03/09/2026
فى وقت كل لعيب بيتشرط عشان يجدد حتى ولاد النادي ..افتكرت تجديد ابوتريكه مع سيد عبدالحفيظ
سيد عبدالحفيظ : حددت ميعاد مع ابوتريكه ان فى قعده عشان نتكلم فى التجديد ، قعدت ليله كامله افكر هقنع تريكه يجدد ازاى فى وقت مفيش ولا فلوس ولا رعاه ولا فى دورى اصلا وكنا بنلعب دورى الابطال بس واكيد محتاجين حد بقيمه ابوتريكه جداااا...
يوم التجديد ابوتريكه جالى المكتب قعد قدامى وكنت حاطط العقود على المكتب ..لسه بفكر هبدأ كلام ازاى فجأه لقيت ابوتريكه مسك العقد ومضاه وبعدها قالى اتكلم بقا فى الأمور الماليه يا كابتن...
متخيل ان لاعب بقيمه وتاريخ تريكه يجدد على بياض فى وقت زى دا واليومين دول تبص تلاقى كل لاعب بيتشرط والى رافض يقلل راتبه ويمشي من الفريق والى عاوز شروط معينه لاسباب شخصيه والى عاوز يكسر سقف الرواتب ومع احترامي ليهم ميجوش ربع نجوميه ولا تاريخ ابوتريكه...
ابوتريكه مبقاش أسطورة بسبب اداءه جوا الملعب بس ..بالعكس مواقفه برا الملعب اكتر بكتير ، اللاعب الوحيد إلى محبيه زادوا اكتر بعد اعتزاله ومش هتلاقى حد بيفتكره غير بكل خير❤️❤️
