Afkeranews

24/07/2026

ጉዳዩ፡- የመንዝን ህዝብ የመንገድ ስቃይ በተመለከተ አስቸኳይ መፍትሄ እንዲሰጥ የሚጠይቅ የህዝብ አቤቱታ
ለሚመለከተው የመንግስት አካል በሙሉ፣
ለፌዴራል እና ለክልል መንገዶች ባለስልጣን፣
እንዲሁም ለሚዲያ ተቋማት፤
እኛ የመንዝ እና አካባቢው ነዋሪዎች ይህንን አቤቱታ ስናቀርብ በከፍተኛ የልብ ስብራት፣ በከፋ ብሶት እና ከመጠን ባለፈ ትዕግስት ማለቅ ውስጥ ሆነን ነው። የመንዝ ህዝብ ለሀገር ታሪክ፣ ባህል እና አንድነት ትልቅ አሻራ ያሳረፈ ኩሩ ህዝብ ቢሆንም፣ ዛሬ ላይ ግን በመሰረተ ልማት እጦት፣ በተለይም በመንገድ ችግር ምክንያት ከሀገር እንደተገለለ ማህበረሰብ እየተሰቃየ ይገኛል።
የችግሩ አሳሳቢነት
1. የተጀመረ መንገድ መቋረጥ፡- ለዘመናት ስንጠይቀው የነበረው እና ተጀምሮ ተስፋ የሰጠን የመንገድ ስራ፣ ምንም በቂ ምክንያት ሳይሰጠን በድንገት ተቋርጧል። ፕሮጀክቱ በመቆሙ ምክንያት ለዓመታት የጠበቅነው ተስፋ ጨልሟል።
2. የክረምት ስቃይ እና የህይወት አደጋ፡- ክረምት በመጣ ቁጥር አካባቢያችን ሙሉ በሙሉ ከሌላው ዓለም ይቆረጣል። የተቆፈረው እና ያልተጠናቀቀው መንገድ ወደ ጭቃማነት እና አረንቋነት ስለሚቀየር፣ የትራንስፖርት አገልግሎት ሙሉ በሙሉ ይቆማል። በዚህም ምክንያት፡-
ወላጅ እናቶች በምጥ ጊዜ ወደ ህክምና ተቋም መድረስ አቅቷቸው ህይወታቸው ያልፋል።
ታማሚዎች አስቸኳይ ህክምና ማግኘት ባለመቻላቸው አላስፈላጊ መስዋዕትነት እየከፈሉ ነው።
የአካባቢው አርሶ አደር ምርቱን ወደ ገበያ ማውጣት ባለመቻሉ ለከፋ የኢኮኖሚ ድቀት ተዳርጓል።
3. የአካባቢው ባለስልጣናት ቸልተኝነት፡- ህዝቡ በተደጋጋሚ ይህንን የሞት እና የሽረት ጉዳይ ለሚመለከታቸው የወረዳ እና የዞን አመራሮች ቢያቀርብም፣ የህዝብ አገልጋይ የሆኑት ባለስልጣናት ለህዝቡ ስቃይ "ጆሮ ዳባ ልበስ" በማለት ኃላፊነታቸውን ወደ ጎን ትተዋል።
የህዝቡ አስቸኳይ ጥያቄዎች (እርምጃዎች)
1. የመንገድ ስራው በአስቸኳይ እንዲጀመር፡- ተቋርጦ የቆመው የመንገድ ግንባታ በአፋጣኝ ዳግም ተጀምሮ እስከሚጠናቀቅ ድረስ በቂ የበጀት እና የክትትል ድጋፍ እንዲደረግለት።
2. የአስቸኳይ ጊዜ መፍትሄ እንዲሰጥ፡- የክረምቱን መግባት ተከትሎ የተዘጉ መንገዶች ተጠግነው፣ ህዝቡ የህክምና እና የዕለት ተዕለት ፍላጎቱን ማሟላት እንዲችል ጊዜያዊ የመንገድ ጥገናዎች በአስቸኳይ እንዲደረጉ።
3. አመራሮች ኃላፊነታቸውን እንዲወጡ፡- የአካባቢው (የወረዳ እና የዞን) ባለስልጣናት ከህዝቡ ጎን በመቆም ይህንን የመንገድ ችግር በአስቸኳይ ለመፍታት ቅድሚያ ትኩረት ሰጥተው እንዲሰሩ፤ የህዝቡን ጩኸት እና እንባ በመረዳት እውነተኛ የህዝብ አገልጋይነታቸውን በተግባር እንዲያሳዩ በአጽንኦት እንጠይቃለን።
4. የተጠያቂነት አሰራር እንዲሰፍን፡- ፕሮጀክቱ ለምን እንደተቋረጠ ግልፅ ማብራሪያ እንዲሰጥ እና የህዝቡን ብሶት ችላ ባሉት፣ ኃላፊነታቸውን ባልተወጡ የአካባቢው ባለስልጣናት ላይ የክልሉ እና የፌዴራል መንግስት ማጣራት አድርጎ ህጋዊ እና አስተዳደራዊ እርምጃ እንዲወስድ።
ማጠቃለያ
የመንዝ ህዝብ የልማት እንጂ የተለየ የፖለቲካ ጥያቄ የለውም። ጥያቄያችን የመኖር፣ የህክምና የማግኘት፣ የማምረት እና የመገበያየት ሰብዓዊ ጥያቄ ነው። የመንግስት አካላት ይህንን የመንዝ ህዝብ ሰቆቃ በመረዳት በአስቸኳይ ተግባራዊ ምላሽ እንዲሰጡን በአክብሮትና በጥብቅ እናሳስባለን።
የመንዝ ህዝብ ድምፅ ይሰማ!
ፍትህ እና ልማት ለመንዝ ህዝብ!

