პოსეიდონის სამყარო / Poseidon's World

08/03/2026

ყველა ჩემს ახლობელ, ნაცნობ თუ უცნობ ქალბატონს და რა თქმა უნდა ქალ-დაივერებს გილოცავთ 8 მარტს!
დაივინგის შესწავლის მსურველ ქალბატონებს კი ისევ ვთავაზობთ სხვადასხვა დონის კურსებს და შავ ზღვასა თუ უცხოეთში ახალ საინტერესო წყალქვეშა თავგადასავლებს!
👉სპეციალური შეთავაზება!!!
ვისაც გსურთ დაივინგის კურსების გავლა და გარკვეული თანხის დაზოგვა, გამონაკლისის სახით გთავაზობთ ჩაეწეროთ ჩვენს დაივინგ ცენტრში მარტის თვის ბოლომდე და დარეგისტრირდეთ TDI/SDI-ის (აშშ) საერთაშორისო ფედერაციის ვებგვერდზე, თავად სრული კურსი კი ზაფხულის თბილ პერიოდში გაიაროთ!
👉ის ქალბატონები ვინც მარტის თვეში ჩაეწერებიან, დარეგისტრირდებიან www.tdisdi.com -ის ვებგვერდზე და ასევე თვის ბოლომდე ავანს ან სრული კურსის ღირებულებას გადაიხდიან, ისინი 10-დან 20%-იან ფასდაკლებას მიიღებენ!
სრული კურსის დამთავრების შემდეგ თქვენ გადმოგეცემათ SDI-ის საერთაშორისო სერთიფიკატები, რომელიც მთელ მსოფლიოში მოქმედებს!
👉დასაქმება უცხოეთში!
ის ქალბატონები ვინც უცხო ენებს კარგად ფლობთ და ვისაც ევროპის ან კარიბის ზღვის ქვეყნების ცნობილი კურორტების დაივინგ ცენტრებში გსურთ დასაქმება, გირჩევთ DiveMaster-ის სრული ოთხი კურსი გაიაროთ და დაივინგის სერთიფიცირებული გიდი გახდეთ!
შესაბამის ვაკანსიებს TDI/SDI-ის ფედერაცია და აგრეთვე სხვადასხვა საერთაშორისო დაივინგ ცენტრები ჩვენ მუდმივად გვაწვდიან და ამ მხრივ ნამდვილად დიდი არჩევანი გვაქვს!
მისამართი: გონიო, ანდრია პირველწოდებულის გზატკეცილი II შესახვევი, სახლი №10. საოჯახო სასტუმრო "ხომალდი".
Tel: +995.577.124979.
Viber/whatsApp: +995.577.124979.

01/01/2026

ყველა დაივერს, ჩემს ახლო მეგობრებს და ყველა კარგ ადამიანს გილოცავთ ახალ წელს!
Happy New Year to all divers, my close friends, and all good people!
Всем дайверам, моих близких друзей и всех хороших людей поздравляю наступающий Новый год!

30/12/2025

დაივერებს და საკოლექციო ღვინის მოყვარულებს!
გთავაზობთ შავ ზღვაში ორი წლის დავარგებულ პრემიუმ კლასის წითელ ღვინო მუკუზანს. ამჟამად ამოღებულია ოთხი ბოთლი, მაგრამ მხოლოდ ორი ან მაქსიმუმ სამი ბოთლი გაიყიდება!
მოკლედ თუ გსურთ ახალ წელს და შობას საკუთარ სუფრას სრულიად განსხვავებული (დაივერული) იერი მისცეთ ან თქვენს საყვარელ ადამიანებს მეტად იშვიათი და ზღაპრული საჩუქარი გაუკეთოთ, მაშინ ეს წითელი საკოლექციო ღვინოები ჩვენი აბობოქრებული ზღვიდან თქვენთვის ამომიღია!
👉ეს არ არის უბრალოდ ღვინო ან ჩვეულებრივი ღვინის ბოთლები, ეს ღვინოები - ქართულ მეღვინეობაში საქართველოს სრულიად ახალი ისტორიაა, რომელიც ამ გიჟმაჟი ზღვის ფსკერზე მთელი ორი წელი ინახებოდა, ზღვის ენერგეტიკით ივსებოდა და ძველდებოდა!
👉ზღვაში კი ერთი წლის დავარგებული ღვინო, მთელ სამ წელს უდრის, გემოც სულ სხვანაირი აქვს, ამიტომ გახდა ეს ღვინოები და ღვინის ბიზნესი ასეთი პოპულარული ევროპაში!
👉ისიც გაითვალისწინეთ და დააფასეთ, რომ ზღვის ფსკერზე დღემდე ქართული ღვინოები, მთელი ორი წელი უწყვეტად, ასეთ ძლიერ შტორმებსა და წყალქვეშა დინებებში უსაფრთხოდ, ჯერ არცერთ ქართველ დაივერს თუ მეღვინეს არც შეუნახია და არც დაუძველებია!
👉ეს ღვინოები მეტად იშვიათია, საკოლექციო და თანაც ისტორიულია, შესაბამისად ფასიც მაღალი აქვს!
დამიკავშირდით მხოლოდ რეალურმა კლიენტებმა!
Tel./Viber/whatsApp: ‪+995.577.124979‬.

