28/12/2025
خليني اوضحلك بشكل مختصر كده ايهما افضل (ستاتيك ستريتش) ولا (دايناميك ستريتش) قبل التمرين
عشان تفهم الموضوع بشكل بسيط لازم تعرفا اليافك العضليه شبه الاستيك في بعض الخصائص ، فتخيل انك ماسك استيك درجة حرارته بارده وجرب تشده أو تعمل عليه اي حركه مفاجئة ،النتيجة هتكون ان الاسيك يا اما هيتعرض لقط او معاوقة زائدة في الحركة قد تودي الي تلفه في اسوء الاحوال،وكذلك الموضوع تقريبا بالظبط علي الالياف العضليه لو بدات تمرينك بالستاتيك ستريتش فده بيحط الالياف العضلية تحت ضغط مفاجيء للاياف العضليه البارده ومش بيديك احسن نتيجه ولا ستريتش للعضلة وقد يؤدي الي ارهاق عضلي مبكر في التمرين وفي اسوء الاحوال يؤدي الي اصابه وكل ده انت لسه بتسخن متمرنتش 😂 ، علشان كده يفضل انك تعمل تمارين السترستش الداينامك اللي بتكون مثلا من ثانيه لتلت ثواني في وضع الاسترتش ده بيحط حمل اقل علي العضلات وبيجهزها ويخلي الدم يتدفق فيها ويخلي جسمك عنده حاله استعداد ونشاط للتمرين، وبعد متخلص تمرين تقدر تعمل الستايتسك ستريتش عادي جدا ، لان ساعتها بتكون عضلاتك سخنه ومرنه اكتر وأكثر قابليه للتمدد فبالتالي تاخد كمان رينج عضلي احسن مع اتخاذ طبعا الحذر من زيادة الضغط زيادة عن اللزوم اللتي قد تؤدي كذلك الي إصابات
لو استفدت اعمل شير وفيد غيرك ،وربنا يحفظنا جميعاً وصل علي افضل الخلق اجمعين
