عبدالله زينهم جبل - خبير التحول المؤسسي والتخطيط الاستراتيجي

  • Home
  • Egypt
  • Damietta
  • عبدالله زينهم جبل - خبير التحول المؤسسي والتخطيط الاستراتيجي

عبدالله زينهم جبل - خبير التحول المؤسسي والتخطيط الاستراتيجي خبير تطوير وتخطيط استراتيجي | CEO لشركة Growthy | قدت تحول 160 شركة | مستشار تنفيذى ومجالس إدارة

10 خطوات هتفرق في شكل شركتك وتطور إدارتكمن واقع خبرة أكتر من ١٧ سنة فى التطوير المؤسسي وإدارة التغيير و ١٦٠ شركة فى أكثر...
01/08/2026

10 خطوات هتفرق في شكل شركتك وتطور إدارتك
من واقع خبرة أكتر من ١٧ سنة فى التطوير المؤسسي وإدارة التغيير و ١٦٠ شركة فى أكثر من ٦٠٠ مشروع تطوير مؤسسي ، دي خطوات لو طبقتها هتشوف فرق حقيقي:
لو شايف إن شركتك تستحق تبقى أفضل… ابدأ النهاردة بأبسط خطوة
وإوعى تستهين بقوة النظام.
#الخبير

اللي ما دخلش في التحول الرقمي لحد دلوقتي... بيضيع على نفسه فرص كتير!زمان كان العميل بيشوف كتالوج ويختار،دلوقتي بيدخل على...
30/07/2026

اللي ما دخلش في التحول الرقمي لحد دلوقتي... بيضيع على نفسه فرص كتير!
زمان كان العميل بيشوف كتالوج ويختار،
دلوقتي بيدخل على الموقع…
يغيّر اللون والمقاس
ويشوف شكل الأثاث في أوضته قبل ما يشتري (بـ تقنيات الواقع المعزز - AR)
ويطلب وهو قاعد في بيته!
يعني الموقع بقى أهم من المعرض.
بس عشان ده يشتغل صح، لازم:
الموقع يكون سهل وواضح
متوصّل بمخزون المصنع، علشان مفيش حاجة تتباع وهي مش متوفرة
وكل طلب يدخل على خط الإنتاج على طول
النتيجة؟
مبيعات أكتر، عميل مبسوط، وشركة بتكبر أسرع!
#الخبير

اقرأ… أول نداء من السما"اقْرَأْ بِاسْمِ رَبِّكَ الَّذِي خَلَقَ… عَلَّمَ الْإِنسَانَ مَا لَمْ يَعْلَمْ"عارف إيه أول كلمة ...
29/07/2026

اقرأ… أول نداء من السما
"اقْرَأْ بِاسْمِ رَبِّكَ الَّذِي خَلَقَ… عَلَّمَ الْإِنسَانَ مَا لَمْ يَعْلَمْ"
عارف إيه أول كلمة نزلت على النبي ﷺ؟
مش "صلّي"، ولا "صوم"، ولا حتى "جاهد"…
أول كلمة كانت: "اقرأ".
يعني ربنا بدأ علاقتنا معاه بدعوة للعلم…
دعوة إنك تفتح عقلك، تسأل، تدوّر، تفهم.
يعني أول أمر نازل من فوق سبع سماوات… كان للعلم، مش لأي حاجة تانية.
وده معناه إن العلم مش رفاهية…
العلم عبادة…
العلم فريضة.
"علَّم الإنسان ما لم يعلم"
يعني كل حاجة عرفتها… كل فكرة… كل مهارة…
هي فضل من ربنا…
وكل يوم بتتعلّم فيه حاجة جديدة، هو يوم بتقرب فيه من نور ربنا أكتر.
الموضوع مش بس كتب ومذاكرة…
الموضوع وعي…
الموضوع بصيرة…
الموضوع طريق لنفسك… وربك.
#الخبير

هو في إيه؟!يعني لازم تروح تاخد MBA عشان تتعلم إدارة؟طب ما تتفرج على فيلم شمس الزناتي!آه والله… فيلم شمس الزناتي مش بس أك...
28/07/2026