06/11/2025

ფანჯარა მესამე განზომილებაში!
კონკურსი: ყველაზე მაგარი და გაბედული ქალი დაივერები მესამე განზომილებიდან!
ყურადღება! თუ საქართველოშიც არსებობს ისეთი ქართველი დაივერი ქალბატონი, რომელსაც თეთრ, რიფის ან თუნდაც შავი ზღვის ზვიგენთან წყალქვეშ ორიგინალური სურათი აქვს გადაღებული (ოღონდ არა ფოტოშოპში და AI-ით გაკეთებული) და ასევე აქვს TDI/SDI, SSI, CMAS, PADI-ის (ან სხვა საერთაშორისო ფედერაციის) დაივერის სერთიფიკატი, ჩვენი დაივინგ ცენტრი საჩუქრად, ზღვაში 2 წლის დაძველებულ პრემიალური კლასის წითელ ღვინოს გადასაცემს.😊
მოკლე განმარტება:
რადგანაც საქართველოში სრული პოლიტიკური საგიჟეთი, სიბნელე და მარაზმი არა და არ მთავრდება, ხოლო ქართველი ახალგაზრდობის და ასევე ფაქტიურად მთელი საზოგადოების ზღვის სამყაროსადმი ცოდნა და ინტერესი უკვე დიდი ხანია ნულს ქვემოთაა დაშვებული, საქართველოს წყალქვეშა ცურვის ასოციაცია და დაივინგ ცენტრი პოსეიდონის სამყარო ჩვენს გამომწერებს და ასევე ყველა დაინტერესებულ პირს გთავაზობთ, ხანდახან ცოტათი მაინც მოწყდეთ ამ ცოდვილ მიწას, ქართულ პოლიტიკურ სრულ მარაზმს და უფრო ახლოს გაეცნოთ ზღაპრულ ცისფერ პლანეტას, რომელიც აქვე დედამიწაზეა და არა სადღაც მარსზე თუ იუპიტერის შორეულ პლანეტებზე!
P.S. თუ ჩვენი დაივერების და გამომწერების ინტერესი იქნება, მე ისევ შემიძლია პერიოდულად (მაინც) სხვადასხვა სახის საინტერესო შემეცნებითი მასალები, ფოტო და ვიდეო კოლაჟები, აგრეთვე სრულიად ახალი კონკურსები და პროექტები შემოგთავაზოთ, რომელშიც ყველას, მათ შორის ბავშვებს, მოზარდებს და ჩვენს გაბედულ ქალბატონებსაც შეეძლებათ მონაწილეობის მიღება.
შესაბამისად გთხოვთ კომენტარებში დაპლიუსდეთ ვისაც ასეთი სახის კონკურსები, აგრეთვე დაივინგის სწავლა, ტურები, ჩვენს სრულიად ახალ საზღვაო პროექტებში მონაწილეობის მიღება, ზღვაში დაძველებული ღვინის და თუნდაც სხვა სახის საინტერესო ინფორმაციის მიღება გაინტერესებთ.
მეტი ინფორმაციისთვის გთხოვთ დამიკავშირდეთ:
Tel./Viber/whatsApp: ‪+995.577.124979‬.
დავით ნიკოლეიშვილი
საქართველოს წყალქვეშა ცურვის ასოციაციის თავმჯდომარე

