06/04/2022
🛑 التنشيف و العروق و نسبه الدهون 🛑
هل العروق هيا بسبب مكملات معينه او هرمونات ؟
= لا .. ابطال كتير في مستر اوليمبيا راضيعين جميع الهرمونات و عاملين دايت و مش عندهم
ايه الفكره بين العروق و بين نسبه الدهون ؟
= الرفيع الي مش بيتمرن اصلا عنده عروق .. اي انسان و حيوان عنده اورده (عروق) بس فيه نسبه مايا بتقلل من ظهورها + دهون بتقلل من ظهورها . كل ما تقل الدهون تظهر اكتر ... بس كده ؟ لا طبعا .. كل العضله يبقي فيها بامب جلايكوجين اكتر هتضغط علي الوريد و يظهر اكتر لبره .. مع مكمل يقلل الضغط عشان يوسع الاورده .. هتلاقي الاورده طالعه بمنظر مختلف تماما
انا مش عندي عروق مع اني بتمرن و دهوني قليله ليه ؟
= جيناتك و هيكل جسمك كده .. ربنا خلقك كده زي ما ربنا خلقني كده .. دي جيناتك و نصيبك في جسمك ان يبقي اوردتك مش شبهي في هيكل الجسم
انا بقي عايز اطلع عروق .. معرفش جيناتي بس عايز احاول اطلع عروق ؟
=
1- نسب الملح في اكلك لازم متعديش غير 5 جرام صوديوم يوميا
2- الكارديو بيوسع الاورده و بيضخ الدم و يخلي القلب يضخ دم اكتر و بيقلل الدهون و المايا
3- الدايت عامل اساسي ان يخليها تظهر عشان نزول المايا و الدهون اكبر عامل 85% انها تظهر اكتر و اكتر و اكتر
4- ركز علي ضغط دمك .. لو ضغط دمك عالي العروق مش هتشوفها حتي لو دهونك قليل .. لو ضغط دمك واطي .. برضو مش هتبان و بالعكس جسمك هيسقع و هتحس انك مفرهد و مفيش طاقه انك تعمل بامب حتي
ضغط يوطي بنسب معقوله جداا
لان هيا علاقه طرديه " كل ما ضغط يوطي, عروقك هيحصلها توسع اكتر "
زي الفياجرا " علي فكره هيا كان علاج للضغط العالي "
بتوطي الضغط توسع اورده جسمك و تساعد في تدفق الدم اكتر لاي عضو انت هتستخدمه حتي لو عينك ..
روح اتمرن هتلاقي عروق الباي خراطيم .. فكر بعضو معين كده هتلاقيه اشتغل .. انت الي بتشغلها مش هيا .. انت الي بتحددها تساعد تدفق الدم لاني عضله بظبط :)
مكملات الي "بتساعد" "شويه" في اظهار العروق : (حسب جيناتك في العروق)
========
رقم 1 : L-Arginine
السترولين .. الارجنين .. الاجماتين
الاجماتين نسخه مطوره و مشقته من الارجنين
السترولين بيخش جسمك يتحول لجرعه ارجنين حلوه جدا
ف بالتالي : الارجنين هو الحمض الاميني الاساسي لضخ الدم في العضلات
و بيوسع العروق مع تمرينك و قوتك
مفيش مكملات تاني .. منتجات الطاقه فيها جرعات تافهه اوي .. مش الي هتديك كامل الي عايزه من الارجنين او السترولين ..
الهرمونات الي بتساعد علي تدفق دم اكتر في العروق و انها توسع و تظهر اكتر ..
1- Boldenone Rate (80%) (بعد مده طويله من استخدامه)
2- Anavar Rate (75%)
3- DANABOL - DANABOL - DANABOL Rate (98%)
4- TurinaBol (98%)
5- Tren (94%) اه الترين اضعف من الدنابول
6- PGF-2 دا اقوي حاجه ممكن تبين عروقك حتي لو كانت فين لانه بيزود درجه حراره جسمك كمان مع كل الي بيعمله
الوريد لو الاشباح جم خبطوك مطوه علي كلامهم .. هيتخيط عادي و هتتعالج و هتتلحق عادي جدا مش هتموت يعني .. دا لو السحليه دا عرف يطلعها قدامك يعني ..
العروق : ممكن تطلع لواحد مش بيتمرن اصلا .. ملهاش اي علاقه تماما بالهرمونات .. اعرف ناس بتكرع هرمونات معندهاش عرق واحد
العروق : مش بتدل علي اي مرض .. لكن بتدل علي صحه جسمك كويسه و قلبك + ان دهونك كمان قليله .. و من الصعب جداا يجيلك جلطات ..
العروق : مجرد شكل مش ثابت .. ليها اوقات و نظام اكل و صوديوم و بوتاسيوم .. و لعبه .. يعني اي شكل للعروق دا مش ثابت و مش واقعي 100% و 24 ساعه
ساعه تمرينك - ساعه لما يكون جسمك محروم من الصوديوم و الكارب .. و تدخله Peak مره واحده - لما جسمك يسخن او يتعرض لشمس او درجه حرارته تزيد .. او لما تصحي من النوم و تاكل كارب كومبليكس
ضخ الدم ليه وقته .. و نظامه .. و حياته .
