Captain Yahia Elmasry

27/08/2026

قدرنا نعمل التحول ده باقل امكانيات والمتاح دون تكلفة
لو عايز تغير حياتك وصحتك للاحسن تواصل معايا واتس اب لعروض التدريب الاونلاين ويالا نبداء الرحلة 💪

17/02/2026

خد القرار واحجز مكانك في التحدي واشترك لمده 3 شهور + شهر رمضان هديه لو اشتركت حالا ⚡
هنعمل فورمه الصيف في رمضان 💪
What's app : 015 07290850

واعمل أقوى فورمة طبيعية 100%🔥
بالمتاح ليك من وقت و امكانيات سواء هتتمرن في البيت او الجيم⁩⁩⁩⁩⁩⁩⁩⁩⁩

16/02/2026

09/02/2026

إزاي تختار الجيم المناسب لك؟

اختيار الجيم الصح بيفرق كتير في استمراريتك وتطورك في التمرين، فخلينا نرتب أهم العوامل اللي تساعدك تختار الأفضل ليك:

✅ القرب من بيتك أو شغلك
عشان متكسلش وتبقى متحفز تروح التمرين بانتظام.

✅ الراحة النفسية
الجيم لازم يكون مريح بالنسبالك، سواء من ناحية الناس اللي فيه، الموسيقى، مستوى النظافة، أو حتى شكل المكان.

✅ وجود مدربين محترفين
لو انت مبتدئ، لازم يكون فيه مدربين فاهمين وشاطرين، وعندهم ضمير في شغلهم، عشان يساعدوك تبدأ صح.

✅ توفر الأجهزة والمعدات
الجيم لازم يكون فيه أجهزة متنوعة، سواء أوزان حرة، كارديو، أو أي معدات تحتاجها حسب هدفك.

✅ الكماليات اللي تهمك
لو بتحتاج حاجات إضافية زي الساونا، الستيم، أو جهاز إنبودي لقياس الدهون والعضلات، شوف الجيم اللي بيوفرها.

✅ وجود صحابك هناك
التمرين مع صحابك اللي منتظمين بيساعدك تفضل متحمس وما تفقدش الحماس بسرعة.

اختار حسب أولوياتك

الأهم إنك ترتب العوامل دي حسب احتياجاتك، مثلاً:
🔹 لو عندك مدرب أونلاين، مش ضروري تدور على مدربين في الجيم.
🔹 لو الجيم قريب لكن مش مريح ليك، مش هتحب تروح ليه.
🔹 لو المدربين محترفين، حتى لو الأجهزة قليلة، هيعرفوا يساعدوك تتطور بأي معدات متاحة.

المهم إنك تختار الجيم اللي يساعدك تلتزم وتكمل، مش اللي يخليك تكسل أو تزهق بسرعة.

