01/07/2026
اللي ملوش ضهر في الملاعب ميعرفش معنى اللمة✨✨
وجمهور منشأة سلطان طول عمره هو الضهر والسند وقت الجد🦅❤️
في ختام النسخة الأولى للدوري لازم نقف تعظيم سلام لجمهورنا العظيم وأهالي بلدنا اللي شرفونا ونوروا الملعب طوال البطولة
وقفتكم وتشجيعكم الراقي هو اللي حمى الدوري وطلع بالبطولة لبر الأمان وخلى ليها هيبة وصوت هز المحافظة كلها ❤️
وإحنا وبنشكركم منقدرش ننسى مواقفكم وأصلكم اللي ملوش مثيل إحنا منسيناش الأيام التقيلة لما كان الفريق بينافس سدود
والبلد كلها كانت واقفة وراه كتف في كتف ولا نسينا آخر دورة لما الفرقة احتاجتكم وكنتوا أول ناس داعمين على الخطوط
ويوم ما فزنا كانت الفرحة طالعة من جدر القلوب وهزت البيوت والشوارع
وعشان الفرحة واللمة دي بتوحشنا وعشان إحنا من غيركم ملناش طعم
الدوري ده اتعمل من الأساس عشان نجمع الناس الطيبة دي من تاني ونرجع روح الشوارع والكورة اللي كبرنا عليها
الروح اللي بتخلينا دايما ضهر وسند لبعض وقت الجد
منشأة سلطان روح واحدة تجمعنا بالحب والود والطيبة 🤝❤️
