PT Hesham Samir

16/08/2026

14/08/2026

💥💥اكذوبه الانبودى💥💥
هل صادفت موقف انك تكون عامل دايت وعامل عجز سعرات وكل حاجة بتعملها بميزان دقيق جدا حتى التمرين وتيجى تبص تلاقى اختلاف كبير ف الشكل بس الميزان ثابت ؟🙄لا ومش بس كدة لو بصيت عالانبودى تلاقيه مش اللى هو مستنيه ودا يحسسك بخيبه امل ؟؟😏
الموضوع بسيط جدا ومش بس كدة دا كمان ليه تفسيره العلمى
دى بكل بساطه ظاهرة اسمها whoosh effect
واللى بخلاصه وبايجاز
عباره عن ان الخليه الدهنيه اول لما بيحصل عجز سعرات وتفقد خصائصها الدهنيه بتتملى مكان الدهون دى ميه ودا لان الجسم مستنى انك تغير دايرة حياتك وتغير عاداتك وترجع لعاداتك السيئه بانك تعلى دايرة سعراتك وتعوض الدهون المفقودة اللى هو بالبلدى عمال يقاوم التغيير اللى انت حطيته فيه . جسمك بيقولك انت ناصح ؟ انا انصح منك 🤣
عشان كدة مايشغلكش الانبودى يا فورمه بخلاف ان معظم القياسات الموجوده هنا مش دقيقه الدقه الكافيه اوى فى تحليل البيانات وانها تديلك نتايج مظبوطه زى مالكتاب بيقول 👌
كل اللى عليك انك تكمل ف طريقك وماتوقفش اللى بدأته وتيأس لما تشوف النتيجه لان الخليه الدهنيه هتمل اما تفضل مكمل وتطرد الميه كمان نتيجه انها يأست وتبص تلاقى نفسك عامل نتيجه قويه بعدها
النهايه والخلاصه 🤚
مالكش دعوة بشويه ارقام خلى حكمك بالصور وتغيير الشيب اهم 😎

16/10/2023

الاداء الصحيح لتمرين butterfly بالخطوات 💪

23/06/2023

الاداء الصحيح لتمرين bench press بالخطوات 💪

30/05/2023

انا جاى اصدمك 😅
واقولك
ان مافيش فرق بين الكرياتين monhaydrate والكرياتين hcl الاتنين كرياتين والاتنين نفس الغرض الفرق فقط ف سرعه الامتصاص انما ف الاخر الاتنين غرضهم واحد وشغلهم واحد
ماتخليش الكوتش يشتغلك او البياع يشتغلك
معلومه ف كبسولة ✋

26/05/2023

تمرين. من اقوى تمارين الضهر يمكن من اهم اسباب تطور الضهر عمتن عند اى متدرب ...

واهميته تعود لعده عوامل اهمها
1- انك مش هاتدخل عزم جسمك في الحركه .. بمعني ان جسمك ثابت بالتالى كل الحركه نابعه فعلاً من عضلات الضهر او Lats بدون مساعده من اي حاجه تانيه .

2- ميل الدكه Incline - Leaning :
ده بيديك فرصه كويسه انك تلاقي المدى الحركي المناسب ليك اللى تقدر فعلاً تعمل فيه استطاله قوية للعضله مع الاحتفاظ بشكل جسمك مظبوط

3- الاتصال العضلي العقلي Mind Muscle Connection :
كل اللى عليك تلعب بوزن مناسب للحركه بدون ما تعتل اوزان وتركز ف الحركه وتركز ف انها بتحرك ايه ..

- فيه تكات بسيطه زي انك تعمل Depression for Humerus لكن متعملش scapular depression دي هتخليك تظبط تكنيك الحركه اكتر ...