لو عندك عوامل تانية بتفرق معاك في اختيار الجيم، شاركنا بيها في الكومنتات

27/01/2026

ما هو مكمل الكرياتين؟ 💪
الكرياتين واحد من أشهر وأهم المكملات الغذائية في عالم الرياضة
ومشهور أكتر من اللازم… ومفهوم غلط أكتر من اللازم 😅
الكرياتين ببساطة
هو مادة طبيعية جسمك بينتجها أصلًا
وموجودة في أكلات زي اللحمة والسمك
ووظيفته الأساسية إنه يزوّد الطاقة السريعة داخل العضلة
إحنا لما بناخده كمكمل
بنزوّد المخزون ده
علشان نتمرّن بقوة أعلى ونستفيد أكتر من التمرين 💪
الكرياتين بيعمل إيه فعلًا؟ 🔥
علميًا:
الكرياتين بيرفع مستوى الطاقة السريعة
وده يترجم في الجيم لـ:
أوزان أعلى
عدّات أكتر
تحسّن في القوة
وزيادة في الحجم العضلي مع الوقت
هو مش بيبني عضل لوحده
لكن بيخليك تتمرّن بجودة أعلى
وده اللي بيبني العضل فعليًا
أشهر الخرافات عن الكرياتين ❌
1️⃣ الكرياتين هرمون
❌ غلط
الكرياتين مش هرمون ولا منشّط
2️⃣ الكرياتين بيبوّظ الكُلى أو الكبد
❌ غلط
عند الشخص السليم ومع شرب ميه كفاية
مفيش أي دليل علمي على الكلام ده
3️⃣ الكرياتين بيعمل كرش
❌ غلط
الكرش سببه سعرات زيادة
مش مكمل غذائي
4️⃣ الكرياتين بيعمل نفخة
❌ غلط
هو بيحبس ميه داخل العضلة
وده يخلي شكلها مليان ومشدود
مش نفخة ولا ترهّل
5️⃣ لو وقفت كرياتين عضلاتك هتضيع
❌ غلط
إنت بس هترجع لأدائك الطبيعي
ولا عضلات هتختفي ولا وزن هيضيع فجأة

طريقة استخدام الكرياتين ✔️
النوع : مش هتفرق كتير المهم اشتري من مصدر موثوق فيه
الجرعة: 3–5 جرام يوميًا
وقت الاستخدام: أي وقت في اليوم
(قبل أو بعد التمرين – مش فارقة)
الاستمرارية: يوميًا حتى في أيام الراحة
المية: اشرب ميه كويس جدًا 💧
مين ينفع يستخدمه ومين لأ؟
✔️ مناسب للرجالة والستات
✔️ مناسب للمبتدئين والمحترفين
❌ اللي عنده مشاكل كُلى
لازم يستشير دكتور الأول
الخلاصة 💥
الكرياتين:
✔ آمن
✔ فعّال
✔ مدروس علميًا
✔ ومن أرخص المكملات
لكن افتكر دايمًا 👇
ولا مكمل في الدنيا
هيعوّض
نوم وحش
أكل عشوائي
وتمرين من غير التزام
الكرياتين مساعد...

23/01/2026

تعالي نتكلم عن نظام من أشهر وأقوى أنظمة التمرين 💪
🏋️‍♂️ نظام Push – Pull – Legs
📌 بينقسم لـ 3 أيام حسب اتجاه الحركة:
🔹 Push (دفع): أي تمرين بتزق فيه الوزن → صدر، كتف أمامي وجانبي، ترايسبس
🔹 Pull (سحب): أي تمرين بتسحب فيه الوزن → ظهر، كتف خلفي، بايسبس
🔹 Legs (أرجل): تمارين الرجل كاملة، وممكن تقسيم التركيز بين الأمامي والخلفي
✅ مميزات النظام:
✔️ بيجمع العضلات اللي بتشتغل في نفس الحركة
✔️ راحة كافية لكل عضلة
✔️ سهل التنظيم والالتزام
✔️ يسمح بتمرين العضلة مرتين في الأسبوع
✔️ مناسب للمبتدئين والمتقدمين

لو حابب اصمملك برنامج تدريبي مناسب لهدفك ووقتك 👉 ابعتلي رسالة 💬

23/01/2026

لو تعرف كم المعاناة والألم والمشاكل الصحية اللي بشوفها مع عملاء بسبب زيادة الوزن وقلة النشاط البدني - هتترعب وهتاخد شنطتك وتطلع على الجيم حالًا.

16/02/2023

لما تريح أسبوع من الجيم 💪😳

26/12/2022

🔰

أشرف متابع معايا بقاله شهر ونص فقط من برنامج 90 يوم نزول 11كجم
دي مجرد البداية ولسه محققناش الهدف النهائي بتاعنا ..استنونا قريب ✌🏼💪
📌 أنت كمان تقدر تتحدى نفسك و تغير من نفسك للافضل ، بس المهم تبدأ من دلوقتي و الأهم أنك تبدأ صح ✅💪🏼