08/01/2016
مساء الخير :D
بما اننا في امتحانات وبما ان المفروض في مزاكره يعني :3
ممكن دي تكون نصايح مفيده ليكم عشان تزود فعاليه ساعات المزاكره :
اولا :
الصحه الجسديه هي المفتاح الاول لتحصيل معلومات افضل
( مثلا : حاول يكون جنبك ازازه ميه كل شويه تشرب لان ده بيحافظ على صحه خلايا العقل ;و سناكس خفيف زي المكسرات مثلا ) ;)
بلاش junk food ايام الامتحانات 3:) (حاولو يعني )
ثانيا :
التوتر بلاش , التوتر بلاش و بلاش توتر :D
ثالثا :
ترتيب المعلومات ومراجعتها اهم حاجه قبل المعلومات مش مهم التحصيل كان صعب طول السنه الفتره اللي قبل الامتحان هي الاهم في مراجعه اي معلومه جديده :D
رابعا :
خلي معاك دايما الوان (high light )عشان تخطط بيها على اي معلومه جديده لان المخ بيتعامل مع الالوان بفاعليه اسرع من الكتابه الصماء من غير الوان ;)
خامسا :
استخدم اساليب الربط بين المعلومات برسومات وصور وامثله تقرب المعنى المقصود
ولو ماده زي الرياضيات وفيها معادلات كتير وقوانين اكتر حاول تدرب نفسك على الحل دايما عشان التدريب دايما في مواد التطبيقيه هو اللي بيثبت المعلومه .
سادسا وده الاهم وقبل كل شئ جدد نيتك واستعن بالله عشان يرزقك الفهم والتركيز والاجابات في الامتحان :)
بالتوفيق