10/08/2025

გამარჯობათ,
ვინმეს თუ გაქვთ 4-5 კაციანი გასაბერი ან ალუმინის ახალი ან უფრო მეორადი ნავი გასაყიდი, მაშინ მისი სურათები ჩემს პირად მესინჯერში ჩამიგდეთ და ფასიც მიმიწერეთ.
ასევე მოსულა გადაცვლა, მე 3 კაციანი გასაბერი ნავი მყავს, 2 ცხენის ძალიანი Yamaha-ს ძრავით, კარგი იქნება თუ ნავი ბათუმსა ან ფოთში მაინც იქნება, მე პირადად გონიოში ვარ. ოღონდ ნავი შავ ზღვაზე დაივინგისთვის და დაივერი ტურისტებისთვის მჭირდება, ამიტომ გასაბერი ნავის PVC და ძირი მაქსიმალურად სქელი და გამძლე უნდა იყოს, რომ დიდ დატვირთვებს გაუძლოს, ხოლო ალუმინის ნავი უფრო თანამედროვე მოდელი მჭირდება და არა პროგრესი და "კაზანკა".
Tel/Viber/whatsApp: +995.577.124979 დავითი.

03/06/2025

დაივერების და წყალქვეშა მონადირეების საყურადღებოდ!
ზაფხულის სეზონი მოვიდა და ამის გამო ძალიან დაკავებული ვარ, შესაბამისად ყველა კითხვაზე და კომენტარზე პასუხის გაცემა ფიზიკურად არ შემიძლია.
ამიტომ თუ რამე გაინტერესებთ, გთხოვთ ქვემოთ აღნიშნულ ნომერზე დამირეკოთ, თუ ვერ გპასუხობთ ე.ი. ზღვაში დაივინგზე ვარ და მაშინ ვოთსაპში ან ვაიბერზე მომწერეთ და მოგვიანებით იქ გიპასუხებთ ან მე თავად დაგირეკავთ.
თბილისში დაივინგის აღჭურვილობის და წყალქვეშა ნადირობის მაღაზია კარგა ხანია დაკეტილი მაქვს და აღნიშნული პროდუქციის გაყიდვა მხოლოდ ინტერნეტით ხდება. ამ ეტაპზე გვაქვს გასაყიდი წყალქვეშა თოფები (დარჩა მხოლოდ ორი არბალეტი და ერთი პნევმატიური თოფი), ახალი და მეორადი საყვინთი აღჭურვილობა.
ჩვენს დაივინგ ცენტრში ასევე ხდება დაივინგის სწავლება-სერთიფიცირება და დაივინგ ტურების ორგანიზებაც.
ვისაც დაივინგის კურსების გავლა და საერთაშორისო სერთიფიკატის აღება, უბრალოდ დაივინგის ტურების ან საყვინთი აღჭურვილობის და არბალეტების ადგილზე შეძენა და ნახვა გაინტერესებთ, მაშინ უნდა ჩამოხვიდეთ და გვეწვიოთ ბათუმში - გონიოს დაივინგ ცენტრში სასტუმრო "ხომალდში" და არა კვარიათში (სასტუმრო "ნონა"-ში, იქედან უკვე მეორე წელია აქეთ გადმოვედი).
რა თქმა უნდა გასაყიდი პროდუქციის მოწოდება შესაძლებელია ფოსტით ან მარშუტკების მეშვეობით.
დანარჩენ თქვენთვის საინტერესო ინფორმაციებს და შესაბამის ფოტოებს უახლოეს პერიოდში მოგაწოდებთ.
საოჯახო სასტუმრო ხომალდი და მისი მისამართი შეგიძლიათ იხილოთ ქვემოთ და ასევე ბმულში.
Family Hotel Khomaldy: https://www.facebook.com/xomaldi

David Nikoleishvili
Diving Instructor TDI/SDI;
DiveMaster PADI.
Address: №10 Andria Pirveltsodebuli st. II Lane, 6010, Gonio, Georgia (Hotel Khomaldy).
Tel: +995.577 12 49 79.
Viber/whatsApp: +995.577.124979.
E-mail: [email protected]

