26/05/2026
اللى احنا فيه برضوا بسبب ناس ظلمناها واولهم الكابتن حمزة الجمل
مسك الفريق فى قاع الدورى وقدر يخرج بينا من دوامة الهبوط ونجح فى البقاء ومشيناه .. ثم بدأنا الموسم التالى بمدرب تانى غيره ودخلنا فى نفس الدوامة وبعدين رجعنا حمزة وقدر ينقذنا من الهبوط للمرة التانية وفى النهاية ناس كتير قللت من مجهوده ونجاحه رغم أن الكيميا بتاعته كانت ماشية مع الفريق بشكل كويس وبشطارته كان بيعرف يلم نقط ويخرج بالفريق الى بر الأمان .. بدل ما كنا نشكر الراجل اللى كنا كل ما نطلبه يحضر حالا ويقود مهمة صعبة وينقذ الفريق مرتين من الهروب لا احنا بخثنا من حقه وقالوا مش مدرب وأننا كنا بنكسب عشان الجمهور اللى بيحضر والكابتن حسنى عبدربه من الناس اللى قالت الكلام ده على اون سبورت ف استوديو التحليل أن الفريق بيكسب بسبب الجمهور وبس مش بشغل الكابتن حمزة الجمل .. طيب ماهو بعد ما مشى كان بيحضرلنا جمهور كتير وكنا بنخسر برضوا .. إنبى نادى مش جماهيرى والكابتن حمزة تولى مهمة صعبة معاهم وكانوا 9 نقط فى اخر الجدول وحقق نتائج محترمة وكان سبب بقاء إنبى فالدورى الممتاز فى أول موسم من توليه المهمة ..الحمدلله الصفحة بتاعتنا كانت لاخر وقت بتدعم الكابتن المحترم حمزة الجمل وكنا بندعمه وواقفين فضهره ووجهناله كل الشكر والتقدير أثناء وجوده وحتى بعد رحيله