12/07/2026

ስለ መንዝ ታሪካዊና ባህላዊ እውነታዎች
መንዝ በሰሜን ሸዋ ዞን (በአማራ ክልል) የሚገኝ፣ በጥንታዊነቱና በባህላዊ እሴቶቹ እጅግ የሚታወቅ ዝነኛ አካባቢ ነው።

ሀ. መልክዓ ምድርና የአየር ንብረት
ደጋማና ቅዝቃዜ የበዛበት፦ መንዝ አብዛኛው ክፍሉ በጣም ከፍተኛ ቦታ (ደጋ እና ውርጭ) ነው። በተለይ እንደ ላሎ ምድር፣ ማማ ምድር እና ጌራ ምድር ያሉ ታሪካዊ ክፍፍሎች አሉት።

የመልክዓ ምድር ውበት፦ አካባቢው አስደናቂ ገደላገደሎች፣ ሜዳዎችና አምባዎች አሉት። የዓባይ ወንዝ ገባሪ የሆነው የጀማ ወንዝ ተፋሰስ አካል ነው።

ለ. ማህበራዊና ባህላዊ መገለጫዎች
የመንዝ በግ (Menz Sheep)፦ መንዝ በበግ እርባታው በኢትዮጵያ አንደኛ ነው። የመንዝ በግ ዝርያ ቅዝቃዜን የመቋቋም አቅሙ ከፍተኛ በመሆኑና ስጋው በጣም ጣፋጭ በመሆኑ ይታወቃል።

የሱፍ ልብስ (ባህላዊ ማግ)፦ በአየር ንብረቱ ቅዝቃዜ ምክንያት የመንዝ ህዝብ ከበግ ጠጉር (ሱፍ) ድንቅ ባህላዊ ልብሶችን (ለምሳሌ፦ ካባ፣ በርኖስ፣ መጎናጸፊያ) በመስራት ረገድ ጥበበኛ ነው።

የአገነባብ ስልት፦ ባህላዊ የመንዝ ቤቶች ከድንጋይ ተፈልፍለው የሚሰሩና ጥንካሬ ያላቸው፣ ከላይ በሳር የሚከደኑ ክብ ቤቶች ናቸው።

ሐ. ታሪካዊ እሴት
የሸዋ ነገስታት መነሻ፦ መንዝ የሸዋ አማራ ነገስታት (እስከ አፄ ምኒልክ ድረስ ያሉ ወላጆቻቸው) መፈጠሪያና መነሻ መሰረት ነው። የነገስታቱ ታሪክና ኃይል የጠነከረው ከዚህ አካባቢ በመነሳት እንደነበር የታሪክ መዛግብት ያስረዳሉ።

