Coach Eisa - كابتن عيسى

31/12/2025

Life's not about how hard you can hit , it's about how hard you can get hit and keep moving forward
" Rocky Balboa "
🤍

01/12/2025

وماتوفيقي الا بالله ☝🏻
ابطال الدهب والأداء المتميز في اول بطولات الجد
بطولة الجمهورية تحت 9 سنوات 🥇🥇
من لاعب مالعبش بطولة اولى لظروف صحية ، لتقييم وامتحان شهر في نفس يوم بطولة الجمهورية 🤷🏻
ولاعب اشتغل على اخطاؤة في البطولة الأولى ويوصل أنه يقف جنب ال top ten نادي زي المؤسسة في مرحلته ⭐
دة فضل من الله وحده علينا ☝🏻☝🏻
ـ وشكرا لكل أولياء الأمور لدعمهم وشكرا لكل لاعب مخلص أصيل مابينكرش تعب مدربة معاه ♥️✨
ـ وانا متعود كل بطولة لو ربنا وفقنا ونتايجنا كانت احسن نتائج في ماذكرش دة نصا ، رغم أنه بفضل الله موجود دايما في المراحل الي بشتغلها ومع اللاعبين الي بيجولي ، وعلى مدار كذا سنه ورغم أنه من حقي اكتب دة ولو حتى على سبيل التسويق لنفسي بس مش بكتب دة ✋🏻
بقول انا مش داخل في سباق وكبر مع حد ، ومش هقعد اقول ابطالنا احسن من الكل ، لأن دة في تقليل من شغل وتعب زمايلي ولاعبينهم ، واللي يقلل مني ومن تعبي صعب اني اشوفه ، والي مارضاهوش على نفسي مارضاهوش لغيري ♥️
- انك تنافس وتتحدى نفسك وتتطور من غير ماتفضل باصص في ورقة غيرك
دة المعنى الحقيقي للرياضة لانك بتكسب نفسك وبتفضل حابب
الخير لغيرك 🤍

07/11/2025

من اسرار تدريب السن الصغير ♥️
التدريب في السن الصغير هو مفتاح استمراريه اللاعب في المراحل الكبيرة 🌱☝🏻
.. مافيش مرحلة سنية سهله صغيرة كانت أو كبيرة 🌟
لان الطبيعي كل دقيقة يكون فيها تعب من المدرب واللاعب✌🏻
بس الاستمرارية بتكون اصعب لو
اللاعب مأخدش أساس كويس للمرحلة الي هيدخل عليها 🖍️
وبتكون الاستمرارية اصعب واصعب لو ❌
اللاعب جسمه وعقله مافهمش جمباز في تحت ٨ و ٩ ، ساعتها بيكون عمر اللاعب في الجمباز قصير ✊🏻
والمدرب الفاهم
بيكون دايما باصص لقدام مع لاعبينه وعارف أن الكلمة والحركة الي بيعلمها عارف انها هتلف تلف ويبني عليها بعد كدة صعوبات وحركات اكبر 📉 .
فدور دايما على اللي يكبر ابنك ويبنيه ويأسسه صح 🤍 ⭐
لان معادلة النجاح مش بتتوفق غير
بإخلاص مدرب طموح + لاعب طموح + ولي أمر طموح نواياهم لله .

04/11/2025

التفاصيل 🥇♥️ .