هو في إيه؟!
يعني لازم تروح تاخد MBA عشان تتعلم إدارة؟
طب ما تتفرج على فيلم شمس الزناتي!
آه والله… فيلم شمس الزناتي مش بس أكشن وشوية ضرب نار، ده كورس في فن القيادة، وإدارة الفريق، واتخاذ القرار وقت الأزمات.
ركز كده:
1. مش أي حد ينفع يبقى في فريقك.
شمس اختار رجالة كل واحد فيهم مختلف... قوة، ذكاء، سرعة، حِس.
المدير الشاطر بيبني فريق متكامل مش شبه بعض.
2. القائد ما بيستخباش ورا الكرسي.
كان دايمًا في الصف الأول، قدام رجاله.
عايز فريقك يحترمك؟ خليك قدوتهم مش مديرهم.
3. الخطة مهمة… بس رد الفعل أهم.
كان عنده خطة، ولما الدنيا اتشقلبت؟ عرف يتصرف.
المرونة مش رفاهية، دي بقاء.
4. الكلمة اللي بتعدّل مزاج المعركة.
شمس عرف يشحن رجاله في عز الزنقة بكلمة واحدة.
القائد اللي مش بيعرف يحمّس، فريقه بيقع أول.
5. ما تعملش الصح... نص نص.
في الأول كانوا مرتزقة، لكن بقرار منه، بقت المعركة معركة حق.
قيمك هي اللي بتحدد مصير قراراتك، مش المكسب بس.
6. المسؤول ماينفعش حد يتدخل في شغله.
فاكر لما شمس قال لشيخ البلد:
"طالما أنا اللي مسؤول، يبقى محدش يدخل في شغلي."
الدرس؟
المسؤولية من غير صلاحية = فشل مضمون.
لو حمّلت حد المسؤولية، سيبه يشتغل. ولو اتدخلت في كل حاجة، ماتستناش نتيجة.
بالمناسبة الفيلم ده مقتبس من فيلم ياباني اسمه seven samurais
#الخبير

امبارح كان عمري عشرين...كنت فاكر إن العمر بيمشي على مهله، وإن الحاجات دايمًا هتستنانا. بس الحقيقة؟ العمر بيجري في هدوء...
27/07/2026

امبارح كان عمري عشرين...
كنت فاكر إن العمر بيمشي على مهله، وإن الحاجات دايمًا هتستنانا.
بس الحقيقة؟
العمر بيجري في هدوء...
ما بيخبطش على الباب، ولا بياخد رأينا قبل ما يعدّي.
امبارح كنت عشريني… شايف الدنيا واسعة ومستنية،
النهاردة بقيت أربعيني… شايف الدنيا بتعدّي، بس بثمن.
بين العشرين والأربعين مش بس سنين،
ده فيهم أحلام اتغيّرت، ناس راحت، ووشوش اختفت، وقلوب اتبدلت.
بس كمان فيهم نُضج، ورضا، وفهم إن مش كل حاجة لازم تتحقق،
وإن مش كل خسارة خسارة، ومش كل مكسب مكسب.
فهمت إن الوقت ما بيستناش اللي مشغول،
وإن الندم مش بيرجع لحظة، بس بيدرّس دروس.
العشرين كانت بداية، والأربعين هي الصحوة.
صحوة إنك مش هتعيش مرتين،
وإن كل يوم بيعدي مش لازم تهدره في اللاشيء.
ما بين عشرينك وأربعينك، هتعرف إن أعظم استثمار هو نفسك،
وإن السلام جواك، مش في اللي حواليك.
النهاردة… يمكن كبرت، بس بقيت أهدى.
ما بقيتش عايز أكسب كل حاجة… بقيت عايز أعيش كل لحظة.
#الخبير

عمرك فكرت ليه كلمة صادقة تغيّر مزاجك…ونفس الكلمة من عميل تقدر تغيّر مستقبل شركتك كلها؟في البزنس، الناس مش بتصدق الإعلانا...
26/07/2026

عمرك فكرت ليه كلمة صادقة تغيّر مزاجك…
ونفس الكلمة من عميل تقدر تغيّر مستقبل شركتك كلها؟
في البزنس، الناس مش بتصدق الإعلانات…
الناس بتصدق الناس.
الـ Word of Mouth و الـ Referral أقوى من أي حملة مدفوعة…
لإنهم جايين من تجربة حقيقية… من عميل جرّب وشاف الشغل بإيده.
كل عميل راضي = وردة جديدة بتتفتح 🌹
وكل كلمة حلوة = باب عميل جديد بيتفتح من غير ما تدفع جنيه.
السر؟
اعمل تجربة تخلي الناس تتكلم عنّك…
بدل ما تفضّل أنت اللي تشرح.
ولو فعلاً شايف إن شغلك يستاهل…
اسأل عميلك: “رشّحنا لحد يستحق.”
وساعتها… هتشوف الفرق بنفسك. 🚀
#الخبير


