RG852 Basketball Team 雷丁

14/02/2026

11/2 Reading RG-852 Team A vs NPH Elites
嚟到賽季下半季，今晚先係第一次主場迎戰由一班來自尼泊爾年輕人組成嘅籃球隊伍！作客嘅Team NPH暫時係惟一開季至今全勝嘅球隊！隊中大部份球員都年青力壯，加上速度同進攻火力，實力絕對超班！所以今次主隊亦希望可以係防守方面加強，亦希望可以保持進攻節奏！希望可以同客隊拉成均勢！第一節一開始客隊立即開動十足進攻火力，主隊亦作出相對回應，比賽保持兩分或平手分差，第一節主隊以15-18落後客隊三分下完首節！
第二節客隊再開次加強切入進攻，亦把握到一輪快攻機會，令主隊落後分數擴大之餘，亦陷入個人犯問題，第二節雙方得分為10-19，最終主隊以25-37
落後完半場！
第三節客隊一度以半埸人釘人戰術令主隊難以得分，客隊第三節繼續擴大比數，投中不少中距離同三分入球，第三節單節以13-22繼續領先主隊，以38-59比分完第三節！
第四節主隊未有放棄，一度加強攻勢，希望可以縮窄比分，第四節總分錄得15-12⋯奈何頭三節比數相差較大，亦未能拉近分數距離⋯最終全場總比數
為53-71 由客隊NPH Elites勝出！
亦令Reading RG-852 Team A今年初嘗敗績，不過雖然輸波，但主隊今次亦發現到球隊嘅不足，希望喺未來嘅日子可以加強訓練！亦可以針對問題部份加以改善！目標係下次作客NPH Elites可以打出更佳水準同發揮！
如果你對仲有對籃球仲有一份熱誠，對上場比賽仲著住一團🔥🔥！Team RG-852歡迎你哋！
我哋係～RG-852!
特別鳴謝Team B 兄弟提供Table同拍攝工作🙇🏻

#香港人打波

06/02/2026

4-2-2026
RG852 Team A 主場迎戰 Team LionRockers Workingham !賽季進行到下半段，終於到我哋Rg-852 Team A主場出擊大戰永遠嘅好鄰居，Team LionRockers Wokingham! 今場繼續努力發揮平日練習內容，當然大家都緊記教練經常提示嘅教訓，希望可以繼續延長連勝！所以今場主隊主要針對集中防守部署！第一節初段打出一節16-0嘅攻勢，第一節主隊以16-2完成第一節！
第二節客隊亦開始搵到進攻嘅節奏，持續都有得分，不過主隊好彩有69 號阿Jack及時挺身而出！為主隊喺第二節以100%命中率貢獻咗11分！令主隊可以繼續以29-9繼續保持領先進入下半場！
到第三節比賽！雙方繼續互有得分，而呢一節主隊再次採取更積極嘅防守，試圖令對方出現更多嘅失誤，第三節亦靠着11號 Michael 非常落力嘅防守，成功攔截對方傳送，成功做成三次盜球再快攻得分，亦因此令場上其他隊友可以投入更多分數，令第三節主隊拿下單節二十四分嘅進帳！比分以53比17完第三節！
第四節客隊依然繼續搶攻，希望可以熟習分數嘅距離，當中亦把握到主隊一啲嘅失誤，第四節單節比分客隊8比11領先，唯獨是頭三節分差太大，未能令客隊後來居上，比賽最終以61比28，由主隊
RG-852 Team A 勝出！多謝雙方球員熱情投入！希望好快可以再次喺球場再見「戰」啦！
如果你哋都想一齊參與！無論你想個人參與球隊訓練同比賽，又或者你哋已經組成左一隊球隊再一齊參與聯賽都無任歡迎！可以聯絡我哋FB或者IG group!
我哋係～RG-852

