Clúster Galego da Industria do Deporte e o Benestar

Casa
España
A Coruña
Clúster Galego da Industria do Deporte e o Benestar

O Clúster Galego da Industria do Deporte e o Benestar representa ás empresas da industria do deporte

06/03/2026

Profesionais como están conseguindo algo clave: que cada vez máis persoas fagan exercicio e poñan a saúde no centro. Onte conversamos no Foro Mulleres Referentes

02/12/2025

A finais de novembro, a xerente do Clúster, Sofía Toro, participou no III Congreso de Turismo e Economía Azul 🌊 como poñente na mesa redonda “Unha visión nacional do Turismo Activo”.

Desde o Clúster sabemos do enorme crecemento da economía azul e das oportunidades que representa para Galicia 🌍. De feito, nos últimos anos estamos a ver un aumento claro de proxectos innovadores ligados ao deporte e ao litoral. Hoxe, o turismo deportivo azul é xa responsable de arredor do 26% do movemento económico vinculado á costa galega ⚓️.

En Galicia temos claro que o deporte costeiro só pode medrar se o ecosistema mariño permanece san 🐚💙. Por iso, a sustentabilidade non é un adorno nin un concepto decorativo: é unha peza esencial do modelo de negocio, da competitividade e do futuro do noso litoral.

30/11/2025

🎉 A BFSport, recoñecida como Mellor Iniciativa de Innovación nos XVI Premios Galicia á Xestión Deportiva

O pasado venres, Agaxede Xestión Deportiva fixo entrega dos seus Premios Galicia á Xestión Deportiva, un gran evento onde foi premiada a BF Sport, a aceleradora do deporte de Galicia impulsada polo Clúster Galego da Industria do Deporte e o Benestar.

Este recoñecemento é moito máis que un galardón:

🔹 É unha validación colectiva de que Galicia necesitaba unha ferramenta así para impulsar emprendemento, tecnoloxía e novos modelos de negocio arredor da industria do deporte.

🔹 É unha mostra do valor dun sector que non deixa de medrar, que aposta pola profesionalización e pola innovación aberta como motor de futuro.

🔹 E é un impulso para seguir construíndo un ecosistema sólido, onde emprendedores, empresas consolidadas, entidades públicas e profesionais caminemos xuntos.

Desde o Clúster Galego da Industria do Deporte e o Benestar queremos agradecer a AGAXEDE este premio, que recoñece non só o traballo destes meses, senón a visión compartida de crear unha aceleradora pioneira, capaz de acompañar proxectos dende a idea ata a súa consolidación.

🤝 Grazas tamén a todas as entidades socias e colaboradoras que apoian a BF Sport e que cren no talento galego como motor de transformación.

Seguimos a traballar para que Galicia sexa un referente estatal na innovación deportiva.

Este premio recórdanos que imos polo bo camiño.

🔵 A innovación no deporte galego xa ten nome: BF Sport.

29/11/2025

A San Silvestre de Vigo xa está en marcha… e vén acompañada do Plan 2 Millóns! 🏃‍♀️✨
Esta semana presentouse oficialmente a carreira, un evento xa tradicional na cidade e que un ano máis se adhire ao noso proxecto para seguir impulsando unha Galicia máis activa e saudable.

O Plan 2 Millóns contou cun papel destacado na presentación, nun acto no que tamén estivo MÁIS QUE AUGA , entidade asociada ao Clúster e apoio fundamental para promover a actividade física na área de Vigo. Entre todas e todos, seguimos sumando pasos cara ao obxectivo común: que cada vez máis persoas practiquen deporte con regularidade.

📣 E queremos aproveitar para lanzar unha invitación a todo o país:
Este 31 de decembro, animádevos a participar nas San Silvestres dos vosos concellos. É unha maneira fantástica de despedir o ano, compartindo deporte, comunidade e diversión con familia e amizades. Un último esforzo para rematar 2025 como merece… ¡movéndonos! 💙🏃‍♂️🏃‍♀️

Porque cada carreira, cada paso e cada sorriso suma no camiño cara aos 2 millóns.

27/11/2025

🌍💙 A economía global do benestar segue medrando… e a actividade física é un dos seus piares fundamentais

O Global Wellness Institute (GWI) acaba de publicar o seu novo informe, e as cifras falan por si soas:
👉 6,8 billóns de dólares en 2024
👉 Previsión de 9,8 billóns en 2029

O benestar xa representa o 6,1 % do PIB mundial, e podería chegar ao 7,1 % en poucos anos. Estamos ante unha das grandes macroindustrias globais do século XXI.

