Mohamed Khaled Swimming Academy

22/05/2026

🏊‍♂️🎉 فان داي عيد الأضحى!🎉🐑

لأن السباحة مش تدريب بس…
إحنا بنحب دايمًا نصنع لأولادنا ذكريات حلوة وأوقات مليانة فرحة ❤️

وده الفان داي الثاني خلال السنة ✨
لأن الأكاديمية بتنظم فان داي مرتين كل عام علشان أولادنا يعيشوا أوقات ممتعة وذكريات حلوة مع أصحابهم 🥳

📅 الفان داي يوم الأحد القادم 5/24
⏰ من الساعة 3 مساءً إلى 5 مساءً

🎁 ساعة عليك… وساعة علينا هدية! 🎉

اليوم هيكون مليان:
🎯 ألعاب وتحديات
🎁 عيدية ومفاجآت
🎈 فقرات ممتعة للأطفال
🏊‍♂️ أنشطة ترفيهية داخل الأكاديمية

📍 المكان: القرية الأولمبية – جامعة المنصورة

استعدوا ليوم استثنائي مليان ضحك وفرحة 🎊

وكل سنة وأنتم طيبين 🌙

19/05/2026

المنافسة الحقيقية مين عنده منظومة أقوي في تعليم وتدريب السباحة لبناء بطل🏊‍♂️

الاختيار الصح من البداية بيوفر عليك وقت وفلوس ومجهود أكبر بعد كده 👌

من أكبر أسباب بطء التعلم عند الأطفال:
❌ الاعتماد على مدرب غير مؤهل لمجرد إن التكلفة أقل
❌ تغيير المدرب باستمرار
❌ التدريب العشوائي بدون أهداف واضحة
❌ الضغط على الطفل لتحقيق نتيجة سريعة

المدرب الكويس مش أغلى…
المدرب الكويس أوفر على المدى البعيد ✅

لأنه:
✔️ بيعلم الطفل بأساس صحيح
✔️ بيحدد هدف لكل مرحلة
✔️ بيختصر وقت التعلم
✔️ بيقلل الأخطاء والإصابات
✔️ وبيخلي الطفل يحب التمرين ويستمر

أما التعلم الخاطئ…
فغالبا بيكلفك إعادة تعليم + وقت أطول + فقدان ثقة الطفل 😔

استثمارك الحقيقي مش في عدد الحصص…
استثمارك الحقيقي في الشخص اللي بيبني ابنك صح 🏊‍♂️❤️

استثمر في ابنك مع مدرب يعرف يوصله لهدفه بأمان وثقة 🌟🤝

11/05/2026

في فرق كبير بين “العقاب” و”العواقب” 👌

العقاب بيخلي الطفل يخاف عشان ينفذ الأمر…
لكن العواقب بتخليه يتعلم ويتحمل مسؤولية تصرفاته 💙

📌 لذلك بعد:

1️⃣ Explain — الشرح
بعد السلوك الغلط، اشرح بهدوء إن التصرف ده مينفعش يتكرر، وإيه التصرف الصح بدل منه.

2️⃣ Rehearse — التمرين
خلي الطفل يجرب الحل الصحيح عمليًا، مش يسمعه بس.

3️⃣ Reinform — التكرار
كل يوم بنفس الرد… بنفس الطريقة… بدون تغيير.

ولو السلوك اتكرر…
بنستخدم “عاقبة تربوية” بدل العصبية أو الصراخ أو الاهانه اللفظية والجسدية.
والعواقب بيكون متفق عليها ما بين المدرب والطفل

🎯 مثال:
لو الطفل كسر قاعدة أثناء التمرين،
ممكن نخليه يقعد علي السور لمدة زمنية بعدها يرجع يكمل.

الهدف مش معاقبة الطفل…
الهدف إنه يفهم إن لكل تصرف نتيجة.

✨ الطفل بيحتاج حدود واضحة + هدوء + ثبات
وده اللي يساعده يبني الالتزام والتحكم في سلوكه مع الوقت 💪

🏊‍♂️ وده جزء أساسي من فلسفتنا في التعامل مع الأطفال داخل التدريب وخارج المياه.

