01/01/2026
في ٢٠٢٥ أخدت قرار مهم بإطلاق خدمة العلاج المائي (Aquatherapy).
قرار كان محتاج وعي ومسؤولية، لكن كان مبني على إيمان حقيقي إن النوع ده من العلاج ممكن يغيّر حياة ناس كتير للأحسن، ويخفّف عنهم آلام عاشوا معاها سنين.
وبفضل الله، الخدمة اتنفّذت على أرض الواقع، وقدرنا نساعد أكتر من ٥٠ مريض، بحالات مختلفة زي الفايبروميالجيا، وآلام الظهر والمفاصل المزمنة، وتيبّس العضلات، وغيرها.
والأثر ما كانش جسدي بس، لكن كمان نفسي ومعنوي، وده كان واضح في تحسّن حالتهم ومزاجهم بشكل كبير.
ممتن جدًا لكل شخص وثق فيّ، وسعيد إني أكون سبب في تخفيف وجع الناس، من خلال مجال بحبه، ومتخصص فيه، وعندي فيه خبرة أكتر من ١٥ سنة.
اللي بسعى له في السنة الجديدة إني أوسّع نطاق العلاج المائي، وأوصل تأثيره لعدد أكبر من الناس، وأكمّل طريقي بإخلاص ومسؤولية تجاه كل مريض.
سنة جديدة سعيدة عليكم جميعًا،
وإن شاء الله تكون أيامكم الجاية أخف، وأصح، وأهدى.
