02/08/2026
Tujjaarri Aliikoo Daangoote qabeenya isaa harka sadii keessaa tokko harka-qalleeyyiif akka arjoomu ibse
++++++++++++++
Dhugaa Media Finfinnee, Adoolessa 29, 2026-Dureesssa Afirikaa beekamaa fi biiliyoonarri Naayijeeriyaa, Aliikoo Daangoote qabeenya isaa keessaa harka sadii keessaa tokko (dhibbeentaa 33) dhaabbilee tola ooltotaa harka-qalleeyyii gargaaraniif akka arjoomu beeksise.
Intalli isaa Haliimaa Daangoote gaaffii fi deebii Biluumbargi waliin taasisteen, murteen kun maatii Aliikoo Daangootee hunda biratti deeggarsa guutuu akka qabu ibsite, qabeenyi Aliikoo Daangoote yeroo ammaa doolaara Ameerikaa biiliyoona 35 oliin kan tilmaamamus yoo ta'u, kana keessaa dhibbeentaan 33 jechuunis doolaara biiliyoona 11 hanga 12 ta'u dhaabbilee tola ooltummaaf akka oolchus beeksise.
Kunis seenaa Afirikaa keessatti qabeenya dhuunfaan arjoomame keessaa isa guddaa keessaa tokko yoo ta’u, maallaqni kun pirojektoota yeroo dheeraa kanneen dameewwan fayyaa, barnoota, wabii nyaataa fi hojii gargaarsa namoomaa irratti xiyyeeffatan deeggaruuf akka oolus ibsameera.
Akkasumas, murteen kun kan beeksifame yeroo Aliikoo Daangoote daldala isaa gara doolaara biiliyoona 100'tti guddisuuf hojjechaa jiru fi itti-gaafatamummaa dhaabbilee isaa dhaloota itti aanutti dabarsuuf qophii taasisaa jirutti ta'uunis gabaafameera.
MADDI: BILUUMBARGI