የሀይማኖትና የቅርስ ማእከል፦ በርካታ ጥንታዊ አድባራትና ገዳማት ይገኙበታል። ህዝቡ ለባህሉ፣ ለሀይማኖቱና ለነጻነቱ እጅግ ቀናኢ በመሆኑ ይታወቃል።

ስለ መንዝ መንገድ ወቅታዊ ሁኔታ

የመግቢያ ሐሳብ (የችግሩን አንገብጋቢነት ማሳያ)
የጊዜው መርዘም፦ “አንድ ትውልድ ሊያድግበት የሚችል 11 ዓመታት ሙሉ የሕዝብ የልማት ጥያቄ ሆኖ የቆየ መንገድ ዛሬም ድረስ መቋጫ አለማግኘቱ ፍጹም ተቀባይነት የሌለውና የአካባቢውን ሕዝብ ትዕግሥት የፈተነ ጉዳይ ነው።”

የተገባው ቃልና መሬት ላይ ያለው እውነታ አለመጣጣም፦ “ዓመታት በተቀያየሩ ቁጥር የሚገቡ ቃላቶችና የሚደረጉ ቃል-ኪዳኖች በተግባር ሳይተረጎሙ፣ ፕሮጀክቱ በየምክንያቱ ሲቆራረጥና ኮንትራክተሮች ሲቀያየሩ ማየት ሕዝቡ በልማት አስተዳደሩ ላይ ያለው እምነት እንዲሸረሸር እያደረገ ነው።”

ዋና ዋና የቅሬታ ነጥቦች (የተራዘመው መንገድ ያስከተላቸው ጉዳቶች)
ሀ. በጤናና በሰው ሕይወት ላይ የደረሰው ጉዳት
የድንገተኛ ሕመምተኞችና የወላዶች እንግልት፦ “በመንገዱ መበላሸትና አለመጠናቀቅ ምክንያት ሪፈራል ለሚያስፈልጋቸው ወላድ እናቶችና ድንገተኛ ሕመምተኞች ወደ ደብረ ብርሃን ወይም አዲስ አበባ ለመድረስ የሚወስደው ጊዜ እጅግ ረጅም በመሆኑ፣ በመንገድ ላይ ሕይወታቸው የሚያልፍ ወገኖቻችን ቁጥር ቀላል አይደለም። ይህ ልማት ብቻ ሳይሆን የሕይወት መትረፍና አለመትረፍ ጉዳይ ነው።”

ለ. ኢኮኖሚያዊ ኪሳራና የኑሮ ውድነት
የምርትና የገበያ መቆራረጥ፦ “መንዝ ታዋቂ የዳልጋ ከብቶች፣ የበግና የሱፍ ምርት መገኛ ከመሆኑም በላይ በርካታ የሰብል ምርቶች የሚመረቱበት አካባቢ ነው። ሆኖም መንገዱ ባለመኖሩ አርሶ አደሩና ነጋዴው ምርቱን በወቅቱና በምክንያታዊ ዋጋ ወደ ማዕከላዊ ገበያ ማውጣት አልቻለም።”

የቀን ተቀን ኑሮ መወደድ፦ “የአስፋልቱ አለመጠናቀቅ የትራንስፖርት ታሪፍን ሰማይ እንዲነካ አድርጎታል። የጫኝና ተሳፋሪ ተሽከርካሪዎች በመንገዱ መበላሸት ምክንያት የሚደርስባቸውን የዕቃ መለዋወጫ (ስፔር ፓርት) ኪሳራ ለማካካስ በሕዝቡ ላይ ዋጋ ይጨምራሉ፤ ይህም በአካባቢው ሰው ሰራሽ የኑሮ ውድነት ፈጥሯል።”

02/07/2026

DR Congo's World Cup journey might have come to an end tonight, but Aaron Wan-Bissaka’s defensive masterclass simply cannot be overlooked. 🤯

The keeper was beaten, but the goal line belongs to Aaron Wan-Bissaka. 🚫⚽🕷

The defining moment of the match came in the first half. With DR Congo leading 1-0, England launched a furious attack to equalize. Marcus Rashford found space and fired a goal-bound shot that beat goalkeeper Lionel Mpasi. Just as the ball was about to cross the line, Instead of panicking, he squares up to the ball, perfectly balanced on the line, allowing him to use his immense reach to sweep the ball clear and keep DR Congo's 1-0 lead intact at that crucial phase of the match.

