03/06/2026
محمود كهربا:
جمهور الزمالك لسة بيحبوني وانا بحبهم ومفيش مشاكل بيني وبينهم ولعبت قدامهم ماتشين ومبقاش فيه حاجة، والناس اللي شتموني قولتلهم على راسي، وده الطبيعي خلاص مهما تغلط فيا انا خلاص 32 سنة كبرت واتعودت على كل حاجة فمهما هتقولي انت على راسي وقول اللي انت عاوزه، بيشتموني في المدرج؟ عادي، مش كلهم، ممكن واحد يطلع منهم، الماتش اللي فات قدام الزمالك واحد بيشتمني وانا خارج وناس كتير بعتولي الفيديو وقالولي اعمل فيه محضر، انا لو عملت فيه محضر هيتحبس، قولتلهم لا ربنا يهديه انا مش هأذيه، اصل حرام ممكن يكون هو متعصب بعد تعادل الزمالك فا طلع غُلبه وغله كله في كهربا، انا هستحملك عادي