Hotel resort

08/03/2025

8 მარტს და გაზაფხულის მოსვლას ვულოცავ ყველა ჩემს ახლობელს, ნაცნობ თუ უცნობ ქალბატონებს და რა თქმა უნდა ჩვენს ქალ დაივერებს!🌷💐🥰
მიხარია და ვამაყობ, რომ ბევრ თქვენგანს პირადად შევასწავლე დაივინგი და გავუხსენი გზა ცისფერი პლანეტის ულამაზეს სამყაროში და სრულიად სხვა განზომილებაში!🐠🐟🐬🐡🐙🦑🦐🦀🪼🪸🐚
უფალმა ინებოს ჩვენს ქვეყანაში და მთელ მსოფლიოში ეს ნანატრი მშვიდობა დამდგარიყოს, ეს შავ-ბნელი და მძიმე პერიოდი კი მალე დამთავრებულიყოს, რომ ყველა ჩვენგანი ისევ საკუთარ საყვარელ საქმეზე და გატაცებაზე ვფიქრობდეთ და არა ტრამპის თუ კიდევ სხვა ცირკის კლოუნების პოლიტიკურ განცხადებებზე...
https://www.facebook.com/media/set/?set=a.117128114990417&type=3

Send a message to learn more

07/02/2025

ყველა დაივერს და ღვინის მოყვარულებს!
მე უკვე კარგა ხანია გამოწერილი მაქვს სამხედრო-პოლიტიკური თემატიკის პლატფორმა - "World Military/ანალიტიკა".
მე ძალიან მომწონს და ვაფასებ ამ ახალგაზრდების ჯგუფს, რომელთაც ჩვენი საზოგადოებისათვის მეტად საჭირო და საინტერესო ინტერნეტ პროექტი შექმნეს.
რამდენიმე დღის წინ მე ჩემი დაივინგ ცენტრის მეშვეობით მათთან თანამშრომლობა გადავწყვიტე და შევთანხმდით, რომ პერიოდულად ჩემს მიერ შავ ზღვაში დაძველებული ღვინოების გარკვეული ნაწილი სარეალიზაციოდ გადავცე და ამ გზით მათი პლატფორმის განვითარებაში ჩემი მოკრძალებული წვლილი შევიტანო.
👉ამიტომ ყველას გთხოვთ თქვენც გამოიწეროთ ეს საინტერესო გვერდი და დონაციის გზით შეძლებისდაგვარად თქვენც დაუჭიროთ მათ მხარი.
👉ამასთან ერთად თუ კარგი ღვინო გიყვართ და თან გსურთ თქვენს ახლო მეგობარს დაბადების დღეზე იშვიათი და მეტად ორიგინალური საჩუქარი გაუკეთოთ, მაშინ გირჩევთ თქვენც მიიღოთ მონაწილეობა ქვემოთ გამოცხადებულ აუქციონში!
https://www.facebook.com/story.php?story_fbid=122138711732453714&id=61563611447032&rdid=fM5dr78MFFIjEiMh #

23/01/2025

ყურადღება სიახლე!!!
დაივინგ ცენტრი პოსეიდონის სამყარო და საქართველოს წყალქვეშა ცურვის ასოციაცია!
👉აშშ-ს SDI (Scuba Diving International) დაივინგის საერთაშორისო ფედერაციის მხარდაჭერით იწყებს სრულიად ახალ - დაივერების დასაქმების პროგრამას!
👉ისწავლე დაივინგი, გახდი პროფესიონალი დაივერი და დასაქმდი მსოფლიოს წამყვანი საზღვაო კურორტების მოქმედ დაივინგ ცენტრებში!
👉არსებული ვაკანსიების მოწოდებას უზრუველყოფს SDI-ი და დაივინგ ცენტრი პოსეიდონის სამყარო;
👉ყველაზე მეტი ვაკანსიები მოდის კარიბის ზღვის აუზის, ევროპის და ასევე აზიის ქვეყნებიდან, მათ შორის ინდონეზიასა და იაპონიაში არსებულ დაივინგ ცენტრებიდან!
👉პირველ ეტაპზე მიიღება მხოლოდ 10 სტუდენტი!
👉კურსი დაწყება თებერვლის თვიდან, პირველი 3-4 კაციანი ჯგუფის შეკრებისთანავე!
👉დაივერის დასაქმებისთვის აუცილებელი მინიმალური დონე - DiveMaster-ი!
👉სტუდენტის მინიმალური ასაკი 17 წელი;
👉სრული ოთხი კურსის სწავლის პერიოდი 2-3 თვემდე;
👉სწავლება იქნება ეტაპობრივი, გარკვეული პაუზებით, რადგან ყველა დაივერმა წყალქვეშ უნდა დააგროვოს მინიმუმ 40 სამუშაო საათი;
👉სრული კურსის გავლა შესაძლებელია როგორც ინდივიდუალურად, ასევე ჯგუფებში;
👉სწავლების დრო და გრაფიკი მაქსიმალურად სტუდენტებზე იქნება მორგებული;
👉სრული კურსის ღირებულების გადახდა შესაძლებელია ერთიანად, ეტაპობრივად და ბანკის განვადებით;
👉სრული კურსის ღირებულება განსხავებულია და დამოკიდებულია სტუდენტების რაოდენობასა და გადახდის პირობებზე;
👉კურსის დროს სტუდენტები უზრუნველყოფილი იქნებიან სრული საყვინთი აღჭურვილობით და თბილი ჰიდროკოსტუმებით;
👉თეორიული სწავლება და პრაქტიკული ვარჯიშები ჩატარდება შავ ზღვაზე ბათუმის მახლობლად, გონიოს სანაპიროზე და საოჯახო სასტუმრო "ხომალდში";
სპეციალური შეთავაზება!
👉სრული კურსის გავლის დროს საოჯახო სასტუმრო "ხომალდში" ცხოვრების შემთხვევაში გათვალისწინებულია 10%-იან ფასდაკლება;
👉სტუდენტებს საშუალება ექნებათ ადგილზე შეიძინონ როგორც ახალი, ასევე მეორადი საყვინთი აღჭურვილობა 10-20% ფასდაკლებით!
👉დამატებითი ინფორმაციის მისაღებად მესინჯერში ან ვაიბერ/ვოთსაპში დატოვეთ თქვენი საკონტაქტო ნომერი და ჩვენ თავად დაგიკავშირდებით.
ასევე შეგიძლიათ თქვენ თავად დაგვიკავშირდეთ.
Tel: +995.577 12 49 79.
Viber/whatsApp: +995.577.124979 დავითი.

