18/06/2026
حوار أحمد الطيب و بسمة وهبة
الطيب:
مصطفى شوبير كان والده عنده مشكلة قبل مباراة بلچيكا بـ3 أيام، وهي مهاجمة جماهير المصري ونواب بورسعيد له، وعمل شكاوى ضده.. أكيد الابن بيتأثر، فممكن مصطفى، اللي خبرته قليلة في الحياة، يكون متوترًا ومشغول بوالده
بسمة وهبة:
طب هو مين اللي قالك إنه متوتر؟
أحمد الطيب:
أنا اللي بقولك وعارف.
بسمة وهبة:
طب وماتش البرازيل مصطفى كان متوتر؟
الطيب:
إنتِ بتقطعي كلامي ليه؟ سيبيني أكمل كلامي.
بسمة وهبة:
حضرتك إنت مش في برنامج نشرة أخبار.. أنا مذيعة ولازم أسألك في كل حاجة، ده شغلي.
الطيب:
لا، بعد ما أخلص كلامي، إلا لو إنتِ مش مركزة في كلامي.
بسمة وهبة:
لا، أنا مركزة كويس، إنت حضرتك اللي مش مركز أنا بقول إيه.. إنت مش عاوز تجاوب وعاوز تقول بس اللي عندك.. كمل نشرة أخبارك، اتفضل.
الطيب:
ينفع تكلمي ضيفك بالطريقة دي؟
بسمة وهبة:
آه ينفع، أنا ملتزمة بطريقة الحوار.
الطيب:
طب مع السلامة يا ستي.
بسمة وهبة:
مع ستين سلامة. 😂😂😂😂😂😂
