15/08/2026
متحطوش ولادكم بين اختيارين .. الدراسة ولا الرياضة!
الجملة اللي بتتقال كتير: "لما تخلص دراسة ابقى روح التمرين"
وكأن الرياضة هي اللي هتبوظ الدراسة، والحقيقة عكس كده تماماً.
الرياضة مش بتضيع وقت المذاكرة، الرياضة هي اللي بتنظم الوقت.
الطفل اللي بيلعب رياضة بيتعلم يعني ايه التزام، يعني ايه احترام وقت، يعني ايه يقع ويقوم تاني.. وده عمر ما كتاب هيعلمهوله.
الدراسة هتعمله شاطر، بس الرياضة هتخليه قوي، واثق في نفسه، عارف يتحكم في غضبه وتوتره، وجسمه سليم.
فيه أبطال فالرياضية وطلع عالم ودكتور ومهندس، ومتفوقين في الاتنين.. عشان أهلهم مفهموهمش إنهم لازم يختاروا.
ابنك مش محتاج يبطل تمرين عشان ينجح، هو محتاجك تنظم له وقته وتشجعه.
خلوا الرياضة جزء من تربيتهم، مش عقاب بتمنعوهم منه.
العقل السليم في الجسم السليم.. ودي مش جملة في كتاب، دي حقيقة بنشوفها كل يوم.
ادوهم فرصة ينجحوا في الاتنين.
⚽🌟