#香港人打波

29/01/2026

28/1 RG-852 Team A 大戰 Guildford Team
今場係我哋主場迎戰Guildford team! 借住主場嘅優勢，主隊一開始已經佔咗領先優勢，比較快適應入局，第一節以15-9稍稍領先，進入第二節主隊依然保持優勢，加上積極嘅防守，第二節令客隊只有個位得分，中場比數29-17，主隊領先！
第三節雙方都互有得分，大家都把握到對方唔同嘅失誤，單節比數為13比11，主隊以42-27領先進入第四節，客隊展現咗永不放棄嘅精神，不段對主隊施壓，而主隊亦因集中力下降，有個別球員體力透支下，被客隊打咗幾段快攻反擊得分，一度追至較接近幾分差！又命中不少三分球！可幸主隊頭三節拉開較大比比數，最終完場比數為52-44主隊勝！
今仗主隊有兩位球員表現出色，分別係4號Ian係防守上表現集中，無乜失位之餘亦有搵到不少靚位做成中距離入球！
第二位係54號Andy(朗），今場比賽對客隊內線做成極大威脅，有不少強行進入三秒區域嘅得分，做就主隊領先嘅優勢，防守端亦作出咗莫大嘅貢獻，搶下不少嘅籃板球！希望大家繼續努力！可以連續取得如下賽事嘅勝利！
最後RG-852 Admin team 都想同雙方球員講聲，唔好意思，有關今場場地安排嘅失誤！以此經驗，下次可以安排更加妥善！辛苦晒～

#香港人打波

22/01/2026

上星期，RG852 Team A 主場迎戰 Sutton HKers，雖然以53:49小勝對手，但我哋仍有許多改進空間。

今場比賽每節比分都非常緊湊，當我哋有機會領先時，對手總能追上。比賽中的專注度與戰術執行力仍需提升。

我哋會繼續努力練習，為下一場比賽做好準備，爭取更佳表現。

15/01/2026

本周二，RG852 Team B作客Wokingham LionRockers ，雖然最後比分係 32:45 落敗，但睇返數據，我哋絕對係越打越有！🔥
今場賽事隊友們欠缺手感，上半場，落後比較多，但去到下半場明顯醒神晒，尤其第四節追返唔少分。輸贏只係其次，最緊要係見到大家喺場上嗰種唔認輸嘅態度。
下場再戰，我哋會執返好啲細節，力求進步💪🏀

#香港人在英國

03/01/2026

🏀 RG852 2026 招募啟動！Join Us ! 🔥
嚟到英國都想搵返班熱血隊友一齊「認真打、開心波」？
RG852 正式招募新成員，無論你係想出汗定係想搵返球場上嘅默契，我哋都歡迎你！
【RG852 練習資訊】
📅 新制生效日期： 2026年2月1日起
💰 月費： £30 (每週一練，每月 4 次練習)
📍 地點： Reading

點解要加入我哋？
🏀穩定場地，唔洗自己辛苦搶場
🏀有系統嘅練習安排
🏀認識一班同路人，場上係隊友，場下係兄弟！

想加入我哋呢個大家庭就快啲 DM 我哋詳情同報名啦！📩
一齊喺 2026 繼續打好每一球！💪🏀

#香港人在英國

24/12/2025

🎅🏀 聖誕快樂 & 新年快樂！🎉
RG852 籃球會全體祝大家有個充滿溫馨、喜悅的聖誕佳節，迎接新一年！

感激大家過去一年的支持。期待在新的一年，繼續在球場上與大家見面，享受籃球的樂趣！

無論喺邊度，都祝願大家健康平安，節日快樂！
See you on the court in 2026! ⛹️‍♂️🔥
#聖誕快樂 #新年快樂 #英國籃球 #香港人籃球隊 #打波人生 #節日祝福

15/12/2025

📢【上周賽果回顧】一勝一負！🔥
上周兩場賽事順利完成，RG852 經歷了激動人心嘅勝利，亦上了一堂寶貴嘅實戰課！

🏀 Team A：兌現承諾，作客報捷！
RG852 Team A 50 : 45 Guildford
說到做到！Team A 延續上場吸收嘅經驗，今場眾志成城，成功喺作客環境下頂住壓力，以 5 分之差力克對手！兄弟們好波💪🏻

