C.Ahmed Rashad

26/09/2023

هنتمرن ايه النهاردة يا كوتش ؟

= رجل

20/09/2023

14/07/2023

اهتموا ب وجبة الفطار

ابدء يوم صح عشان تعرف تكمل

اشرب مياه قبل الفطار

لو بتجوع قسم وجباتك ل ٥ وجبات في حدود سعراتك

عشان تحافظ علي مستوي الشبع
وسبب اساسي فالجوع المستمر قلة شرب المياه اللي جسمك محتاجها

وبلاش تاكل فاكهة لوحدها ف تبقي افضل مع وجبة كاملة

زود الالياف ف اكلك واحسب نسبة بروتينك صح

ومتنساش تدعيلي 🤍

02/07/2023

ان شاء الله هنرجع بكرا التمرين تاني 💪
والعيد خلص 😂😂

24/06/2023

طب مستنيكوا بعد العيد يرجالة 😂😂🫡

20/06/2023

بما اننا ان شاء هنبدا خلاص ف هجاوبكوا عالاسئلة اللي متاكد انها هتتسال من اول يوم 😂

بسم الله كدا

1-المكملات مابتجيبش عقم

2-تمارين الرجلين مش بتقصر .. بالعكس بتزود هرمون الجي إتش فبتزود نموك

3-العقلة مش بتطول

4-أخد المكملات فى يوم الراحة مابيعملش دهون

5-تمرين البطن كل يوم مش هيظهر عضلاتها أسرع

6-الكارديو مش للتخسيس بس

7-الجسم قادر على هضم أى عدد جرامات من البروتين فى الوجبة الواحدة مش ٣٠ جرام بس

8-مفيش مكملات خاصة بالبنات ومكملات خاصة بالرجالة

9-مش لازم تحس بألم فى العضلة بعد التمرين علشان تبقى إستفدت

10-مفيش مكملات لإظهار العروق هي بتظهر كل ما قلت نسبة الدهون

11-الماية وسط الأكل وقبل الأكل وبعد الأكل مابتعملش كرش

12-الحرق فى الصيف مش أسهل من الحرق فى الشتا

13-كمية العرق ملهاش علاقة بالحرق .. العرق مجرد سوائل خارجة من جسمك

14-التكرارات بأوزان خفيفة مش بتنشف لان العامل المسئول عن التنشيف هوا الدايت بتاعك

15-بعد ما تبطل تمرين العضلات مابتتحولش لدهون .. الدهب مابيتحولش لفضة

16-الساونا والكياس البلاستيك وحزام البطن الحراري وكل الحاجات دي مش بتخسس

17-الحرق مابيقلش أثناء النوم

اتمني تكون لقيت اجابة لسؤالك ف الاجابات دي 😂🫡

18/06/2023

يعتبر البيض من أفضل وأسهل الوجبات الخفيفة،
وأغناها بالفيتامينات والمعادن المهمة للجسم وصحته ℹ️

لازم يبقي جزء أساسي في نظامك الغذائي يوميًا
فهو غذاء متكامل يحتوي علي مجموعة من الفيتامينات
( B1 / B5 / B12/ B2 )
والمعادن ( كالسيوم و زنك و أوميجا 3 )
وكمان كل بيضة تحتوي علي 6 جرام بروتين و 5 جرام دهون صحية
🔥فوائد البيض اي بقا🔥

‏1- رفع معدل حرق الدهون
‏2- تقليل مستوى الالتهاب بالجسم
‏3- تقوية عضلات الجسم
‏4- تقوية جهاز المناعة
‏5- حماية الجسم من الاضطرابات العصبية
‏6- رفع مستوى طاقة الجسم
‏7- تغذية البشرة والشعر
‏8- تقوية الأظافر وحمايتها من التكسر
‏9- تقليل فرص الإصابة بمتلازمة التمثيل الغذائي
‏10- تقليل حدة التوتر والقلق
‏11- تقليص عدد الوجبات اليومية
‏12- تقوية مركز الإبصار
‏13- تقوية الأسنان والعظام

وبكده بنصحك تاكل ٦ بيضات فالاسبوع علي الاقل
وممكن تاكل بيضتين او ثلاثة ف اليوم

17/06/2023

مبتقدرش تمسك نفسك قدام الحلويات🧁

وبتحس بانك محتاجها خصوصا لو انت ف ضغط الشغل او النوم متاخر او لما تصحي بدري 🤷‍♂️

طبعا بتسمع كتير عن اهمية النوم و انك تظبط مواعيده

بالنوم الكافي يوميا مش اقل من7 - 8
ساعات
وفالوقت ده بيتم استشفاء العضلات و هرمون الجروث (growth Hormon) هرمون البناء وطبعا فيه قواعد غيره كتير

ℹ️خليني اقولك سبب مهم يخليك تظبط نومك او عالاقل تحاول

و سبب رغبتك فى انك عايز تاكل حلويات بغض النظر انك جعان او لا

‏ 📌ده بسبب نقص النوم اقل من ال٦ ساعات كذا يوم متواصل :وده مع الوقت بيسبب خلل في هرمونات
الميلاتونين و ‏الأنسولين
‏و بيبقي سبب ف رغبتك الكبيرة للحلويات🤷‍♂️

📌والمعجنات طبعا وغيرها بيندرجوا تحت بند الحلويات هي و اي حاجه من اللي بتجيبها فى الشارع
وفالاخير يصديقي حاول تنام كويس عشان صحتك ومناعتك وتركيزك🫡
.Ahmed Rashad

17/06/2023

طيب بما اننا لسه عالصبح كدا خد النصيحة دي 😂

زود شرب المياه
يعني لو اول ما تصحي من النوم اشرب كوباية مياه كبيرة
ووفر بقا من سعراتك
وكمان قبل اي وجبة أشرب ٢ كوباية مياه
وطبعا تنام كويس و أشرب مياة كويس عشان تلاقي نتيجة تبقي مرضية ليك ❤️🫡

17/06/2023

start your training with our professional trainer 🫡❤️

🔥 stay tuned 💪