بعد الفار - Baad El Var

بعد الفار - Baad El Var أخبار الكورة.. بس بعد الفار ⚽🔥
نتائج • تشكيلات • تحليلات • جدل كروي

🔴 الأهلي عمره ما كان مجرد نادي…الأهلي كان دايمًا “مصنع مهاجمين” 👑⚽من أيام الأساطير لحد الجيل الحالي،كل فترة كان لازم يظه...
15/05/2026

🔴 الأهلي عمره ما كان مجرد نادي…
الأهلي كان دايمًا “مصنع مهاجمين” 👑⚽

من أيام الأساطير لحد الجيل الحالي،
كل فترة كان لازم يظهر مهاجم يخوف أي دفاع ويلبس الرقم 9 بمعناه الحقيقي 🔥

بدأت الحكاية مع أسماء حفرت تاريخها بحروف من دهب ✨
زي حسام حسن اللي بقى واحد من أعظم المهاجمين في تاريخ الكرة المصرية،
وبعده جيل كامل عرف يعني إيه مهاجم أهلاوي.

وبعدين جه اسم زي محمد أبو تريكة…
صحيح مش مهاجم صريح، لكنه كان دايمًا حاضر بالأهداف واللحظات التاريخية ❤️

ومع السنين، ظهر مهاجمين كتير بصموا بأسمائهم:
🔥 عماد متعب — القاتل الهادئ وصاحب الأهداف القاتلة.
🔥 فلافيو أمادو — ماكينة الأهداف الإفريقية.
🔥 وليد أزارو — أسرع وأشرس مهاجم في جيله.
🔥 جونيور أجايي — اللاعب اللي جمع بين المهارة والقوة.
🔥 محمد ناجي جدو — رجل اللحظات الكبيرة.
🔥 أسامة حسني — الجوكر اللي ينزل يغيّر أي ماتش.

📊 أرقام تتكلم لوحدها:
🏆 عشرات البطولات المحلية والقارية
⚽ مئات الأهداف
🦅 وهيمنة مستمرة على إفريقيا

الأهلي عبر تاريخه مكانش بيعتمد على “مهاجم واحد”…
كان دايمًا بيصنع جيل كامل من المهاجمين اللي يعرفوا يعني إيه مسؤولية التيشيرت الأحمر 🔴

يمكن الأسماء تختلف من جيل للتاني…
لكن الحقيقة الوحيدة الثابتة؟
إن أي مهاجم ينجح في الأهلي… يبقى دخل التاريخ فعلًا 👏

وفي النهاية،
كل واحد لبس قميص الأهلي وسجل هدف فرّح الملايين…
له مكانة خاصة عند الجمهور ❤️

#الأهلي #فلافيو #كورة

🔴 لما الناس تسمع اسم أنتوني موديست مع Al Ahly SC…أول حاجة بتيجي في بال ناس كتير هي الفرص الضايعة والانتقادات.بس لو بصينا...
15/05/2026

🔴 لما الناس تسمع اسم أنتوني موديست مع Al Ahly SC…
أول حاجة بتيجي في بال ناس كتير هي الفرص الضايعة والانتقادات.
بس لو بصينا للقصة كاملة؟ هنلاقي إن الراجل اتحكم عليه بقسوة شديدة جدًا 👀

موديست قبل الأهلي كان مهاجم صاحب مسيرة كبيرة فعلًا 🇫🇷

📊 أرقام من مسيرته الأوروبية:
⚽ أكثر من 200 هدف في مسيرته الاحترافية
🇩🇪 من أبرز هدافي الدوري الألماني مع
🔥 موسم 2016/2017 سجل 25 هدف في البوندسليجا
🏆 ساهم وقتها في وصول فريقه للمسابقات الأوروبية
🇫🇷 لعب لأندية زي OGC Nice وBordeaux
🇨🇳 وحتى في الصين كانت أرقامه قوية جدًا

ولما الأهلي تعاقد معاه،
الجمهور كان مستني ماكينة أهداف جاهزة فورًا ⚽

لكن الحقيقة إن ظروفه كانت صعبة جدًا:

📌 انضم متأخر نسبيًا
📌 دخل فريق مضغوط ببطولات متتالية
📌 لعب أوقات كتير بدون انسجام كامل
📌 وكان مطالب ينجح من أول لمسة

ورغم كل ده… الراجل حاول.

