26/01/2026
محدش بيحكيلك الحقيقة الكاملة عن اللي بيحصل في بطولات كمال الأجسام.
الواقع إن أغلب اللي في اللعبة دي بيغامر بنفسه وبصحته،
وهو داخل التحضير وكل اللي في دماغه
ربنا يستر… وخصوصًا كل ما يقرب من المسرح..
عارف يعني إيه تقول ربنا يستر؟
يعني تدعي إن:
مايحصلش فشل كلوي
ولا تعب في الكبد
ولا ضغط
ولا جلطة
ولا حاجة ممكن تخلص حياتك أو تدمرك وحاجات كتير ما تتعدش..
والتقيلة بقى؟
مفيش حاجة اسمها مدرب أو دكتور هيقلل المخاطر.
انسي الكلام ده…
معظم اللي بيتقال بيع وتسويق..
الحقيقة إن
كل واحد وحظه
وكل واحد وطبيعة جسمه
يستحمل… أو ما يستحملش.
حتى لو البطولة عدت على خير،
في حاجات ممكن ترجع لطبيعتها،
وحاجات مستحيل ترجع زي الأول،
وده مش شطارة مدرب ولا دكتور…
ده على حسب جسمك وقدرته.
والأخطر من ده كله؟
لو الهرمونات أثرت على الإشارات العصبية،
هنا بقولك بصراحة:
انسى إن الأمور ترجع زي ما كانت.
اللي عايز أوصله إن
قد ما البطولات دي شو وبفلوس وبتكسب ناس،
قد ما هي قذرة في حقيقتها،
وضررها أكبر بكتير من أي مكسب مادي،
ولا حتى فيها شيء يرضي ربنا..
الحمدلله أني أخدت القرار ده من كام سنه
ومكملتش فيه رغم الأنتقادات،
طريق من بدايته ميدخلش العقل ولا يرضي ربنا وأكبر غلطة بنسوقه لاجيال جديدة يغلطة نفس الغلطة😅
