Club Balonmán Lalín

02/06/2026

⚫🔴 TORNEO O NOSO CLUB ⚫🔴

O pasado domingo, os nosos equipos Benxamíns e Alevíns 5 participaron no Torneo O Noso Club, vivindo unha xornada inesquecible de balonmán, compañeirismo e diversión.

Máis de 75 equipos e 700 rapaces e rapazas déronse cita nun evento espectacular no que os nosos xogadores e xogadoras desfrutaron ao máximo dentro e fóra da pista.

Seguimos sumando experiencias, aprendizaxe e momentos que fan medrar a nosa familia do Balonmán Lalín. ❤️🖤

30/05/2026

❤️🖤 Tres xogadores do Balonmán Lalín convocados coa Selección Galega!

Estamos de parabéns! 💪

🏆 Eloy González Asorey foi convocado para participar no Torneo de Maia coa Selección Galega.

🏆 Miguel Pedreira Factor e Breixo González Aller formarán parte da expedición galega no Torneo de Caminha.

Un recoñecemento ao seu traballo, esforzo e compromiso diario, así como ao labor de formación que se realiza no noso club.

Desexámoslles moita sorte nesta experiencia representando a Galicia. Estamos moi orgullosos de vós!

26/05/2026

📢 CONVOCATORIA ASEMBLEA ORDINARIA

Convócase aos socios e socias do Club Balonmán Lalín á Asemblea Ordinaria para informar da tempada 2025-2026.

🗓 Mércores 10 Xuño. 📍 Café Bar Camilo. 🕣 Primeira convocatoria: 20:30 h. 🕘 Segunda convocatoria: 21:00 h

📌 Orde do día:• Estado do club ao remate da tempada.• Aprobación das contas.• Aprobación da nova directiva presentada.

Agradecemos a asistencia e participación de todos/as

12/05/2026

❤️🖤 O sector rematou… pero o orgullo e a gratitude quedan para sempre.

Dende o Balonmán Lalín queremos dar as grazas a todas as persoas que forman parte desta gran familia e que fixeron posible vivir unha experiencia inesquecible.

Grazas aos xogadores e corpo técnico polo esforzo e compromiso, á afección por empurrar en cada partido, e moi especialmente a todos eses colaboradores incansables que sempre están cando fai falta.

👏 Un agradecemento enorme aos pais e nais do equipo de embutidos, polo traballo, a dedicación e por estar sempre sumando.

E por suposto, grazas ás empresas e colaboradores que axudaron ao Balonmán Lalín neste sector Estatal:

🔹 Embutidos Lalinense
🔹 Clínica Deza
🔹 Distribuciones Javier Vázquez
🔹 Disiclín
🔹 Fervi
🔹 A Lola
🔹 Casa Currás
🔹 Piscofino
🔹 Vinos Manuel Gil
🔹 Panadería Matelo
🔹 Café Bar Restaurante Suso
🔹 Café Bar Niza
🔹 Cafetería Rosaleda
🔹 Bar Siglo XXI
🔹 Pegatinas
🔹 A Principal
🔹 L3 Fisioterapia & Readaptación
🔹 Centro Move
🔹 Trattoria do Gato
🔹 Café Casino
🔹 O Asubío

📸 E unha mención moi especial para os nosos fotógrafos da casa Mario, Rosa e Nico, polo seu enorme labor e por captar cada emoción, cada esforzo e cada momento vivido durante este sector. Grazas por axudarnos a gardar estes recordos para sempre ❤️🖤

…e tamén a todos os que seguro nos deixamos sen nomear, pero que forman parte desta gran familia que fai medrar o Balonmán Lalín día tras día ❤️🖤

Seguiremos loitando, soñando e medrando xuntos.
Grazas por estar sempre aí

10/05/2026

❤️🖤 GRAZAS, LALÍN ❤️🖤

Hoxe remata unha experiencia inesquecible para os nosos rapaces.
Non puido ser, pero o orgullo que sentimos por este equipo é inmenso.

