24/06/2026
⚽ ახალგაზრდა ფეხბურთელების განვითარებასა და წინსვლაზე ზრუნვა ჩვენი საფეხბურთო სკოლის ერთ-ერთი მთავარი პრიორიტეტია. სწორედ ამ მიზანს ემსახურება ჩვენი წარმატებული თანამშრომლობა თბილისის „დინამოს“ აკადემიასთან, რომელიც უკვე მეორე წელია გრძელდება.
📅 23 ივნისი განსაკუთრებული და დასამახსოვრებელი დღე აღმოჩნდა ჩვენი 2016-2017 წლებში დაბადებული აღსაზრდელებისთვის. მათ თბილისის „დინამოს“ აკადემიის ბაზაზე მეგობრული მატჩი გამართეს თანატოლებთან, რაც მათთვის მნიშვნელოვანი გამოცდილება და სასარგებლო პრაქტიკა იყო.
🏟️ მატჩის დასრულების შემდეგ ბავშვებმა დაათვალიერეს თბილისის „დინამოს“ აკადემიის ბაზა და ახლოდან გაეცნენ იმ გარემოს, სადაც ყოველდღიურად ვარჯიშობენ და ვითარდებიან მომავალი ფეხბურთელები.
🔥 დღე კიდევ უფრო საინტერესო და ემოციური აღმოჩნდა, რადგან დავით პეტრიაშვილის სახელობის სტადიონზე დაესწრნენ საქართველოს ეროვნული ლიგის მე-19 ტურის შეხვედრას, სადაც თბილისის „დინამომ“ ანგარიშით 2:1 დაამარცხა ბათუმის „დინამო“.
💙 მსგავსი გამოცდილება ჩვენი აღსაზრდელებისთვის უმნიშვნელოვანესია როგორც სპორტული განვითარების, ისე მოტივაციისა და მომავალი წარმატებებისათვის.
🙏 გვსურს განსაკუთრებული მადლობა გადავუხადოთ თბილისის „დინამოს“ აკადემიას თბილი მასპინძლობისა და ჩვენი ბავშვებისთვის ამ მნიშვნელოვანი გამოცდილების გაზიარებისთვის.
🤝 ასევე, მადლობას ვუხდით დედოფლისწყაროს მუნიციპალიტეტის კულტურის, სპორტისა და ახალგაზრდობის ცენტრს მხარდაჭერისა და გვერდში დგომისთვის.
