2026

29/05/2026

🇬🇪🚴გრძელდება ჩვენი სპორტსმენების წარმატებული ასპარეზობა საერთაშორისო ასპარეზზე!
პოლონეთის თასზე ქართველმა ველომრბოლელებმა მორიგი წარმატება მოიპოვეს.
გიორგი გაბრიჭიძემ ინდივიდუალურ რბოლაში ღირსეული ასპარეზობით მე-5 ადგილი დაიკავა.
მიხეილ ხუჭუამ კი ჯგუფურ რბოლაში შესანიშნავი შედეგი აჩვენა და საპრიზო, მე-2 ადგილი მოიპოვა. 🥈
ვულოცავთ ჩვენს სპორტსმენებს და მათ მწვრთნელებს ამ მნიშვნელოვან წარმატებას! ვუსურვებთ კიდევ უფრო დიდ გამარჯვებებსა და წარმატებულ სტარტებს მომავალ შეჯიბრებებზე.

24/05/2026

🇬🇪 ერევნის ღია ჩემპიონატზე ველოდრომზე საქართველოს ეროვნული ნაკრები წარმატებით გამოვიდა და ორი ოქროსა და ერთი ბრინჯაოს მედლის მოპოვება შეძლო.
შეჯიბრებაზე განსაკუთრებული შედეგი აჩვენა ნიკოლოზ პეტრინმა, რომელმაც 1 კმ ინდივიდუალურ რბოლაში შესანიშნავი დრო — 1:06.51 დააფიქსირა და დამსახურებულად მოიპოვა ოქროს მედალი.
ნიკოლოზმა ასევე ბრინჯაოს მედალი მოიპოვა რბოლაში გამოვარდნაზე, ხოლო სკრეჩში კიდევ ერთხელ ავიდა უმაღლეს საფეხურზე და მეორე ოქროს მედალს დაეუფლა.
აღსანიშნავია, რომ ჩემპიონატში მონაწილეობდნენ ჩვენი ახალგაზრდა დებიუტანტი სპორტსმენებიც, რომლებმაც აღნიშნულ რბოლაზე მნიშვნელოვანი გამოცდილება მიიღეს. მსგავსი სტარტები მათთვის დიდი მოტივაცია და პროფესიული განვითარებისკენ გადადგმული მნიშვნელოვანი ნაბიჯია.
ვულოცავთ ქართველ სპორტსმენებს წარმატებას და მომავალ შეჯიბრებებში კიდევ უფრო დიდ გამარჯვებებს ვუსურვებთ! 🇬🇪🚴

21/05/2026

დღეს განსაკუთრებული პატივისცემით ვიხსენებთ ქართველი ველოსპორტის ლეგენდას ომარ ფხაკაძეს.
ომარ ფხაკაძე იყო ადამიანი, რომელმაც ქართული ველოსპორტის ისტორიაში ოქროს ასოებით ჩაწერა საკუთარი სახელი და საფუძველი ჩაუყარა იმ გზას, რომელსაც დღესაც აგრძელებს ქართული ველოსპორტი. სწორედ მისი წარმატებებით და თავდადებით გაძლიერდა საქართველოში ველოსპორტის სიყვარული და განვითარდა მომავალი თაობები. დღეს, როდესაც საქართველოში ველოსპორტი არსებობს და ვითარდება, ამაში უდიდესი წვლილი ომარ ფხაკაძეს მიუძღვის.
იგი იყო მსოფლიო ჩემპიონი, ოლიმპიური თამაშების ბრინჯაოს მედლის მფლობელი და მსოფლიო რეკორდსმენი სპორტსმენი, რომელმაც არაერთხელ ასახელა საქართველო საერთაშორისო არენაზე. ომარ ფხაკაძე სამი ოლიმპიადის მონაწილე იყო და მსოფლიო ჩემპიონატებზე სამივე სინჯის მედალი ოქრო, ვერცხლი და ბრინჯაო მოიპოვა,იგი იყო საბჭოთა კავშირის მრავალგზის ჩემპიონი.
ომარ ფხაკაძე მხოლოდ სპორტით არ შემოიფარგლებოდა. მისმა გამორჩეულმა პიროვნებამ და ქარიზმამ ქართული კინოს ისტორიაშიც დატოვა კვალი,მან შეასრულა ხარებას როლი ცნობილ ქართულ ფილმში ხარება და გოგია, რომელმაც ქართველი მაყურებლის გულში განსაკუთრებული ადგილი დაიკავა.
მისი გამარჯვებები მხოლოდ მედლები არ ყოფილა ეს იყო ქართული სულის, ბრძოლისუნარიანობისა და ღირსების წარმოჩენა მთელი მსოფლიოს წინაშე. ომარ ფხაკაძე დარჩა არა მხოლოდ როგორც უდიდესი ჩემპიონი, არამედ როგორც მაგალითი მომავალი თაობებისთვის თუ რას ნიშნავს შრომა, დისციპლინა და სამშობლოს სიყვარულით ბრძოლა.
დღეს, მისი გარდაცვალების დღეს, კიდევ ერთხელ ქედს ვიხრით მისი ნათელი ხსოვნის წინ. მისი სახელი სამუდამოდ დარჩება ქართული სპორტისა და კულტურის ისტორიაში, ხოლო მისი გზა ყოველთვის იქნება შთაგონება ქართველი სპორტსმენებისა და ახალგაზრდებისთვის.
ნათელი მის ხსოვნას. 🚴🇬🇪

