Welcome to my page (Amel Saleh - Personal Development Trainer). Here you will find news about my tra
15/06/2026
الليلة ان شاء الله استطلاع هلال شهر المحرم
كل عام ونحن جميعا بخير مع بداية عام هجري جديد
جعله الله بداية حل لكل مشكلة نواجهها
بداية سعادة لكل من ابتلي بالهم في العام الماضي
بداية شفاء لكل مريض
بداية هداية لكل من حاد عن الطريق
بداية نجاح لكل مشروع متعثر
بداية تفوق لكل مجتهد
دائما مرحبا بالبدايات
31/05/2026
#الركنـالروحاني
لو لسه صاحيين لغاية دلوقتى أو نمتم وصحيتم لأي سبب ما تضيعوش فرصة صلاة ركعتين أو قراءة أواخر سورة البقرة أو الذكر والدعاء بنية قيام الليل
ربنا يتقبل
27/05/2026
الناس ممكن تبقى مشغولة النهارده وبكره في الأضحية والتوزيع
بعد كده ناويين تروحوا فين؟
ما حدش يقولي باقي العيد نوم
على رأي أمينة شلباية
مرفووووووووض
يلا قولوا لي أماكن حلوة ونتبادل المعلومات عن أنسب الخروجات
27/05/2026
عيد أضحى سعيد مبارك عليكم وعلى كل حبايبكم
26/05/2026
أهل علينا يوم عرفة
العيد السنوي للدعاء
في كل عام يبكي القلب شوقا لبيت الله الحرام وأداء شعائر الحج
اللهم ارزقنا حج بيتك مرات ومرات ويسره لنا وأعنا عليه وتقبله منا
اليوم ده كمان فرصة حلوة نشوف عملنا إيه من رمضان لغاية دلوقت
حافظنا على ايه من اللي اتعودنا عليه في العبادات؟
فين القرآن في حياتنا دلوقت؟
يا ترى زودنا نوافل؟
ولا الدنيا اخدتنا وابتدينا ننقص شوية شوية في الالتزامات اللي كنا مواظبين عليها في رمضان؟
إيه اللي اتحقق من الدعاء اللي كنا بندعيه في ليالي رمضان وأيامه ووقت الإفطار؟
جاهزين نكمل دعاء في اللي نرجوه ولم يتحقق بعد؟
حالنا إيه مع الله؟
حالنا إيه مع الناس؟
حالنا إيه مع نفسنا؟
خصصوا النهاردة شوية وقت عشان تجاوبوا على الأسئلة ده وتعرفوا انتم فين بصدق
وحددوا خطواتكم الجاية
كل عام وجميعنا بخير
وندعي لبعض وربنا يتقبل
15/05/2026
حكمة جميلة وجدتها على القفاز (الجوانتي) الحراري الذي اشتريته مؤخرا
تقول الحكمة
عندما تعطيك الحياة ليمونا قم بإعداد ليمونادة
ما المقصود؟
انتهزوا الفرص التي يضعها الله بين أيديكم
فأحيانا يعطينا الله أسباب النجاح لكن لا ندركها
تأملوا جيدا فيما تجدونه في طريق حياتكم وكل ما يتوفر لديكم
قد يكون فيه حلولا لمشكلات نعاني منها أو تلبية لاحتياجات نطلبها
07/05/2026
من أساسيات التخطيط اليومي او الأسبوعي
ضروري نتعرف على حالة الجو يوميا عشان نحدد أفضل اختيارات تناسبنا
06/05/2026
الحمد لله ابتدينا شهر مايو خامس شهر في السنة من كام يوم
يعني خلاص قربنا على نص السنة
فاكرين خطط العام الجديد؟
طيب فاكرين قرارات العام الجديد: New year resolutions؟
بكره أجازة في مصر بمناسبة عيد العمال
دائما أحب انتهز فرصة الأجازة خصوصا لو طويلة عشان حاجتين
اولا فرصة لتجديد النشاط والعلاقات الاسرية وبين الأصحاب
فرصة حلوة للخروج والمقابلات مع الأهل والأصدقاء
وثانيا فرصة حلوة للمراجعة مع النفس
انتهزوا فرصة بكره وياريت تعملوا المراجعة ده النهارده
ايه اللي قررتم فيواول السنة تعملوه ومواظبين عليه؟
