اسياد افريقيا

22/05/2026

كلمتين بس بالنسبة لموضوع توروب ... ببساطة كده

توروب عقده هيخلص ٣٠ / ٦ تمام

كأس العالم هيبتدي ١١ / ٦ وهياخد تقريبا شهر ومافيش كورة بتتلعب في العالم وكاس العالم شغال

ولاعيبتك هتبقي اصلا في كاس العالم حتي لو جم يوم ٢٠ / ٦
مافيش لعب

توروب هياخد فلوس شهر ٦ ويوم ١ / ٧ ياخد ٣ شهور شرط جزائي

توروب سافر الدنمارك خلاص ومش راجع تاني
الكلمتين اللي قالهم في المؤتمر الصحفي والتقرير اللي عمله واللاعيبه اللي استبعدها كل ده كلام للاستهلاك الإعلامي

الوكاله عايز نسبة الموسم اللي فات وده حقهم وهياخده وهما بيضغطوا علشان ياخدوا نسبة الموسم اللي جاي وطبعا ده مش طبيعي

انا دلوقتي عايز افهم ليه الناس عماله تتكلم في رحيل المدرب دلوقتي ؟
هو كده كده ماشي بتضغطوا ليه يمشي دلوقتي ماهو ماشي اخر شهر ٦ هيفرق معاكم في ايه مش فاهم

النادي بيخلص المدرب الجديد والجهاز الفني بالكامل واخر شهر ستة توروب هياخد فلوس شهر ستة وعليهم ٣ شهور شرط جزائي ويروح يضرب دماغه هو ووكالته في الحيط يشتكي بقي يسكت دي مش مشكلتنا

قصة توروب خلصت خلاص مع الاهلي نقطة بقي ومن اول السطر

ياريت ننشغل بقي بكأس العالم وبالصفقات اللي جايه علشان شكله هيبقي صيف ساخن جدا في الصفقات

اللي بالمناسبة احتمال كبير جدا اني ماتكلمش فيها مع اني عارف اني مش بقدر امسك لساني وبتكلم بس هحاول المرة دي ولو كان هيبقي علي سبيل التلميح

بس كده 🤷
منقول

21/05/2026

21/05/2026

مشجع زملكاوي حب يتمنظر علي شوبير دمـ ـرله فرحته 😅

شوبير: حسن الهندي.. ألف مبروك لجماهير الزمالك اللي بتصنع المعجزات وبتشجع النادي عشان يكسب مش زي جماهير نادي تاني بتشجع عشان بتكسب!
فرق كبير بين عقلية اي مشجع زملكاوي وعقلية اي مشجع تاني، السنادي الزمالك راكب عربيه فيات وعمل موسم اعجازي!!

شوبير: والله انا قولت اقرا رسايل واشارك فرحتكوا بالدوري، لكني مضطر ارد علي خزعبلاتك، وبدون زعل، انا مش هقف كتير عند بتشجع عشان يكسب لأنك في الديربي مشيت من المدرجات قبل نهاية الوقت الأصلي✅

لكن عايز اكلمك علي الموسم الاعجازي وانت راكب عربيه فيات!!
الموسم الاعجازي، نادي الزمالك في كرة القدم والالعاب الجماعية شارك في ٢٧ بطولة، كسب بطولتين، كاس سلة
ودوري قدم وخسر ٢٥ بطولة!!
في المقابل الأهلي كسبان ٢٣بطولة، ٢٢صالات وسوبر مصري علي حسابك ومع ذلك احنا شايفين موسم الاهلي كار"ثي

هتقولي مانا معنديش إمكانيات عشان تحس بالاعجاز!
لا تعالي اقولك👉
حضرتك جايب ١٠ صفقات، وصارف فوق الـ مليار، وعليك احكام نهائية في الفيفا ووقف قيد بـ حوالي ٧مليون دولار،

كل الصرف ده وتقولي راكب فيات، وجايبها من تحت بدراعي وبنكسب بشقانا وزمالك ضد المنطق، عشان كسبت دوري !
ياراجل دانت صارف فلوس تشتري اسطولين من عربيات محمد رمضان ✅👌
من حقك تفرح بالطريقة اللي انت عايزها ياهندي، لكن اوعي تعيشهم عليا، عشان تاريخك كله عندي 😂😂👏👏👏منقول

16/05/2026

لا جديد يذكر

05/05/2026

هو بعيدا عن فكرة عودة رئيس نادي بيراميدز السابق حسام البدري وربطها بمبادئ النادي.. فإيه الفكرة من التعاقد مع مدرب لا يقدم أي جديد في أفكاره اللي هي أصلا كان فيها مشاكل من ١٠ سنين؟

هل حنينا للمشاكل القديمة عشان كانت أهون من مشاكل دلوقتي يعني ؟ 😂

يعني شايفين إن عصر ميدو جابر وحمودي وأزارو كان عصر ذهبي مثلا؟

فكرة إني أجيب مدرب عشان بس بيعرف يكشر دي أنا مش شاريها بصراحة.

حسام البدري تاريخه سيء جدا في التعامل مع النجوم وتقدروا تراجعوا شهادات لاعبين كتير منهم متعب وبركات مثلا عن طريقة تعامله معاهم.. وتقدروا تراجعوا نوعية اللاعبين اللي طلب التعاقد معاهم وكان مقتنع بهم وقت تدريبه الأهلي.. دا راجل شاف إن صبري رحيل أفضل من معلول! .. أنتم بتقولوا إيه يا جماعة؟😂

01/05/2026

رجالة البحيرة و دمنهور
وراك يا اهلي كعب داير

01/05/2026

اقطاي و حامد
باي تمن احسن من كتير عندنا

29/04/2026

ع الحلوة و المرة معاه