29/09/2023
Mahammad Shueeybii (Sheekaa)
Wallee ajaa'ibaa, tan waggoota keeysatti takkattuudha!
Garuu nama hangamiitu walaloo isii guutuutti beeka?
Hundaafuu, kunootii !
==============//================
Illii abraashaa yaa taharoo haraa
Tan masnoo tarreerraa
Tabishaan qarqaraa
Urgooytee qabsiifte namuu haraaraa!
Jalqabaa unkuurrikee,
Sanyii filamtuu sibiqilchani
Habaqaallikee latee,
Xaliila masnoo sitti yaasani
Naannigaa sidheengihee,
Tanaaf meeyrikee nuura muudani
Gannaaf bonni siif tokkoo,
Qilleensa birraa walqixxeeysanii
Aduuf hamadaayarra
Qilleensa dadaa si afeeranii [×2]
Areera hadhaadhiyyaa
Gamaa gamanaa sitti toohanii [×2]
....
,
Ogeeysa cimaan si kunuunsani
Taajaajillikee tolee,
Fakkaata nadhii riga tuulani
Ilillii haroo haraa,
Habaree harcaafte quyyiifattee
Daraartee sh*ttoo sh*ttoo,
Jattee halaalaa nama harkifte
Hedduutu haxxiffata
Urgaantee halaalaa maraachitee [×2]
Sinyaachuuf sirraan maraa,
Gorora harcaasa hamoommatee [×2]
....
Ijji silaalte hin hartuu,
Lafa hin millattu if wallaaftee
Gubattee anaannatti,
Akkamiin sidhiifti irraanfattee
Dooyaarra hin daddeemini,
Ija fuuta duubaas kajeelamtee
Hinaaftuu siqunnamaa,
Isa harka buuta haloolamtee
Cubbuu narra hin kaayinii
Kophaakee gabbaatee sireebanii [×2]
Jireenyaa nabboorawaa
Butamtee garaa nanrooraasinii [×2]
**
