04/05/2026
✅ საქართველოსა და სომხეთის ტაეკვონდოს ფედერაციებს შორის, ურთიერთთანამშრომლობის მემორანდუმი გაფორმდა.
✅ მეომარნდუმს ხელი, ორი ქვეყნის ფედერაციის პრეზიდენტებმა მოაწერეს.
✅ წინამდებარე მემორანდუმი ადგენს თანამშრომლობის ჩარჩოს საქართველოსა და სომხეთის ტაეკვონდოს ეროვნულ ფედერაციებს შორის, შემდეგი პუნქტების საფუძველზე:
✅ ერთობლივი სასწავლო-საწვრთნელი შეკრებები:
მხარეები თანხმდებიან ორივე ქვეყნის ნაკრები გუნდებისა და კლუბების სპორტსმენების ორგანიზებულ ჩამოყვანაზე ერთობლივ შეკრებებზე. აღნიშნული აქტივობა მიზნად ისახავს გამოცდილების გაზიარებას, სპარინგ-პარტნიორების მრავალფეროვნებას და ფიზიკური მომზადების დონის ამაღლებას.
✅ საერთაშორისო ტურნირებში მონაწილეობის მხარდაჭერა:
ფედერაციები იღებენ ვალდებულებას, ხელი შეუწყონ სპორტსმენების მონაწილეობას იმ საერთაშორისო ტურნირებში, რომლებიც იმართება საქართველოსა და სომხეთის ტერიტორიაზე, შეღავათიანი პირობებისა და ლოჯისტიკური მხარდაჭერის უზრუნველყოფით.
✅ მწვრთნელთა კვალიფიკაციის ამაღლება:
ერთობლივი სემინარებისა და მასტერკლასების ორგანიზება, სადაც ორივე ქვეყნის წამყვანი სპეციალისტები გაუზიარებენ ერთმანეთს თანამედროვე წვრთნის მეთოდოლოგიებსა და ტაქტიკურ სიახლეებს.
✅ მსაჯთა გაცვლითი პროგრამები:
მხარეები ითანამშრომლებენ მსაჯთა პროფესიული დონის ასამაღლებლად, რაც გულისხმობს მსაჯების მიწვევას შიდა სასწავლო კურსებსა და ეროვნულ ჩემპიონატებზე პრაქტიკული გამოცდილების მისაღებად.
✅ სამედიცინო და სარეაბილიტაციო გამოცდილების გაზიარება:
სპორტული მედიცინისა და ტრავმების პრევენციის სფეროში ინფორმაციის მიმოცვლა, ასევე საჭიროების შემთხვევაში, სპორტსმენებისთვის სარეაბილიტაციო ცენტრების ხელმისაწვდომობის ხელშეწყობა.
✅ ინფორმაციული და ტექნოლოგიური თანამშრომლობა:
ტაეკვონდოს მართვის ციფრული სისტემების, რეიტინგების დაგროვებისა და ტურნირების ადმინისტრირების თანამედროვე ტექნოლოგიების შესახებ ცოდნის გაცვლა.
✅ ბავშვთა და ჭაბუკთა სპორტის პოპულარიზაცია:
ერთობლივი პროექტების შემუშავება, რომლებიც მიმართული იქნება ახალგაზრდა თაობაში ტაეკვონდოს პოპულარიზაციისა და ჯანსაღი ცხოვრების წესის დამკვიდრებისკენ ორივე ქვეყანაში.
✅ ანტიდოპინგური პოლიტიკის კოორდინაცია:
მხარეები ადასტურებენ მზადყოფნას, ერთობლივად იბრძოლონ სუფთა სპორტისთვის და ითანამშრომლონ ანტიდოპინგური წესების შესახებ სპორტსმენთა და მწვრთნელთა ცნობიერების ამაღლებაში.