Explore the depths with Scuba Diving International (SDI) – where the world of sport diving unfolds at your pace. Founded in 1998 by diving veterans, SDI stan...

14/01/2025

იყიდება წყალქვეშა სანადირო თოფები, 45 და 105 სმ-იანები, ფასი 150-250 ლარი;
დაივერის წყლის ნიღბები (არის სასუნთქი მილებიც), ფასი 100-150 ლარამდე;
ახალი და მეორადი წყლის სასუნთქი აპარატები, ფასი 200-350 დოლარამდე;
მანომეტრი, სიღრმის საზომი-კომპასით ან მის გარეშე, ფასი 100-150 დოლარამდე;
ახალი და მეორადი ტივტივადობის ჟილეტი, ფასი 150-300 დოლარამდე;
ახალი და მეორადი დაივერის ლასტები, ფასი 100 ლარიდან;
მაღალი წნევის 12 და 15 ლიტრიანი ბალონები, ფასი 300 დოლარიდან;
სიმძიმის სამაგრი ქამრები, სვინეცის 1 & 2 კგ. ტყვიებით;
დაივერის სრული აღჭურვილობა, 5.5 მმ-იანი კომბინიზონის ჩათვლით, ფასი შეთანხმებით.
👉სპეციალური შეთავაზება!
ვინც 500 ლარის აღჭურვილობას შეიძენს ან 30 იანვრამდე დაივინგის სასერთიფიკატო კურსს დაიწყებს, ის როგორც სწავლებაზე, ასევე საყვინთ აღჭურვილობის შეძენაზე 10%-იან ფასდაკლებას მიიღებს!
დამატებითი ინფორმაციისათვის დარეკეთ:
Tel: +995.577 12 49 79.
Viber/whatsApp: +995.577.124979 დავითი.