You can't teach this level of defensive awareness. Pure spider legs to the rescue! 🕷️🇨🇩

02/07/2026

#ይሄን ቅዱስ ቦታ መርገጥ መታደል ነው #ዝቋላ አቡነ ገብረ መንፈስ ቅዱስ ለ #100 አመት የፀለዩበት ፀበል።ይሄ ፀበል አሁንም ድረስ ድውያንን ያነፃ የታመሙትን የፈወሰ ታላቅ ፀበል ነው

ምስራቅ ሸዋ ዝቋላ ብዙ ሰው ለመዝናናት እራስን ከጭንቀት ለማራቅ ሲሉ ላንጋኖ ሶደሬ፣ወይም፣ኩሪፍቱ የመሳሰሉት የመዝናኛ ቦታዎችን መርጠው ብዙ ገንዘባቸውን ከፍለው የስጋዊ ፍላጎታቸውን ፈፅመው ይመለሳሉ።

ግን እንደነዚህ ያሉ የመንፈስ እርካታ እሚገኝባቸው ሰማያዊ ቤትን እሚታነፅባቸው በሀጢያት በበደል የቆሸሸው ልባችን እሚነፃበት ቅዱስ ስፍራ በነፃም ቢሆን ለመሄድ እንሰንፋለን።

ይህ ገዳም በብዙ ሺዎች የሚቆጠሩ ምእመናን እሚፈሱበት ታላቅ ገዳም ነው።

በተለይ ጥቅምት5 እና መጋቢት 5 ጠጠር መጣያ አይገኝም።

ይህንን ቦታ ለገዳምነት ያበቁት አቡነ ገብረ መንፈስ ቅዱስ ናቸው።
ከተራራው አናት ሀይቅ አለ በውብ ደን የተሸፈነ ሲያዩት ደስታን እሚፈጥር ውጡ ውጡ እማይል ድንቅ ስፍራ ነው።
ይህን የተራራ አካል በግር ተጉዞ ለመጨረስ እስከ 3 ሰአት ይፈጃል።

አቡነ ገብረመንፈስ ቅዱስ ለ 100 አመት በዚህ ስፍራ ፀልየውበታል።

እረድኤት በረከታቸው ይደርብን!!

25/06/2026

ዕርፍ ጨብጦ ወደ ኋላ የሚያርስ የለም
አልቦ ዘይእህዝ ዕርፈ ወየሐርስ ድህሪተ

ጌታችንና መድኃኒታችን ኢየሱስ ክርስቶስ ሰማያዊውን ጥሪና ለእርሱ መኖርን ረቂቅ በሆነ የዕርሻ ምሳሌ አስተምሮናል

በቅዱስ ወንጌል የተመዘገበው «እርፍ ጨብጦ ወደ ኋላ የሚያርስ የለም» የሚለው መለኮታዊ ቃል፥ የወንጌልን ጥሪ የተቀበለና ሰማያዊውን አክሊል የሚናፍቅ ሰው ሊኖረው የሚገባውን ፍጹም ትኩረት፣ ጽናትና ቁርጠኝነት የሚያሳይ ሕያው ቃል ነው። የቤተክርስቲያን ሊቃውንትና የመተርጉማን መምህራን ይህንን የጌታችንን ቃል መሠረት አድርገው፥ ረቂቁን መንፈሳዊ ምሥጢር ከግብርናው ዓለም ተጨባጭ ሥራ ጋር አዋሕደው ያመሰጥሩታል

​ይህ ኃይለ ቃል የተመዘገበው በቅዱስ ሉቃስ ወንጌል ምዕራፍ ፱ ከቁጥር ፶፯ እስከ ፷፪ ባለው ክፍል ላይ ነው። ጌታችን ወደ ኢየሩሳሌም ለመሄድ ፊቱን ባቀናበት ወቅት ሦስት የተለያዩ ሰዎችን በምሳሌ አስተምሯቸዋል