02/11/2025

الفضل من الله والحمد لله الذي مكن لنا 🤲🏻
سهل انك تجيب ميدالية الصعب انك تبني لاعب من الصفر ↖️✊🏻
اللاعب مليك تحت السن 🌱
حقق الميدالية الذهبية التانية في بطولة الجمهورية 🇪🇬🥇
فخور بيك يامليك 🥰
كنت راجل في الملعب ولعبت بإستايل زي ماتفقنا ♥️☢️

30/10/2025

Half squat with Australian pull up ⭐

08/10/2025

06/10/2025

النهاردة اصحى على نوتفكيشن ، أن الصفحة تمت سنه بالظبط ☝🏻
سنه من محاولات تغيير مفاهيم في الجمباز مع أولياء الأمور والمدربين واللاعبين من خلال العلم وفلسفتي كمدرب الي ماينفعش اتكلم بيها الا من خلال خبرة ممزوجة بمواد علمية مدروسة ومن مدارس مدربينا وأساتذتنا الي علموني 🍯 .
وبردو صادف ذكرى
اول بطولة ليا كانت منطقة بور سعيد 2017 🌟
حبيت اشارك معاكم ملخص للفترة دي 👇🏻♥️♥️♥️
8 سنين وانا بنفس الطبع ، مابحبش اتكلم عن نفسي وشغلي كتير
في وسط دواير مافيش مكان فيها إلا للي بيتكبر ويقول أنا وأنا .. خدت القرار أني لازم اعمل حاجة تتكلم مكاني عن شغلي بدون رياء أو خداع .
8 سنين وانا بحاول أتجنب صراعات في وسط ملئ بصراعات مابتنتهيش 🤍
8 سنين كل كلمة ونظرة سلبية من حد مانستهاش ومش هنساها وكانت وقود زيادة لشغلي ، واحسن رد انك تتعب وتسيب ربنا يردلك " وكفى بالله وكيلا " ♥️
8 سنين وانا ممتن لكل مدرب علمني حاجة كبير كان او صغير سواء اساء أو احسن إلي " ولا تنسوا الفضل بينكم " ✊🏻
8 سنين وانا مؤمن أني مش بنافس حد غير نفسي واني لازم اتطور يوم بعد يوم وسنه بعد سنه 📉
8 سنين وانا مؤمن أن النتايج في البطولات اساسها توفيق ربنا وتدابيره في كل حركة وفي كل جرة قلم 🖍️
8 سنين اتعلمت أن كل ماهتنجح هتشوف كره وحقد اكتر وان النجاح مش حكر على حد " كلا نمد هؤلاء وهؤلاء من عطاء ربك وماكان عطاء ربك محظورا " .
وإن اصحاب النفوس المريضة مهما كسبوا أو عليوا فهم خسارتهم اكبر وان لازم الواحد يراجع مافي قلبه اول باول لان الاختلاط بيهم فتنه وحلك أنك تصبر " وجعلنا بعضكم لبعض فتنه أتصبرون وكان ربك بصيرا " 🤚🏻
8 سنين بيعدي عليا لحظات بتعلم فيها الي ماتعلمتهوش في سنه ولسه إن شاء الله 🤲🏻
ربنا يرزقنا ويرزقكم الإخلاص في القول والعمل ومانبقاش من الذين ضل سعيهم في الحياة الدنيا وهم يحسبون أنهم يحسنون صنعا ، وكل سنه وأبطالنا واللاعبين الي مرنتهم وكل من مر على البوست بخير ♥️♥️♥️♥️
🇪🇬🇪🇬🇪🇬🇪🇬


لينكات المحتوى الكتابي اتمنى تكون أفادتكم ☢️

https://www.facebook.com/share/p/19dKnxGkyD/
" ازاي بنختار لاعب الجمباز المناسب للإستمرار في التمرين " ......................................................................
https://www.facebook.com/share/p/1FTJcphcaz/
" التشوهات القوامية وتكيفات المفاصل مع لاعب الجمباز " .........................................................................
https://www.facebook.com/share/p/1GL4giS7de/
" تخليص الاجباري وعلاقته بطرق تعليم المهارات " ........................................................................
https://www.facebook.com/share/p/1T9CAG8UEu/
" الفتنس وعلاقة بتخليص الاجباري " .....................................................................
https://www.facebook.com/share/p/14MAD7Ugc7k/
"المراحل الي بيمر بيها اللاعب لإتقان الاجباريات "