11/01/2025
كنت دخلت انا في عركة لذيذة كدا بعد احتفال امام عاشور الأخير في ماتش سموحة،
وكنت باقول اني مؤمن ومقتنع جداً ان اللاعب ماكنش يقصد ولا الزمالك ولا جمهوره، ولو كان يقصدهم انا اول واحد هاكون ضد دا !
ماكنش عندي اسباب مقنعة تخليني اخد الموقف دا بخلاف صورة بنته، لكن كنت ومازلت متأكد انه ماكنش يقصد اساءة لحد ..
اعتقد كرم ربنا لإمام النهاردة برضو هايكون له دلالة كبيرة عندي، وهايخليني اقتنع مليون في المية انه فعلا ماكنش يقصد حاجة..
واي حد ربط بين احتفال امام وبإنه مش مركز في الملعب، باقوله بالربط بتاعك دا عايزك تتفرج على امام النهاردة وبالمرة تتفرج على اخر خمس ماتشات، شوفه مركز في الملعب ولا لأ..
الشوط التاني شوط للذكرى لإمام عاشور، هايفضل فاكره طول عمره .
شوط بشخصية الأهلي .