የመጀመሪያው ሰው «ጌታ ሆይ፣ ወደምትሄድበት ሁሉ እከተልሃለሁ» ባለው ጊዜ፥ ጌታችን የሰማያዊው ጥሪ ዋጋ የምቾት ሕይወት አለመሆኑን ሲያስረዳው «ለቀበሮዎች ጉድጓድ ለሰማይም ወፎች መሳፈሪያ አላቸው፥ ለሰው ልጅ ግን ራሱን የሚያስጠጋበት የለውም» አለው

ሁለተኛውን ሰው «ተከተለኝ» ባለው ጊዜ እርሱ ግን «ጌታ ሆይ፥ አስቀድሜ እንድሄድ አባቴን እቀብር ዘንድ ፍቀድልኝ» አለ ጌታችንም ቅድሚያ ለሰማያዊው መንግሥት መሰጠት እንዳለበት ሲያስተምር «ሙታኖቻቸውን እንዲቀብሩ ሙታንን ተዋቸው፤ አንተስ ሄደህ የእግዚአብሔርን መንግሥት ስበክ» አለው

ሦስተኛው ሰው ደግሞ «ጌታ ሆይ፥ እከተልሃለሁ፤ ነገር ግን አስቀድሜ ከቤቴ ሰዎች እንድሰናበት ፍቀድልኝ» ባለው ጊዜ ጌታችን ኢየሱስ ክርስቶስ ለዚህ ሰው የመለሰለትና ለዘለዓለም መመርያ ይሆን ዘንድ የተናገረው ቃል «እርፍ ጨብጦ ወደ ኋላ የሚመለከት ለእግዚአብሔር መንግሥት የተገባ አይደለም» የሚል ነበረ

​ይህ ሰው «ልከተልህ» ቢልም፥ ልቡ ግን ገና ወደ ምድራዊ ትስስሮቹና ወደ ቀደመው ማንነቱ ያይ ስለነበር፥ ጌታችን ሰማያዊውን ተጋድሎ የጀመረ ሰው ምድራዊ ፍቅሮችና ትዝታዎች ወደ ኋላ ሊጎትቱት እንደማይገባ በተጨባጭ በገበሬው የዕለት ተዕለት ሕይወት ምሳሌነት ገለጠው

​የገበሬውና የዕርሻው ምሳሌነት እጅግ ጥልቅ ፍቺ አለው ገበሬው ዕርሻውን በሚያርስበት ጊዜ ዐይኑ መሆን ያለበት በበሬዎቹና ዕርፉ በሚሄዱበት ወደ ፊት ባለው መስመር ላይ ብቻ ነው

ገበሬው አንዴ እርፉን ይዞ ወደ ኋላ ከዞረ የእርሻው መስመር ይጣመማል፤ መስመሩ ከተጣመመ ደግሞ መሬቱ በአግባቡ አይገላበጥም፥ ዘሩም እኩል አያርፍበትም

በመንፈሳዊም ሕይወት ወደ ኋላ የሚመለከት ሰው አካሄዱ ይጣመማል፤ የጽድቅ መስመሩም ይናጋል በአንድ እጅ እርፍ ይዞ፥ በሌላ እጅ ጅራፍ እያወናጨፉ ዐይንን በበሬዎቹ አካሄድ ላይ መትከል የልብና የሕዋሳት አንድነትን እንደሚፈልግ ሁሉ፥ ወደ ኋላ መመልከትም የልብ መሰንጠቅን ያሳያል
ለዚህ ነው በቤተክርስቲያን ትርጓሜ «የማያወላውል እምነት» በቁርጠኝነት እርፍ ከመያዝ ጋር የሚመሰለው

​ወደ ኋላ መመልከት የቀደመውን የኃጢአት ሕይወት መናፈቅን ያሳያል የሎጥ ሚስት ከሰዶም በሥጋ ብትወጣም፥ ልቧ ግን ሰዶም ስለቀረ ወደ ኋላ አየች
የጨው ዓምድም ሆና ቀረች ክርስቲያንም ከንስሐ በኋላ የቀደመውን ክፉ ልማድ፣ የዓለምን ጣዕምና ኃጢአት ሊናፍቅ አይገባም