🏋️‍♂️ A actividade física, un sector estratéxico

Dentro dos 11 sectores analizados polo GWI, a actividade física —gimnasios, estudos especializados, adestramento persoal, deporte recreativo— consolídase como un eixo clave na nova economía do benestar.

Por que?
Porque a sociedade demanda saúde, prevención, calidade de vida e movemento.
Porque o fitness xa non é só “exercicio”: é saúde pública, tecnoloxía, datos, comunidade e benestar integral.

O informe sinala cinco motores que explican este crecemento sostido:

🔹 Normalización do exercicio como ferramenta de saúde.
🔹 Boom do adestramento de forza.
🔹 Programas personalizados baseados en datos.
🔹 Crecemento do fitness corporativo e da saúde laboral.
🔹 Modelos híbridos (presencial + dixital) e novos servizos de recuperación, mobilidade e benestar mental.

🌐 Novas oportunidades para o ecosistema do deporte

Outros sectores do benestar tamén avanzan a gran velocidade:

🏡 Wellness real estate → +19,5 % anual desde 2019
🧘 Benestar mental → +12,4 % anual
✈️ Turismo wellness → un dos motores globais tras a pandemia

Todos eles abren espazos de colaboración directa co deporte e a actividade física: vivendas con instalacións deportivas integradas, programas de saúde mental vinculados ao movemento, experiencias turísticas activas, servizos de recuperación avanzada...

💡 Que significa isto para Galicia?

A actividade física é economía, é saúde e é unha oportunidade de país.

Nun territorio con 1.498 km de costa, ecosistemas únicos e unha das redes deportivas públicas máis potentes do Estado, Galicia pode situarse na vangarda desta economía global do benestar:

🔹 impulsando innovación empresarial,
🔹 apostando polo deporte como política pública,
🔹 fortalecendo a industria do fitness e do benestar,
🔹 e promovendo hábitos activos entre a poboación.

🚀 O futuro é movemento. E o sector do deporte galego está preparado.

Desde o Clúster Galego da Industria do Deporte e do Benestar seguiremos traballando para que Galicia non só acompañe esta tendencia… senón que a lidere.

O benestar é unha oportunidade. Para o sector. Para a economía. Para o país. Para as persoas.

12/11/2025

📈 O mercado mundial do fitness medrará ata os 234.800 millóns de dólares en 2034

O fitness está deixando de ser só unha actividade de lecer para consolidarse como un sector estratéxico de saúde e benestar. Segundo o novo informe de Allied Market Research (novembro 2025), o mercado global dos ximnasios e centros de fitness alcanzará os 102.300 millóns de dólares en 2024 e duplicará esa cifra nunha década, con un crecemento medio anual do 8,8 %.

Os analistas sinalan dous grandes motores deste impulso:
🏋️‍♀️ O cambio cultural, cunha nova xeración que entende o exercicio como parte esencial do seu benestar físico, mental e social.
👩‍⚕️ O impacto sanitario e económico, que está levando a empresas e administracións a apostar polo exercicio como ferramenta de prevención e produtividade.

O estudo identifica cinco tendencias clave para a próxima década:
1️⃣ A consolidación do modelo híbrido entre ximnasio físico e canles dixitais.
2️⃣ O auge dos programas corporativos e de benestar laboral, que poderán representar o 15 % dos ingresos globais.
3️⃣ O forte crecemento dos mercados emerxentes, especialmente en Asia-Pacífico.
4️⃣ A profesionalización do adestramento, baseada na evidencia científica e a saúde dixital.
5️⃣ A converxencia entre fitness, medicina preventiva e lonxevidade, con novas fórmulas que combinan tecnoloxía, exercicio e coidado integral.

En Europa, a oportunidade pasa por integrar a actividade física nos sistemas públicos e privados de saúde, un camiño que xa están a seguir Reino Unido, Alemaña ou os países nórdicos.

💡 O fitness xa non é só fitness: é saúde, tecnoloxía, prevención, comunidade e futuro. Galicia conta con talento, infraestrutura e cultura deportiva para ser parte activa desta transformación global.

24/10/2025

👨‍👩‍👧‍👦 O deporte tamén é cousa de familia!

