26/08/2026
ახალი გამოწვევა — ახალი მიზანი! 🏉🇬🇪
საქართველოს რაგბის ჩემპიონატის კაცთა ლიგაში — რეგიონულ ლიგაში — წელს ჩვენი გუნდი იასპარეზებს.
ჩვენი მთავარი მიზანია, მაქსიმალურად ჩავრთოთ ადგილობრივი ახალგაზრდობა და ზოგადად ყველა ის ადამიანი, ვისაც რაგბის თამაში, სწავლა და განვითარება სურს.
🔹გვინდა, კასპში შევქმნათ გუნდი, სადაც მონდომება, შრომა და გუნდურობა იქნება მთავარი.
სეზონი სექტემბრის ბოლოს იწყება და გვინდა, ამ გამოწვევას მაქსიმალური შემართებითა და მომზადებით შევხვდეთ. 💪🏉
🏟️ამ ეტაპზე ვარკვევთ სავარჯიშო ლოკაციას და ველოდებით შესაძლებლობას, კასპის ტერიტორიაზე გამოგვიყონ მოსახერხებელი მოედანი ვარჯიშებისთვის. როგორც კი სავარჯიშო მოედნის საკითხი მოგვარდება, სრულფასოვან ვარჯიშებს დაუყოვნებლივ დავიწყებთ.
🏈მანამდე კი, ვინც ჩვენი რეგიონიდან ხართ და ამ ეტაპზე თბილისში იმყოფებით, ვარჯიშის შესაძლებლობა თქვენც გაქვთ. ჩვენი მეგობარი გუნდის — „არაგველების“ — გვერდში დგომით, შეძლებთ მათთან ერთად ივარჯიშოთ და თამაშებზეც შემოგვიერთდეთ. 🤝🏉
❤️🔥ასევე, უკვე შეგვიძლია მსურველების მიღება კაცთა გუნდის განაცხადში.
თუ გსურთ ჩვენს გუნდში თამაში, გაქვთ გამოცდილება ან უბრალოდ დიდი სურვილი გაქვთ, ისწავლოთ და განვითარდეთ რაგბში — დაგვიკავშირდით და შემოგვიერთდით! 🏉🔥
🤝ვისაც სურვილი გაქვთ, შეგიძლიათ ჩვენს გუნდს გვერდში დაუდგეთ. ამ ეტაპზე გვჭირდება სათამაშო ფორმები, სავარჯიშო ინვენტარი და სხვა საჭირო აღჭურვილობა.
და რაც განსაკუთრებით მნიშვნელოვანია — როგორც კი სავარჯიშო მოედნის საკითხი მოგვარდება, დავიწყებთ პატარა ასაკის ბავშვების მიღებასაც, რათა კასპში რაგბის განვითარებას საფუძველი რაც შეიძლება ადრეული ასაკიდან ჩავუყაროთ. 👦🏉
🇬🇪ეს მხოლოდ გუნდის შექმნა არ არის — ჩვენი სურვილია, კასპში რაგბის ახალი ეტაპი დავიწყოთ.
მთავარია სურვილი, მონდომება და შრომა. დანარჩენს ერთად გავაკეთებთ! 💪🔥
📞 მსურველებმა დაგვიკავშირდით: [592-505-388]
#კასპი #რაგბი #არაგველები #რეგიონულილიგა #რაგბისგანვითარება #ერთადძლიერები