ነቢዩ ኤልያስ ኤልሳዕን በጠራው ጊዜ፥ ኤልሳዕ በአሥራ ሁለት ጥማድ በሬዎች ያርስ ነበር፤ ጥሪውን በሰማ ጊዜ ግን በሬዎቹን አርዶ፥ የእርሻ ዕቃዎቹን ሰብሮ መሥዋዕት አድርጎ ኤልያስን ተከተለ እንጂ ወደ ኋላ አላለም
ብርሃነ ዓለም ቅዱስ ጳውሎስ ይህንን ምሥጢር

24/06/2026

በመንግስት አገልግሎትና አስተዳደር ሪፎርም ላይ የግንዛቤ ማስጨበጫ ስልጠና እንደቀጠለ ነው
።።።።።።።።።።።።
​ፐብሊክ ሰርቪስ ቢሮ፤ ሰኔ 16 ቀን 2018 ዓ.ም

​ቢሮው በመጀመሪያው ዙር (WAVE 1) ወደ መንግስት አገልግሎትና አስተዳደር ማሻሻያ ሪፎርም ለሚገቡ በቂርቆስ፣ ቦሌ፣ አዲስ ከተማ እና አቃቂ ክፍለ ከተሞች ለሚገኙ የዘርፉ የክፍለ ከተማና የወረዳ አስተባባሪዎች፣ ለቡድን መሪዎችና ለባለሙያዎች በክላስተር በመከፋፈል በሪፎርሙ ዓላማ እና አተገባበር ላይ የግንዛቤ ማስጨበጫ ስልጠና ሲሰጥ ውሏል፡፡

በተካሄደው በዚህ የሥልጠና መድረክ ላይ በየደረጃው የሚገኙ የአዲስ አበባ ከተማ ፐብሊክ ሰርቪስና ሰው ሀብት ልማት ቢሮ አመራሮች ተገኝተዋል።

​የመንግስት አገልግሎትና አስተዳደር ማሻሻያ ሪፎርም ዋነኛ ዓላማ የመንግስት ተቋማትን አደረጃጀትና አሰራር በማዘመን በክህሎትና በባህሪ የበቃ የሰው ኃይል አስተዳደርና ልማትን በመዘርጋት ለተገልጋዩ ኅብረተሰብ ቀልጣፋና ውጤታማ አገልግሎት በመስጠት የሀገርን የዕድገትና የልማት ግቦች እውን ማድረግ እንደሆነ በሥልጠናው ላይ ማብራሪያ ተሰጥቷል፡፡

​በግንዛቤ ማስጨበጫው ላይ እንደተጠቀሰው ሪፎርሙን ወደ ተግባር ለማስገባት ቀደም ሲል በተደረገ ጥናት ሰባት መነሻ ሁኔታዎች የተለዩ ሲሆን፣ ከእነዚህም ውስጥ ዜጎችን የሚያረካ የአገልግሎት አሰጣጥ ስርዓት ያለመገንባት እና ብቁ የሰው ኃይልና የበቁ የመንግስት ተቋማት እጥረት መኖር በቀዳሚነት እንደሚጠቀሱ ተገልጿል፡፡

​በስልጠናው በቀረበው ሰነድ ላይ የሲቪል ሰርቪሱ ታሪካዊ ዳራን ጨምሮ የሁለተኛው የአገር በቀል ኢኮኖሚ አንዱ ካስማ የሆነውን የመንግስት የመፈፀም አቅም የማጎልበት ተግባር እና የሪፎርሙ አላማና አተገባበር ሂደት በዝርዝር ቀርቦ ውይይት ተደርጎበታል።

​በተያያዘ የስልጠናው አስፈላጊነት በዋናነት ሰራተኞችና አመራሮች ሪፎርሙ ወደ ተግባር ከመግባቱ በፊት አላማውን እና የሚያመጣውን የአገልግሎት አሰጣጥ ስርዓት ለውጥ በመረዳት ለትግበራው በቂ ግንዛቤ እንዲይዙ መሆኑ ተገልጿል፡፡

​በቀጣይም ቢሮው በዌቭ አንድ ወደ ሪፎርሙ ለሚገቡ ተቋማት የተለያዩ የግንዛቤ ማስጨበጫ ስራዎችን አጠናክሮ እንደሚቀጥል ታውቋል፡፡

ለበለጠ መረጃ፦

ፐብሊክ ሰርቪስና ሰው ሀብት ልማት ቢሮ

05/06/2026

ዳኛዋና ሚስቱን የገደለው ግለሰብ ሆስፒታል ተኝቷል!