📊 أرقامه مع الأهلي:
🏟️ لعب حوالي 31 مباراة( عدد الدقايق الي لعبها بموازين 15 مباراة)
⚽ سجل 6 أهداف
🎯 صنع 3 أهداف
🏆 حقق مع الأهلي:
• الدوري المصري
• دوري أبطال إفريقيا
• كأس مصر
• برونزية كأس العالم للأندية 🥉

ومن أهم لحظاته بالقميص الأحمر ❤️

🔥 هدفه القاتل قدام Future FC في الوقت الأخير
🔥 مساهماته في مباريات الدوري وقت ضغط الإصابات
🔥 مجهوده البدني الكبير في كأس العالم للأندية رغم الانتقادات

والناس يمكن نسيت إنه كان بيلعب أوقات وهو بعيد عن كامل جاهزيته البدنية،
ومع ذلك كان بيضغط ويفتح مساحات ويحاول يخدم الفريق بأي طريقة.

موديست يمكن مكانش الصفقة الأسطورية اللي الجمهور حلم بيها…
لكن كمان مكانش “الكارثة” اللي السوشيال ميديا صورتها.

وفي النهاية،
خرج بهدوء واحترام،
من غير أزمات أو هجوم على النادي والجمهور 👏

وده يثبت إن الراجل كان محترف حتى في أصعب فتراته.

#موديست #الأهلي #كورة

في ناس لحد النهاردة فاكرة إن المدرب الساحر بينزل يشتغل بأي تشكيلة وخلاص، يعمل فريق عالمي من الهوا، وكأن كرة القدم لعبة ب...
12/05/2026

في ناس لحد النهاردة فاكرة إن المدرب الساحر بينزل يشتغل بأي تشكيلة وخلاص، يعمل فريق عالمي من الهوا، وكأن كرة القدم لعبة بلايستيشن مش منظومة كاملة فيها إدارة ولاعيبة واستقرار ووقت وصبر !

عشان كده كل شوية تلاقي حد يقولك: “لويس إنريكي مدرب عادي.. نجح بس عشان كان معاه ميسي ونيمار وسواريز!”
والكلام ده أكبر دليل إن ناس كتير بتتفرج على النتيجة النهائية ومبتشوفش الرحلة اللي قبلها كانت عاملة إزاي.

لويس إنريكي بدأ رحلته التدريبية الحقيقية مع برشلونة B سنة 2008، وقتها الفريق كان في الدرجة الثالثة.
الراجل اشتغل على تطوير الشباب وفهم فلسفة برشلونة من جوه، وفي موسم 2009/2010 طلع الفريق للدرجة الثانية، وبعدها بموسم حقق 71 نقطة… رقم قياسي للفريق وقتها في Segunda División.
وصل للبلاي أوف كمان، لكن قوانين إسبانيا كانت مانعة الفريق الثاني يصعد للدرجة الأولى.
من بدري جداً كان واضح إن عنده فكر هجومي واستحواذي، وبيعرف يطور اللعيبة الصغيرة، لكن محدش وقتها كان بيتعامل معاه كـ”عبقري” ولا “منقذ”.

بعدها جات أول صدمة حقيقية… روما.

ودي أهم محطة الناس لازم تفهمها كويس قبل ما تتكلم عن أي مدرب في العالم.
إنريكي راح روما سنة 2011، أول تجربة ليه في دوري كبير، والنادي وقتها كان داخل على مرحلة انتقالية كاملة.
ملكية جديدة، إدارة جديدة، بيع نجوم مهمين زي ميركو فوتشينيتش ومينيز وفيليب ميكسيس، وفوق كل ده جابوا أكتر من 12 لاعب جديد مرة واحدة !

