06/11/2024
انهارده روبن اموريم بيودع فريق سبورتينغ لشبونة بعد حوالي 5 سنين مع الفريق البرتغالي ، اموريم تولى تدريب الفريق في مارس 2020 ، و مع اول موسم كامل له موسم 2020/21 قدر يحقق معاهم بطولة الدوري بعد غياب 18 سنه و حقق معاهم بطولة كأس الدوري
( اخر دوري حققه الفريق قبلها كان موسم 2001/02 )
🔴 اموريم في خلال فترته مع الفريق قدر يحقق معاهم:
⚽ بطولتين دوري
⚽ بطولة كأس واحده
⚽ بطولتين كأس الدوري
وداعية اموريم انهارده كانت مِسك ختام بفوز تاريخي علي مانشستر سيتي برباعيه مقابل هدف وحيد
🔴 اموريم هيترك الفريق وهو متصدر الدوري بأقوى خط هجوم و أقوى خط دفاع ، يعني سايب منظومه قويه جداً و فريق قوي جداً لأي شخص هيجي من بعده
🔴 مفيش شك ان انتقال اموريم للدوري الانجليزي هي نقله كبيره له ، لكنها فيها ريسك شويا من وجهة نظري
الريسك ده يكمُن في انه هيسيب منظومة قوية هو ال مأسسها بنفسه متصدر فيها الدوري و قريب من تحقيق تالت دوري ليه مع الفريق و كمان موجود في المركز التاني في ترتيب دوري أبطال أوروبا و عنده فرصه يوصل لمراحل بعيده في البطولة
في المقابل هيروح لفريق البيئة فيه مش احسن حاجه للنجاح و لجمهور معتش عنده صبر لانه ببساطه زهق خلاص من فكرة الصبر دي و مُتعطش انه يرجع تاني للمنافسه و يرجع يلعب كوره تليق بأسم النادي و تاريخه الكبير ، اموريم عنده مهمه مش سهله ابداً في اعادة هيكلة فريق مانشستر و انه يلحق الموسم بأي طريقه و كمان يعدل النتائج ال مفيش اسوء منها ، 10 مباريات في الدوري بحصيلة 12 نقطه حاجه محصلتش للنادي من سنين كتير جداً
🔴 متقدرش تجزم هل هينجح او لا بس الاكيد ان هو مدرب واعد جداً و عنده من الافكار التكتيكيه ال تخليه اضافة قوية جداً لمانشستر وللدوري الانجليزي عموماً ، خلينا نشوف 🇵🇹❤