Send a message to learn more

04/05/2026

😰 ابنك بيخاف من الميه؟ اقرأ ده للآخر 👇

الخوف عند الطفل مش "دلع"…
الخوف دايمًا بيكون من حاجة هو شايفها أو فاهمها بطريقته.

والأهم؟
الخوف ده ممكن يختفي تمامًا… لو اتعاملنا معاه صح 💙

📌 إزاي بنتعامل مع خوف الطفل في السباحة؟

1️⃣ نفهم هو خايف من إيه
هل من غمر الوجه؟ ولا فقدان التوازن؟
لازم نحدد السبب الأول 👀

2️⃣ نخلق أمان نفسي
صوت هادي + ابتسامة + قرب مطمن
الطفل لازم يحس إنه في مكان آمن 🤍

3️⃣ نقلل التحدي
مش لازم نبدأ بالمهارة كاملة
ممكن نبدأ بحاجة بسيطة جدًا… زي لمس الميه بس

4️⃣ نعزز فورًا 💪
أي خطوة—even لو صغيرة جدًا—تتقال عليها:
"برافو 👏 شجاع جدًا!"

5️⃣ نشتغل بالتدريج
التعلم زي السلم…
مينفعش نط من أول درجة لآخر درجة

6️⃣ نتجنب الصدمة التانية ⚠️
لو الطفل اتوتر… بنرجع خطوة لورا
لحد ما يستعيد ثقته تاني

7️⃣ نحوّل الخوف للعبة 🎮
بدل تمرين ممل… نخليه ممتع
"يلا نرش الميه للسمكة 🐟"

8️⃣ نبني شخصيته
مش بنقوله "متخافش"
بنقوله: "إنت شجاع وبتجرب 💪"

💡 الخلاصة:
أي طفل ممكن يتعلم السباحة…
بس الفرق في الطريقة مش في الطفل.

📩 لو ابنك بيخاف من الميه
ابعتلنا رسالة، وهنساعدك بخطة مناسبة ليه خطوة بخطوة

03/05/2026

في الوقت الحالي ابنك مش محتاج مدرب سباحة شاطر فنيا وبس...

🏊‍♂️ ابنك كمان محتاج مدرب يعرف يتعامل مع شخصيته وسلوكه.

عشان كده احنا مش بنعلم سباحة بس...
✨ احنا بنبني شخصية طفل واثق من نفسه، يقدر يتغلب على خوفه في المياه وخارج المياه، ويركز ويتعلم بسرعة، وكمان ملتزم وبيسمع التعليمات.

لو ابنك بيعاني من:
❌ عناد مستمر
❌ قلة ثقة بالنفس
❌ خوف زائد
❌ تعلق زيادة بالأهل

🎯 عشان يوصل لمستوى عالي، محتاج مدرب خبرة فنيًا وخبرة في إدارة السلوك، عشان يقدر يتواصل مع طفلك ويطلع أفضل ما عنده.

💡 وعشان كده بنشتغل بشكل مميز من خلال استخدام أحدث البرامج العالمية في تدريب السباحة، من خلال مدربين متخصصين.

🏆 خليك فاكر هدفنا دائمًا من أول خطوة لي منصة التتويج.

📩 لو عايز تشوف الفرق بنفسك، ابعتلنا رسالة دلوقتي وابدأ رحلة التغيير الحقيقي.