يعني الراجل دخل يشتغل في بيئة حرفياً لسه بتتفك وبتتركب من أول وجديد.

النتيجة؟
المركز السابع في الدوري الإيطالي:
16 فوز، 8 تعادلات، 14 هزيمة، و56 نقطة.
خرج من ربع نهائي الكأس، واتفضح أوروبياً وخرج من الدور التمهيدي لليوروبا ليج قدام سلوفان براتيسلافا.

طبعاً الإعلام الإيطالي أكل فيه أكل، والجمهور كان مستني معجزات، وهو أصلاً لا عنده دفاع ثابت ولا لاعيبة تناسب فكره.
كان بيحاول يطبق 4-3-3 واستحواذ وبناء لعب من ورا، لكن الأدوات ببساطة مكنتش موجودة بالجودة المطلوبة.

ورغم كده… لو رجعت للمباريات نفسها، هتلاقي الفريق أحياناً كان بيقدم كورة ممتازة، حتى إنه فاز على إنتر بشكل كبير، لكن عدم الاستقرار كان بيفجر الفريق كل شوية.

وده الفرق بين الناس اللي بتحلل كرة فعلاً، والناس اللي بتشوف جدول الدوري وخلاص.
المدرب ممكن يبقى عنده فكرة عظيمة… لكن لو البيئة حواليه فوضى، الفكرة بتموت.

بعدها راح سيلتا فيجو سنة 2013، ودي محطة ناس كتير بتتناساها عمداً.

سيلتا وقتها كان فريق بيصارع الهبوط تقريباً، وإنريكي قدر يوصله للمركز التاسع بـ49 نقطة.
14 فوز، 7 تعادلات، 17 خسارة.
مش موسم أسطوري طبعاً، لكنه كان موسم مهم جداً في بناء شخصيته كمدرب.

الفريق لعب كرة هجومية ممتعة، وطلع لاعيبة بشكل ممتاز زي رافينيا، لكن برضو الدفاع كان بيضيع كل شوية، والإمكانيات محدودة جداً مقارنة بالكبار.

يعني الراجل لا فشل فشل مطلق زي ما الناس بتحب تصور، ولا كان عبقري خارق قلب الدنيا من أول يوم.
كان مدرب بيتعلم، بيغلط، بيطور نفسه، وبيحاول يثبت فكره في ظروف أصعب بكتير من اللي شافها بعد كده.

ثم جاءت اللحظة اللي غيرت كل حاجة…

برشلونة 2014.

هنا بقى الناس شافت النسخة الكاملة من لويس إنريكي.
مش لأنه فجأة بقى عبقري بين يوم وليلة، لكن لأنه أخيراً لقى البيئة اللي تخدم فكره.

تخيل معايا:
ميسي، سواريز، نيمار، إنييستا، بوسكيتس…
إدارة مستقرة، ميزانية ضخمة، غرفة ملابس متعودة على الضغط، ولاعيبة قادرة تنفذ أي فكرة بأعلى جودة ممكنة.

النتيجة؟
تريبل من أول موسم.
9 بطولات في 3 سنين.
واحد من أعظم فرق برشلونة في التاريخ.

ودي الحقيقة اللي ناس كتير بتهرب منها:
كرة القدم مش فيلم بطل خارق.

حتى أعظم المدربين محتاجين أدوات مناسبة عشان ينجحوا.
جوارديولا نفسه محتاج لاعيبة من مستوى عالمي عشان يطبق أفكاره، وكلوب احتاج سنين وصرف واستقرار، وأنشيلوتي من غير غرفة ملابس قوية بيبان عادي جداً.

الفكرة إن جودة المدرب مهمة… أكيد.
لكن اللي بيحدد إذا كانت الفكرة هتعيش أو تموت هو السياق بالكامل:
الإدارة، الاستقرار، نوعية اللعيبة، والصبر.