Queremos dar as grazas a toda a afección que encheu o Arena durante toda a fin de semana, aos pais e nais que estiveron sempre ao lado do equipo, aos voluntarios, colaboradores e patrocinadores que fan posible que sigamos soñando cada día. 🙌

O ambiente vivido foi simplemente incrible.
Balonmán, emoción e unión nun Lalín Arena espectacular. 🔥

Noraboa ao Anaitasuna polo gran partido e moita sorte no que vén 👏

E aos nosos rapaces… enormes.
Polo esforzo, pola ilusión e por representar este escudo con orgullo ata o último minuto. Isto é só o principio. ❤️🖤

10/05/2026

🚨 𝗗𝗜𝗔 𝗗𝗘 𝗣𝗔𝗥𝗧𝗜𝗗𝗢 🚨

Hoxe xogámonos moito máis ca un encontro.
💥 Hoxe xogámonos o pase ao 𝗧𝗢𝗣 𝟴 estatal.

O noso xuvenil necesita ao seu lado a toda a familia vermella e negra para empurrar ata o final. Cada aplauso, cada berro e cada persoa no Arena pode marcar a diferenza. ❤️🖤

🆚 Anaitasuna A
🕛 12:00h
📍 Arena Lalín

🍻 E para comezar o día como merece…
𝗦𝗘𝗦𝗜𝗢́𝗡 𝗩𝗘𝗥𝗠𝗨𝗧𝗛 dende as 11:00h no Arena!

Vén cedo, anima, desfruta e axúdanos a ser un máis na pista. Porque xuntos somos máis fortes. Porque Lalín nunca falla. 💪

🔥 𝗩𝗘𝗡 𝗔𝗣𝗢𝗜𝗔𝗥 𝗔 𝗘𝗠𝗕𝗨𝗧𝗜𝗗𝗢𝗦 𝗟𝗔𝗟𝗜𝗡𝗘𝗡𝗦𝗘 🔥

09/05/2026

🔥 𝗦𝗘𝗚𝗨𝗜𝗠𝗢𝗦 𝗖𝗢 𝗦𝗢𝗡̃𝗢 🔥

Mañá non xogamos só un partido.
Mañá xogamos por todo aquilo que levamos traballando durante toda a tempada. Polas horas de adestramento, polos esforzos silenciosos, polos nervios, polas alegrías… e por defender este escudo como merece. ❤️🖤

Temos diante unha oportunidade enorme:
💥 loitar polo pase ao TOP 8 estatal fronte a Anaitasuna.

Pero isto non se consegue sós.
Precisamos do noso pobo, da nosa xente, da bancada empurrando en cada defensa, en cada parada e en cada gol. Precisamos sentir o Arena cheo, vibrando connosco ata o último segundo. 🙌

Porque cando Lalín aperta… todo é posible.

📍 Arena Lalín
🆚 Anaitasuna A
🕛 12:00h

Mañá deixaremos a alma na pista.
Agora tócache a ti deixarte a voz na bancada

09/05/2026

🎁 Queremos agradecer especialmente os sorteos realizados por A Principal, Embutidos Lalinense e Fervi, que unha vez máis amosaron o seu compromiso e apoio co noso club ❤️🖤

E, como sempre, agradecer tamén a estimable colaboración de Clínica Deza, sempre ao noso lado sumando e apoiando cada iniciativa ⚽🙌

Grazas por formar parte desta gran familia 💪

09/05/2026

🔥 𝙑𝙄𝘾𝙏𝙊𝙍𝙄𝘼 𝙀𝙉 𝘾𝘼𝙎𝘼 🔥

O Lalín Arena volveu vivir unha noite máxica.
💥 27 - 16 💥

Orgullo deste equipo, desta afección e desta familia que non deixa de crer. ❤️🖤

Cada partido é unha nova páxina desta historia que estamos escribindo xuntos. E isto aínda non rematou…

📣 MAÑÁ TODOS AO ARENA
Para seguir desfrutando desta experiencia única, para empuxar ao equipo e para seguir soñando xuntos.

⚔️ Un equipo.
❤️ Unha familia.
🔥 Un soño.

09/05/2026