19/03/2026

✨🌙 كل عام وأنتم بخير 🌙✨

بمناسبة عيد الفطر المبارك 🎉💙
نتقدم بأصدق التهاني وأطيب الأمنيات لكم ولأطفالكم 🌸

نسأل الله أن يعيده عليكم بالخير واليُمن والبركات، وأن يديم على أطفالنا الصحة والسعادة والنجاح دائمًا 🤍🏊‍♂️

عيد سعيد عليكم وعلى كل الأهل والأحباب 🎉🤍🥳

18/03/2026

🏊‍♂️🎉 يوم كان مليان فرحة… فان داي كان حكاية! 🎉🏊‍♂️

لحظات جميلة عشناها مع أبطالنا 💙
ضحك، لعب، تحديات… وكل صورة بتحكي قد إيه كانوا مبسوطين 🏊‍♂️✨

✨ من أجمل لحظات اليوم:
🏊‍♂️ ألعاب وأنشطة مليانة طاقة
🎯 منافسات قوية بين الأبطال
📖 لحظات مميزة في مسابقة القرآن الكريم
🎁 هدايا لأبطالنا اللي شرفونا بأداهم وروحهم الجميلة

مبسوطين وفخورين بكل طفل شارك وكان سبب في اليوم الرائع ده 🤍
ومستنيين أيام أحلى وأقوى معاكم دايمًا ان شاء الله 🌟💪

10/03/2026

🏊‍♂️🎉 جاهزين ليوم كله تحديات ومفاجآت؟ – فان داي! 🎉🏊‍♂️

يوم مميز لأبطالنا السباحين مليان طاقة وفرحة 💙
هنقضي فيه وقت ممتع مع ألعاب ومسابقات في أجواء حماسية 🏊‍♂️✨

✨ فعاليات اليوم:
1️⃣ 🏊‍♂️ ألعاب وأنشطة ممتعة للسباحين
2️⃣ 🎯 مسابقات وتحديات حماسية
3️⃣ 📖 مسابقة قرآن كريم لتنمية القيم والأخلاق جنب الرياضة
4️⃣ 🏅 مفاجآت وتكريمات لأبطالنا

📅 الموعد: يوم الخميس القادم
من 3 لـ 4 ألعاب مائية🤽‍♂️ 🏊‍♂️
ومن 4 لـ 5 مسابقات وفقرات تصوير للأطفال🏊‍♂️ 📖 📸

📍 المكان: القرية الأولمبية جامعة المنصورة
مستنيين أبطالنا لقضاء يوم مليان نشاط وفرحة 💙🏊‍♂️

06/03/2026

🌙🤍 أولياء أمور أبطالنا الكرام

بمناسبة شهر رمضان الكريم وتقديراً لالتزامهم، مجهودهم، وتطورهم الملحوظ داخل التمرين 🏊‍♂️ ، تم اليوم تكريم الأبطال 🏅 👏

إحنا فخورين بكل سباح وسباحة عندنا

ووجود أولادكم معانا مسئولية كبيرة بنعتز بيها 🙏

رمضان شهر الأخلاق والانضباط…
وإحنا هدفنا دايماً نربي بطل في الأخلاق قبل ما يكون بطل في السباحة 🤍

وإن شاء الله دايماً نشوفهم في تقدم وتميز

01/05/2025

👶 ولادك بيخافوا من المياه؟
تخيّلي ابنك بينزل البسين بثقة، بيعرف يعوم، وبيشارك في بطولات رسمية! 🏆💦

هنعلّم ابنك السباحة خطوة بخطوة مع:

✅ مدربين معتمدين من الاتحاد المصري للسباحة
✅ برامج تعليمية بتقيس تقدّمه من أول تمرين
✅ بيئة تشجيعية وآمنة للأطفال

🎁 عرض خاص لمدة 7 أيام فقط!
احجز أول اشتراك لطفلك واحصل على خصم 20% 💥

📩 ابعتلنا رسالة دلوقتي واحجز مكان لطفلك قبل اكتمال العدد

15/02/2025

اللهم لك الحمد من قاع الفؤاد إلى عرشك المقدس حمداً يوافي نعمك وفضلك وجزيل إحسانك
بفضل الله وحده ودعوه أهلي وأحبائي وأصدقائي
المركز الأول ٥٠ م مزدوجة 🥇
المركز الأول ١٠٠ م مزدوجة 🥇
المركز الأول ٥٠ م مونو 🥇
المركز الأول ١٠٠ م مونو 🥇
في بطولة منطقة بورسعيد الشتوية للسباحة بالزعانف 🏆