06/11/2024

მიმართვა შსს-ს სანაპირო დაცვის სამსახურს, აჭარის საპატრულო პოლიციას, სამაშველო სამსახურს და გონიო-კვარიათის სანაპიროზე მცხოვრებ მოსახლეობას.
საქართველოში უკვე საკმაოდ ბევრმა ადამიანმა და ასევე სახელმწიფო ორგანიზაციის წარმომადგენლებმა იციან, რომ მე უკვე სამ წელზე მეტია თბილისიდან სპეციალურად ვარ გადმოსული შავ ზღვაზე, სადაც სხვადასხვა სახის პროექტებს ვახორციელებ.
გუშინ მიუხედავად ზღვაზე ღელვისა და ცუდი ამინდისა მარტო (ნაპირიდან საკმაოდ შორს) ისევ ღია ზღვაში ვიყავი გასული და ერთ-ერთ ლოკაციაზე წყალქვეშ ჩემს საქმეს ვაკეთებდი. როგორც აღმოჩნდა, ჩემს შესახებ 112-ში გადასცეს ინფორმაცია, რის გამოც ჩემს საძებნელად და საშველად აჭარის სანაპირო დაცვის გემი გამოვიდა, ხოლო ნაპირზე მოვიდა და მელოდა ბათუმის საპატრულო პოლიციის ორი ეკიპაჟი.
👉მიუხედავად იმისა, რომ მე არც არავის შველა და გადარჩენა არ მჭირდებოდა, სანაპირო დაცვის ეკიპაჟმა მაინც ამიყვანა გემზე და ნაპირამდე მიმიყვანა, ხოლო საპატრულო პოლიციამ ჩემი პირადი მონაცემების შემოწმების შემდეგ, ასევე დამეხმარა და მათი ავტომობილით ჩემს სასტუმროდე მიმიყვანეს.
👉ამის გამო მე მინდა ორვე სამსახურის ეკიპაჟს ძალიან დიდი მადლობა და ასევე ძალიან დიდი ბოდიში მოვუხადო მათი შეწუხებისთვის და დახმარებისთვის. სამწუხაროდ ასეთი ფაქტი პირველად არ მოხდა, ამიტომ გადავწყვიტე აღნიშნული მიმართვის საჯაროდ გავრცელება.
👉მინდა მივმართო შსს ყველა აღნიშნული სამსახურის ხელმძღვანელებს და ასევე ადგილობრივ მოსახლეობას.
👉მე ვარ საქართველოში ერთ-ერთი პირველი დაივინგის სერთიფიცირებული ინსტრუქტორი, ასევე ზღვის ეკოლოგი და წყალქვეშა მკვლევარი. საზღვაო საქმიანობით და კვლევებით დაკავებული ვარ 20 წელზე მეტია, ზემოთ აღნიშნული სამსახურებისთვის არაერთი დაივერი და მაშველი-მყვინთავი მყავს მომზადებული, რომლებიც დღემდე წარმატებით მუშაობენ. გარდა ამისა შავ ზღვაში თქვენს სამსახურებს სხვადასხვა სამაშველო ოპერაციებში არაერთხელ დავხმარებივარ.
👉მე როგორც დაივერს, შავი ზღვის და საერთოდ წყლის სტიქიასთან მუდმივად მიწევს ურთიერთობა და შებრძოლება, ეს ჩემი შეგნებული არჩევანია, ყოველდღიური სამსახური და უდიდესი გატაცებაა!
👉შესაბამისად ამ მიმართებით ძალიან კარგად ვარ მომზადებული, უდიდესი ცოდნა და გამოცდილება გამაჩნია, ამ დრომდე თავს ისევ ძალიან კარგად ვგრძნობ და არც ზღვაში და არც ცივ ტბებსა თუ წყალსაცავებში, არასდროს რაიმე სერიოზული პრობლემა არ მქონია, რასაც ჩემს მიერ მომზადებული და სერთიფიცირებული არაერთი ქართველი თუ უცხოელი დაივერი დაგიდასტურებთ.
👉ამიტომ ყველა მოქალაქეს მოგმართავთ და გთხოვთ, რომ შავ ზღვაში, კონკრეტულად კი კვარიათი-გონიო და ასევე სარფის სანაპირო წყლებში, ზაფხულსა თუ შუა ზამთარში აკვალანგიანი ადამიანის სერფინგის დაფაზე ან ზღვაში დანახვისას 112-ში ტყუილად ნუ დარეკავთ და შეაწუხებთ შსს სპეციალურ სამსახურებს. დაზოგეთ თქვენი ნერვები და ასევე ამ ადამიანების სამუშაო დრო, რომელთაც ჩვენს რთულ პერიოდში ისედაც ბევრი საქმე აქვთ!
P.S. თუ ვინმეს უფრო დეტალურად აინტერესებს თუ რას ვაკეთებ და ვსაქმიანობ შავ ზღვაში და კერძოდ წყლის ქვეშ, მაშინ უყურეთ და მოუსმინეთ ქვემოთ მოცემულ ვიდეოს ბმულს და ყველაფერს კარგად გაიგებთ.
პატივისცემით,
დავით ნიკოლეიშვილი
საქართველოს წყალქვეშა ცურვის ასოციაციის თავმჯდომარე
05.11.2024 წ.