በትላንትናዉ ዕለት በምዕራብ ሸዋ ዞን ወልመራ ወረዳ በዳኛ እና በቀድሞ ሚስቱ ላይ የግድያ ወንጀል የፈጸመዉ ግለሰብ፤ በራሱ ላይ በተደጋጋሚ በመተኮስ ቆስሎ ሆስፒታል እንደሚገኝ ተነገረ።

በወልመራ ወረዳ ፍርድ ቤት የባልና ሚስት ክርክር ተከራካሪ የሆነ ባለጉዳይ የፍርድ ቤቱ ዳኛ የሆኑትን ወ/ሮ ወርቄ ፈከንሳ እና በባልና ሚስት ክርክሩ ላይ ተከራካሪ በነበሩት የጥቃት አድራሹ ቀድሞ ባለቤት ወ/ሮ አልማዝ መኮንን ላይ ሽጉጥ በመተኮስ ህይወታቸዉ እንዲያልፍ አድርጓል። በኋላም በራሱም ላይ በተደጋጋሚ በመተኮስ ቆስሎ ሆስፒታል እንደሚገኝ ማረጋገጥ መቻሉን የኦሮሚያ ጠቅላይ ፍርድ ቤት ባወጣዉ መግለጫ አስታውቋል።

ግለሰቡ የወንጀል ድርጊቱን የፈፀመው ፍርድ ቤቱ አዲስ ባስገነባው ህንፃ ሙሉ በሙሉ አገልግሎት ለመስጠት እንቅስቃሴ እያደረገ ባለበትና በከፊል አገልግሎት በጀመረበት ሁኔታ ውስጥ ሊያጋጥም የሚችልን የደህንነት ክፍተት ተጠቅሞ መሆኑ ግምት ተወስዷል።

ከተፈፀመው የወንጀል ድርጊት ጋር ተያይዞ ተጠርጣሪ ግለሰቦች በቁጥጥር ስር ውለው ምርመራ የተጀመረባቸው ሲሆን በዳኛ ወርቄ ፈከንሳ ላይ የደረሰዉ አሳዛኝ ጥቃት በየትኛዉ መመዘኛ ተቀባይነት የሌለዉና የኦሮሚያ ፍርድ ቤቶች ማህበረሰብንና መላዉን ህብረተሰብ ያስደነገጠና ልብ የሰበረ ድርጊት ሆኗል።

በተጨማሪም የቀድሞ የትዳር አጋሩን በእንደዚህ አይነት መልኩ ህይወቷ እንዲያልፍ ማድረጉ በጣም የሚያሳዝን ድርጊት ሲሆን የኦሮሚያ ጠቅላይ ፍርድ ቤት በክዳኛ ወርቄ ፈከንሳ ላይ በደረሰ አሳዛኝ አደጋ የተሰማዉን ጥልቅ ሀዘን እየገለፀ ለቤተሰቦቻቸውና ወዳጅ ዘመዶቻቸው መፅናናትን ተመኝቷል።ከወንጀል ድርጊቱ ጋር በተያያዘ የተጀመሩ ምርመራዎችንና ወደፊትም ሊጀመሩ የሚችሉ ምርመራዎችን ተከታትሎ ለህዝቡ ይፋ የሚያደርግ መሆኑን ገልጿል።

05/02/2026

"ነገሮች ሁሉ በእግዚአብሔር ጊዜ ሲሆኑ ፍጥነትም ውበትም አላቸው ስለዚህ ትዕግስት ይኑረን እግዚአብሔር የተሻለ ነገር አለውና።"

09/10/2024