02/11/2023
《尼斯假期2023》
今個學校假期我地飛咗去法國東南部嘅尼斯（Nice)玩，我哋三個人加一件行李來回機票都只係£175（已經連稅）真係抵玩！
尼斯作為法國第五大城市，所在區域有蔚藍海岸之稱。我哋一入巿區立即見到藍到好似假嘅海水，真係名不虛傳嘅無敵海景！ 市內交通方便，坐輕鐵、巴士可以去到大部份景點，唔使租車都得
當英國已經好早天黑，開始冬天落雨又凍嘅天氣嘅時候，法國南部仲係陽光普照，中午大約有廿度左右，好多人仲係着短袖衫行街，我地都唔放過吸收維他命D嘅機會，坐喺前邊飲杯咖啡都已經係賞心樂事。
如果大家有興趣玩多啲活動可以考慮買 French Riviera Pass，佢可以揀分別24/48/72小時嘅pass，喺第一次使用之後就可以喺指定時間之內玩佢入邊嘅活動，當中包括參觀博物館、租單車、遊船河、香水製作體驗活動、甚至賭場禮券都有，計落都幾抵玩，有興趣可以去下面連結搵資料：https://www.frenchrivierapass.com/en/activities/free-access/