🏀 Team B：力戰強敵，汲取經驗
RG852 Team B 52 : 91 Reading NPH
面對活力十足嘅 Reading NPH，Team B 雖然全場力拼，無奈對手速度與體能佔優，最終未能守住主場。雖然比分有距離，但最重要係認清不足，調整心態，下次再嚟過！🙌🏻

勝不驕，敗不餒，RG852 繼續進步🏀🔥🔥🔥

#賽果速報 #香港人在英國

11/12/2025

11/12/2025

2025-12-8 RG-852 Team A 作客之旅第二擊！
今次作客嚟到Guildford Team嘅主場！比賽雙方積極投入！第一節頭段雙方拉成均勢，互有攻守！最终第一節完RG-852 A 以一分之微領先Team Guildford! 進入第二節比賽依然膠着⋯亦見到Team Guildford 多次進擊得手，比數21比21 平手完半場！第三節RG-852 A發力得分！幾次進攻都連番得手！亦拉出一段8-0嘅攻勢！主隊其後亦連番追趕！最終第三節客隊以28-35領先，亦可以帶住七分領前嘅空間進入第四節！
第四節初段雙方繼續保特均勢，但去到中段RG-852 A 受到一啲不可抗力嘅因素影響，加上受犯規問題纏身，中段已經進入隊犯滿額狀態，令Team Guildford 可以以罰球追回不少分數！亦將比賽一口氣追近至一分差距，比賽去到最後兩分半鐘左右，比賽一直互有領先，亦無法拉開過一分嘅分差，去到倒數30秒階段，RG-852 A把握到一次快攻嘅機會，終於將比數拉開至3分領先！呢個時刻Team Guildford 都作出一個技術性暫停，準備部署最後一波攻勢！最後九秒，Team Guildford 部署戰術，作出一個零度位置3分線上嘅攻擊，可惜未能命中，最終RG-852 A搶到防守籃板，再為客隊多添兩分，最終比數45-50 客隊險勝主隊5分！亦結束呢段長達二十五分鐘嘅第四節！
希望快啲可以剪輯今場嘅高光片段分享比大家欣賞！
亦希望大家繼續支持港人雷丁球隊～Rg-852 Team!

07/12/2025

📢【本周比賽預告 】

黎緊呢個星期會上演兩場比賽

🏀2025年12月8號（星期一） RG852 Team A 作客 Guildford

Team A 吸收上場Sutton一戰經驗，今場不贏無歸💪🏻

🏀2025年12月10號（星期三） RG852 Team B 主場力抗 Reading NPH

NPH 係由Reading 一班尼泊爾年青人組成，極具活力， Team B 能否力保不失？

#香港人在英國

04/12/2025

2/12 RG-852 Team A 第一次作客Team Sutton ,
今日賽前都有個簡單而莊嚴嘅默哀儀式，去悼念大埔嘅所有死傷者⋯RIP
講返場比賽，第一節明顯Team Sutton 手風極順，更快入局，比賽初段已經領先達13，14分之差距，亦靠住幾位射手保持領先優勢進入第二節！而RG-852亦開始轉變防守保署，第二節中段開始人釘人戰術！亦開始令比數一度拉近至六分距離，去到第三節！而進入第四節一開始一度膠着！Rg-852繼續以半場人釘人方式死守對方，當然人釘人最大風險係體力要求非常之高，到第四節後半Team Sutton開始打開咗缺口，而TEAM RG-852 亦奮力回應，最後Team Sutton以10分之差，擊敗Team Rg-852! 首嘗今季首敗！不過見到Team RG-852雖然落後但都永不放棄，希望挽回劣勢！精神可嘉！亦都因為呢場比賽令大家更加明白球隊嘅不足同改進！希望為餘下嘅賽事加入寶貴嘅經驗！可以喺嚟緊嘅作客之旅，中止連敗！下星期一會到Guildford 進行第三塲作客之旅！大家不妨再為RG-852打打氣！如果你都有興趣一齊熱血籃球，歡迎隨時聯絡我哋！Go Go ~RG-852!🫡