16/05/2026

🇬🇪საქართველოს ველოსპორტის ეროვნული ნაკრების წევრები, გიორგი გაბრიჭიძე და მიხეილ ხუჭუა, წარმატებით აგრძელებენ ასპარეზობას პოლონურ ველოკლუბში ALKS STAL GRUDZIĄDZ.
ჩვენი სპორტსმენები აქტიურად მონაწილეობენ სხვადასხვა საერთაშორისო შეჯიბრებაში როგორც პოლონეთში, ასევე გერმანიაში, სადაც ღირსეულად წარმოადგენენ საქართველოს და აგროვებენ მნიშვნელოვან საერთაშორისო გამოცდილებას. სეზონის განმავლობაში მათ არაერთ რთულ და მაღალი კლასის საერთაშორისო რბოლაში მიიღეს მონაწილეობა. მიუხედავად იმისა, რომ სპორტულ გზაზე იყო როგორც წარმატებული გამოსვლები, ასევე ტრავმები და ინვენტარის დაზიანებით გამოწვეული სირთულეები,ჩვენი სპორტსმენები მოტივაციას არ კარგავენ და ბრძოლას კიდევ უფრო დიდი შემართებით აგრძელებენ.
განსაკუთრებით აღსანიშნავია მათი წარმატებული გამოსვლა რბოლაზე “Zimei Zamojskiej”, სადაც გიორგი გაბრიჭიძემ საპატიო მე-5 ადგილი დაიკავა, ხოლო მიხეილ ხუჭუამ მე-6 ადგილი. ეს შედეგი კიდევ ერთხელ ადასტურებს ქართველი ველომრბოლელების მაღალ პოტენციალსა და პროგრესს საერთაშორისო ასპარეზზე.
ასევე დიდი წარმატებაა ის ფაქტი, რომ მიხეილ ხუჭუა დასახელდა პოლონეთის რეგიონ Kujawsko-Pomorskie-ის საუკეთესო სპორტსმენად, რაც ქართველი სპორტსმენისთვის მნიშვნელოვანი საერთაშორისო აღიარებაა და ქართული ველოსპორტისთვის კიდევ ერთი საამაყო მიღწევა.
ჩვენი ბიჭები წარმატებით აგრძელებენ მზადებას მომავალი მნიშვნელოვანი სტარტებისთვის და სრული კონცენტრაციით ემზადებიან ევროპის ჩემპიონატისთვის, სადაც საქართველოს ღირსებას დაიცავენ.
საქართველოს ველოსპორტის ეროვნული ფედერაცია განსაკუთრებულ მადლობას უხდის Adam Sieczkowski-ს თანამშრომლობისთვის,ქართველი სპორტსმენების მხარდაჭერისთვის, განვითარებაში შეტანილი წვლილისა და მათთვის საერთაშორისო ასპარეზზე ზრდისა და პროგრესის შესაძლებლობის შექმნისთვის.
ვუსურვებთ ეროვნული ნაკრების წევრ სპორტსმენს კიდევ უფრო დიდ წარმატებებს საერთაშორისო არენაზე! 🇬🇪🚴