20/05/2023

اهم خمس اخطاء شائعه فى اداء تمرين الاسكوات من اول ماسكه البار لحد النزول والصعود بالوزن مع الاداء الصحيح 💪

12/02/2023

🔰تانى اكذوبه معانا بنحاول نصححها هى والمفاهيم الرياضيه معانا 🔰

🔰هل الكارديو عالريق يساعد ف حرق الدهون ؟؟

عشان نعرف هل الكارديو بيحرق ولا لاء لازم نعرف ياعنى ايه كارديو ؟؟

🔰تعريف الكارديو بكل بساطه هو تمارين هوائيه تتطلب من الرياضى مجهود بدنى عالى مما ينتج عنه تزايد ف ضربات القلب وهنا نقطه الخلاف انه مدام دقات القلب زادت ف هنا يحصل عمليه حرق الدهون

وهنا بقة الاكذوبه يا صديقى

🔰القاعده الاساسيه التى لا جدال عليها عشان يحصل عمليه ال fat lose هى calories intake بمعنى ادق ان لازم يكون
Calories in < calories out
ياعنى السعرات الحرارية من الاكل المفيد اللى داخل جسمى تكون ااقل من السعرات الحراريه اللى هاتتخرج نتيجه للفقد هنا يحصل فقد للدهون فقط

🔰 هل دا معناه انو الكارديو بيخسس او وسيله مباشرة للتخسيس ؟؟
الاجابه هو وسيله تساعد على انه يحصل calories out اكتر فا يحصل تخسيس انما هو مش اساس لدا بدليل انى ممكن العب الكارديو ف عمليه ال pulking او مرحله الزياده ومالعبوش فى مرحله ال shredded او ال cutting فقط زى مالكل معتقد

🔰طب حيرتنا يا كابتن امال ايه فوايده الاساسيه ؟
خد يا سيدى عندك على سبيل الذكر وليس الحصر
🔷 بيحسن من عمليه ال recovery
🔷 تحسين عمر ومرونة المفاصل
🔷 تنشيط الدورة الدمويه
🔷 تقويه عضله القلب
🔷 زياده ضخ الدم الواصل للعضلات والخلايا
🔷 تحسين امتصاص الجسم للقيم الغذائيه ف الاكل
🔷 الحد من الكثير من أمراض العصر وخصوصا المزمنه
🔷 تحسين المزاج بشكل عام
🔷 رياضه مجانيه تمارس ف اى زمان واى مكان

🔰 طب العب الكارديو قبل التمرين ولا بعد التمرين ؟
يفضل انى اوفر الجلايكوجين الكامن جوة العضلات فى اداء تمارين المقاومه زى الحديد لانها بتحتاج طاقه ومجهود اكبر بكتير من انى استهلكها الاول فى اداء تمارين الكارديو واجى الاقى نفسى مش قادر اؤدى التمارين الاساسيه ومجهودى كله استهلك عشان كدة نلعب الكارديو بعد الحديد افضل بكتير من انى ابدء بيه
🔰 ايه هى تمارين الكارديو ؟
🔷 المشى
🔷 الهرولة
🔷 الجرى سواء تريد ميل او مكان مخصص لدا
🔷 الدراجه الهوائيه
🔷 الاوربتراك
🔷 نط الحبل

عاوز تخس الكارديو مجال اكبر من انى احصره ف عمليه ال fat lose

💥💥 يبقة الحل الاساسى والقاعده الاساسيه للتخسيس هى عمل دايت متزن يتماشى مع ظروف حياتى اليوميه والجسديه والماديه بقدر المستطاع

12/02/2023

ال 💥💥muscle memory 💥💥تسمع عنها ؟؟
🛑 مافيش حد مننا هايفضل مداوم طول السنه على التمرين كلنا ممكن نتحط ف ظروف تخلينا نبطل تمرين ف اى وقت ممكن اصابه ممكن ظروف شغل ممكن دراسه فا لو حصل دا وبطلت وقررت ترجع تتمرن من تانى احب اقولك انك هترجع لاخر او اقرب shape كنت عليه في فتره قصيره جدا جدا اسرع من ما تتخيل ودا طبعا بشرط توافر التغذية المناسبه والراحه الملائمه مع التدريب باسلوب مدروس يتناسب معاك 💪
فا متخافش يا بطل كلنا هذا الشخص