إيه اللي صعب عليكم ولسه مش قادرين تاخدوا الخطوة؟
وإيه اللي متأكدين إنكم محتاجين مساعدة فيه لكن برضه ما اخدتوش اي خطوة؟
جلساتكم مع نفسكم ده مهمة جدا لسلامكم النفسي
كل واحد فينا هو أكتر حد عارف نفسه
الجلسات ده بتثبتنا على الطريق اللي اخترناه والأهداف اللي حددناها
الأهم بالنسبة للي محتاجين مساعدة يسألوا نفسهم
حنضيع وقت لغاية امتى؟
حنضيع وقت اكتر من اللي ضيعناه لغاية دلوقت؟
لغاية امتى حنفضل شايفين ان فيه مشكلة ومش بنعمل حاجة نحلها؟
تعالوا ناخد خطوة حقيقية
ابعتوا لي على الرسائل
نحدد سوا الموعد المناسب سواء مقابلة أو أون لاين
نحدد محتاجين نشتغل على ايه
ونحط سوا الخطوات المناسبة لكم
ونحدد ضمانات التنفيذ لأني أكيد مش حخليكم تكرروا الغلطة نفسها وتفضلوا تلفوا في دائرة المعرفة وتعذيب النفس بعدم التنفيذ
السبب قد يكون إمكانيات
قد يكون مشكلة مع التسويف
او مشكلة مع النتائج
أيوة
فيه ناس مش بتدرك ان مشكلتهم بتكون مع النتائج
خد خطوة وابعت الرسالة وخليني اساعدك تكون على الطريق المناسب لخططك واهدافك وطموحاتك
30/04/2026
نحن لا نعرف الغيب والله وحده هو عالم الغيب
نحن نعرف ذلك
ورغم ذلك أحيانا تصدر منا تصرفات تخالف هذه العقيدة
نطلب من شخص شيئا فيتأخر في تنفيذه فنغضب غضبا شديدا
ثم نعرف أن الشخص كانت عنده أسباب للتأخير في التنفيذ فنخجل من أنفسنا
الغريب أننا نكرر هذا السلوك مرات مرات والمقلق أننا نفعل هذا مع الله
ندعو بشيء نتمناه بشده ونريده حالا
ننسى أن الله هو عالم الغيب ويعرف إن كان ما نطلبه في صالحنا أم ضدنا وإن كان في صالحنا فالله وحده هو الذي يعرف متى يلبي الطلب
وتعلمنا من السنة أن كل دعاء مستجاب لكن هناك ثلاث صور للاستجابة
إما الاستجابة للدعاء كما هو
أو تأخيره للوقت المناسب
أو يزيح الله به ضررا كان سيقع علينا
ومع ذلك ننسى
ومع ذلك نضعف ونقول لماذا لم يستجب الله لدعائي؟
بل يتمادى البعض ويهدد أنه سيتوقف عن الدعاء
جاء هذا مؤخرا في أحد البرامج
وكان رد الشيخ شرح الجوانب المختلفة المتعلقة بالدعاء وصور الاستجابة حتى تفهم السائلة لماذا يجب ألا تتوقف عن الدعاء وألا تشكك في استجابة الله بالطريقة المناسبة لها ولصالحها
اللهم أعنا على أنفسنا حتى نستطيع الصمود ولا نضعف عند تأخر ما نريد تعجيله ولا نعترض حين يأتي ما نريد تأجيله
26/04/2026
بوست بيتكلم عن الاستعانة بأهل الخبرة عند الزواج لمن كانت خبراتهم قليلة أو من أهلنا الطيبين اللذين يحسنون الظن بزيادة بالآخرين ثم يقعون في مشكلات لا حصر لها
قرأت تعليقا عليه يقول ولا أهل خبرة ولا حاجة استعينوا بالله واللي يكثر من الدعاء مش محتاج الكلام ده
الكلام يبدو جميلا لكن الحقيقة محتاج ضبط
وده كان ردي
ربنا علمنا عن طريق رسوله مبدأ اعقلها وتوكل
واعقلها ده يعني بالعقل والعلم والخبرة والمختصين
انتم رأيكم إيه؟
Be the first to know and let us send you an email when Amel Saleh-Self Development Trainer posts news and promotions. Your email address will not be used for any other purpose, and you can unsubscribe at any time.