عمرك حسّيت إن الطريق اللي اخترته مش مجرد شغل إنما رسالة؟.......أنا شخصيًا بدأت طريق الاستشارات من موقف بسيط… شركة صغيرة ...
25/07/2026

عمرك حسّيت إن الطريق اللي اخترته مش مجرد شغل إنما رسالة؟.......
أنا شخصيًا بدأت طريق الاستشارات من موقف بسيط… شركة صغيرة كانت هتقفل بسبب سوء تنظيم.
بفضل الله ربنا وفقني وساعدتهم… والشركة قامت تاني على رجليها وحصل لها تحول جذري فى طريقة شغلها.
حسيت بشعور لا يوصف، شعور الأثر، وإن ربنا يجعلك سبب بتوفيق منه .
ومن هنا فهمت إن دوري مش ملفات وتقارير… دوري إني أغيّر مصير شركات وتعيين مصير أسر بتاكل من وراها.
ومن يومها وأنا ماشي في الطريق ده… طريق التأثير مش الإنجاز بس.
لو أنت كمان مؤمن إن الإدارة ممكن تغيّر مستقبل… احكيلّي عن أكبر تحدي بتواجهه دلوقتي؟
#الخبير



أكبر 3 غلطات بتهد أي شركة وهي بتبدأ توسّعها.- إن الإدارة تفضل زي ما هي وكأن العدد 10 زي العدد 40.- التوظيف الضعيف… الموظ...
23/07/2026

أكبر 3 غلطات بتهد أي شركة وهي بتبدأ توسّعها.
- إن الإدارة تفضل زي ما هي وكأن العدد 10 زي العدد 40.
- التوظيف الضعيف… الموظفين مش بيكبروا لوحدهم.
- غياب SOP… لما كل حاجة تعتمد على مزاج شخص واحد.
دول تاني أكتر أسباب بتيجي لي في Growthy والشركات بتدفع ثمنهم غالي.
قولّي… فاكر شركتك واقعة في انهيار من التلاتة دول؟
#الخبير



أوقات كتير بنسعى ونجري وندعي… ونفتكر إن اللي نفسنا فيه هو الخير المطلق، ونزعل لما ما يحصلش.بس بعد شوية وقت… تدرك إن ربنا...
22/07/2026

أوقات كتير بنسعى ونجري وندعي… ونفتكر إن اللي نفسنا فيه هو الخير المطلق، ونزعل لما ما يحصلش.
بس بعد شوية وقت… تدرك إن ربنا كان شايلك من حاجة، وبيحضّرك لحاجة أكبر بكتير من توقعاتك.
في لحظة معينة هتفهم إن المنع كان حماية… وإن التعطيل كان ترتيب… وإن التأخير كان باب لبركة ما تخطرش على بالك.
افتكر دايمًا قوله تعالى:
﴿ وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ﴾
وقوله ﷺ: "واعلم أن ما أخطأك لم يكن ليصيبك، وما أصابك لم يكن ليخطئك."
في الآخر… ارضى بما قسمه الله لك
مش عشان تتنازل… لكن عشان ربنا عمره ما بيمنع عنك إلا وهو بيجهّزلك خيرًا أكبر من اللي كنت بتحلم بيه.
#الخبير

لو الـ HR في شركتك شغال بالمزاج… الشركة هتبقى بتعرج.الـ HR مش شؤون موظفين… ولا ورق…الـ HR هو العمود الفقري اللي يظبط:- ا...
21/07/2026

لو الـ HR في شركتك شغال بالمزاج… الشركة هتبقى بتعرج.
الـ HR مش شؤون موظفين… ولا ورق…
الـ HR هو العمود الفقري اللي يظبط:
- الهيكلة
- الرواتب
- السياسات
- الأداء
- الثقافة
- التوظيف الصح
أي شركة ماشية من غير HR system… عاملة زي عربية ماشية بـ"كوتش واحد".
#الخبير



Address

دمياط
Damietta

Website

Alerts

Be the first to know and let us send you an email when عبدالله زينهم جبل - خبير التحول المؤسسي والتخطيط الاستراتيجي posts news and promotions. Your email address will not be used for any other purpose, and you can unsubscribe at any time.

Shortcuts

Share