17/10/2025
مساء الخير
يارب تكونوا كلكم بخير
هتكلم في حاجه كده ع السريع
ممنوع ممنوع ممنوع 🚫 اي حد يتخطى حدوده معايا في الكلام مهما كانت الأسباب
انا بحترم كل الناس وبقدر وبراعي ظروف الناس بس مش من حق أي حد يحاكمني علي قرار او قاعدة تخص المكان
هقول كام نقطة نلتزم بيهم واللي حاسه انها مش هتلتزم بيهم او الكلام مضايقها او في مشكله مع شخصيتي واسلوبي تقدر تغادر الجروب بهدوء وتروح اي جيم تلاقي فيه اللي هي محتاجه تلاقيه
١. مفيش تعويض حصص من النهارده لأي سبب حتي لو كانت حالة وفاة ولا عمليه علشان للأسف احترامي للناس واني بقدر الظروف خلي الناس تتمادى في كلامها وتعتبره حق مكتسب ممنوع تتكلمي معايا اني اعوضلك حصه غبيتها ودي قواعد المكان عندي مش عاجب حضرتك في الف جيم برا
٢. التزمي بمواعيد مجموعتك والايام بتاعتك علشان الوقت اللي هتتأخريه هيتخصم منك ومش هسيبك تكملي الوقت ليكي ساعه جيتي في وقتك هتخديها جيتي متأخر هيتخصم منك حتي لو فاضل ربع ساعه من وقت
٣. محدش يدخل معايا في مواعيد شغلي مش طبيعي كل م احط مواعيد تعترضوا عليها كل واحده فيكم بتختار المواعيد اللي تناسب وقتها وحياتها وبيتها وانا من حقي كصاحبة مكان اختار الوقت المناسب ليا ولحياتي ولبيتي هنزل المواعيد اللي مناسب معاها تنورني واللي مش مناسب تقدر تشوف جيم تاني
٤. معلش اسفه مش هبقي فلوس اشتراكات تاني حضرتك جاي تلعبي يبقي اعملي حسابك تدفعي
٥. ممنوع تجيبي أطفال معاكي في الجيم لأي ظرف او سبب
ممنوع ممنوع ممنوع
انا بصراحه تعبت وجبت اخري ومش هتنازل عن التعليمات اللي فوق دي ومش هكسر كلامي المره دي وده اللي عندي وده اسلوبي ودي شخصيتي محدش فينا مجبر يتعامل مع حد مش مرتاح معاه
مش هعوض أي غياب لحد مش هعوض وقت ضايع من حد مش هغير مواعيد شغلي علشان حد مش هتنازل واقبل بحاجات بتضايقني علشان حد
وزاي كل مره مش هنسي اشكر الناس المريحه الملتزمه اللي بتقدرني وبتلتزم بكل حاجه
دي اخر مره هغير فيها المواعيد ومش هتناقش فيها تاني
مواعيد الجيم يوميا هتبقي من
٥م : ٨م ماعدا الأحد اجازه من النهارده كل واحده تختار مواعيدها وتثبتها
اول مجموعه تبدء ٥ واخر مجموعه تبدء ٧ تنتهي ٨
@أبرز المعجبين
