14/05/2025
🔴 البوست ده لأولياء الأمور اللي عاوزين أولادهم يبقي ابطال وينافسوا في اكبر البطولات ،
👈 اولا الشخص الرياضي علشان يبقي بطل عالمي أو أولمبي بيحتاج حوالي 10 آلاف ساعه تمرين
👈 يعني يتدرب يوميا من 5 الي 6 ساعات بمعدل 6 ايام بالاسبوع يعني عنده يوم راحه بس ويستمر علي كده لمدة 6 سنوات
👈 ده غير أن لازم يكون اللاعب اصلا عنده مواصفات لاعب الجمباز يعني مثلا القياسات الانثروبومترية مظبوطه ومعندهوش اي تشوه قوامي وجهازه العصبي جيد و ..
👈 وبرضو لازم تبقي عارف ان الجمباز اصعب رياضه في العالم وفقا لتصنيف اللجنه الاولمبيه الدوليه يعني استمرار ابنك في رياضه الجمباز وتحسن مستواه ده في حد ذاته نجاح.
👈 البعض واخد الموضوع أنه يعلم ابنه رياضه وخلاص ويستفاد من مميزات الجمباز وليك كل الحق في ده ، بس متفتكرش ان الكام ساعه اللي بينزل يتمرن فيهم دول هيخلوه بطل عالم ويغيب يوم ويروح يصيف اسبوعين لا بالسلامه كده ،
👈 هو ممكن يبقي لاعب كويس بس الاكيد أنه مش هيبقي بطل محترف هيبقي زيه زي اي حد مش هيبقي مميز
🔴 عشان تكرس حياتك بشكل كافي في اي رياضه لازم انتا في الاول تكون مقتنع والاعب مقتنع و المدرب مقتنع ،
والاهم زي ما قولت أن اللاعب نفسه يكون عنده المواصفات الخاصه بالرياضه اللي هيمارسها علشان متتعبش نفسك علي الفاضي
🔴 الفكر ده للاسف بقي قليل جدا عشان كده صعب جدا انك تلاقي بطل اولمبي او عالمي عندنا في مصر