Compartir actividade física en familia non só é saudable, tamén fortalece os vínculos, mellora o benestar emocional e crea recordos que duran toda a vida 💚

Un paseo en bici, unha carreira no parque, unha tarde de xogos activos ou unha camiñada polo monte… calquera momento pode ser unha oportunidade para movernos xuntos 🚴‍♀️🌳

Porque cando o exemplo vén da casa, o deporte convértese nun hábito que se transmite de xeración en xeración 🫶

20/10/2025

💙 A Coruña volveu encherse de cor, música e inclusión coa Carreira ENKI!

O pasado sábado tivo lugar unha nova edición desta proba única, que reuniu a máis de 15.000 persoas nun ambiente cheo de sorrisos, disfraces e solidariedade 🎭🎶

A Carreira ENKI, organizada pola asociación —entidade asociada ao Clúster e adherida ao — volveu demostrar que o deporte é unha ferramenta de inclusión e benestar, aberta a todas as persoas 💪✨

Nesta XII edición recadáronse máis de 106.000 euros, unha cifra récord que reflicte a forza dun proxecto que cada ano mobiliza a milleiros de persoas para defender valores como a empatía, a diversidade e o xogo compartido.

Unha festa do deporte e da vida activa, que volve lembrarnos que cando o deporte une, non hai barreiras que valgan 🙌

📸

17/10/2025

Moverse é moito máis que facer deporte.

É coidar da túa saúde, da túa mente e do teu benestar.
Non fan falta grandes cambios, só dar o primeiro paso 💪
Cada minuto conta, cada paso suma.

E ti, xa te moviches hoxe? 😉

15/10/2025

Onte acompañamos á Fundación Amare Terra na presentación da plataforma ‘Terra Move’, unha ferramenta de mecenado deportivo.

Terra Move nace como unha ferramenta dixital que facilita, de xeito gratuíto e solidario, a captación de fondos por parte de clubs, federacións e deportistas para os proxectos de interese común que estes promovan a través da plataforma.

Cada entidade rexistrada recibirá de xeito directo os fondos e recursos que se recaden como doazóns para as súas respectivas campañas. Pola súa banda, as doazóns realizadas a través da plataforma poderán beneficiarse das deducións fiscais previstas na lexislación española.

14/10/2025

📢 O deporte é moito máis ca movemento. É inclusión, saúde e igualdade de oportunidades.

Dende o Clúster Galego da Industria do Deporte e o Benestar poñemos en marcha, coa colaboración da Deputación da Coruña, un obradoiro para fomentar a actividade física en persoas en risco de exclusión social.

💡 A formación está dirixida a persoal técnico deportivo da provincia da Coruña que queira mellorar a súa oferta deportiva e facer do seu concello un espazo máis inclusivo e activo.

🔹 Modalidade: online
🔹 Duración: 8 horas (4 sesións de 2h)
🔹 Prazas limitadas a 40 participantes

Se cres que o deporte pode cambiar vidas, este obradoiro é para ti 💪

📝 Inscríbete xa!
🔗 Ligazón na bio

07/10/2025

💻 Novo obradoiro para fomentar a actividade física en persoas en risco de exclusión 🏃‍♀️🤝

Desde o Clúster Galego da Industria do Deporte e o Benestar, en colaboración coa Deputación da Coruña, poñemos en marcha unha formación gratuíta dirixida a persoal técnico deportivo da provincia da Coruña 📝

👉 O obxectivo:

✅ Aumentar o número de persoas que practican actividade física na provincia
✅ Garantir o acceso e a participación de persoas en risco de exclusión social no deporte

📚 A formación consta de 4 bloques online de 2 horas cada un (8 horas en total) e abordará estratexias de captación, ferramentas prácticas e casos de éxito para mellorar a oferta deportiva e chegar a novos públicos 💡

📌 Prazas limitadas a 40 persoas

Se traballas nun concello da provincia e queres mellorar a túa oferta deportiva, inscríbete aquí 👇

🔗 https://forms.gle/VR9g2DWxWb3Byhz48

Dirección

Calle Cantón Pequeño 13-14º
A Coruña

Teléfono

+34698145218

Página web

https://industriadeporte.gal/

Notificaciones

Sé el primero en enterarse y déjanos enviarle un correo electrónico cuando Clúster Galego da Industria do Deporte e o Benestar publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a Clúster Galego da Industria do Deporte e o Benestar:

Atajos

¿Quieres que tu empresa sea el Gimnasio mas cotizado en A Coruña?

Categoría

Deportes