أي حد بيحلل كرة من غير ما يفهم النقطة دي… يبقى بيتفرج على العناوين بس، مش على اللعبة نفسها.

#بعدـالفار




:::

اللقطة دي كانت في مباراة الذهاب بين الهلال و النصرالنصر كان أفضل في المباراة وبدأ بالتهديف عن طريق رونالدو و قدم شوط اول...
12/05/2026

اللقطة دي كانت في مباراة الذهاب بين الهلال و النصر

النصر كان أفضل في المباراة وبدأ بالتهديف عن طريق رونالدو و قدم شوط اول افضل.. في الشوط التاني الهلال حصل على ركلة جزاء مستحقة قدر يسجل منها التعادل

لكن حارس النصر و هو بيحاول يمسك الكورة عشان لاعيبة الهلال مستعجلة على اللعب قام لمس لاعب الهلال قام الحكم طرد الحارس!
كاميرا خاصة جابت اللقطة كويس ومكانش فيها اي اعتداء و الطرد كان ظالم

المباراة انقلبت و اصبح لصالح الهلال اللي كان متفوق عدديًا و قدر يسجل الهدف الثاني و الثالث و بعدها بنشوف رونالدو بيعمل الحركة دي و اللي بيعبر فيها عن الظلم..

النهارده هنشوف قمة بين النصر و الهلال.. النصر يكفيه الفوز او التعادل للاقتراب من اللقب و الهلال لا بديل له إلا الفوز

انا شخصيا بتبني فوز النصر عشان كريستيانو رونالدو يوقف المشككين 💛....بعد الفار 🖤💛

🚨 بول بوغبا عن كريستيانو رونالدو خلال أحلك فتراته :"عندما نزلت أخبار مشكلتي الأخيرة كان هاتفي ممتلئًا لمدة يومين... ثم ف...
10/05/2026

🚨 بول بوغبا عن كريستيانو رونالدو خلال أحلك فتراته :

"عندما نزلت أخبار مشكلتي الأخيرة كان هاتفي ممتلئًا لمدة يومين... ثم فجأة، الصمت. اختفى أشخاص اعتقدت أنهم إخوة. توقفوا عن الاتصال. الأصدقاء أصبحوا مشغولين

"لكن اسم واحد لم أتوقع أن أسمع منه هو كريستيانو.

لم يتصل بي للحديث عن كرة القدم أو التدريب أو العناوين الرئيسية. لقد سألني شيئا واحدا... كيف حال عائلتك؟ هل أنت بخير؟

"بعد أيام قليلة أخبرني، اتصل مرة أخرى "إذا كنت بحاجة إلى أي شيء لعائلتك، أو شفائك، أو حياتك اتصل بي. ولا تتردد

"في تلك اللحظة، لم أكن أتحدث مع كريستيانو رونالدو النجم... كنت أتحدث مع رجل يفهم الألم والضغط والوحدة. "

"لقد لعبت مع الأبطال من قبل... ولكن في الأوقات الصعبة، تكتشف من هم الحقيقيون.

رونالدو انا احبك

حجات متطلعش الا من أحسن لاعب في التاريخ فعلا ❤❤

مورينيو قبل كدا مع اليونايتد طرد بوجبا من التدريبات عشان كان فاتح التليفون امال لو دخل التدريبات بتاعت زريبة بيريز هيعمل...
10/05/2026

مورينيو قبل كدا مع اليونايتد طرد بوجبا من التدريبات عشان كان فاتح التليفون

امال لو دخل التدريبات بتاعت زريبة بيريز هيعمل ايه 👀....قاعد الفار 💛🖤

ريال مدريد جايب لاعيبه مدرب بلطجي بدل قمع للتدريب الي بيشتم ويسكت ده😅.... بعد الفار 💛🖤
10/05/2026

ريال مدريد جايب لاعيبه مدرب بلطجي بدل قمع للتدريب الي بيشتم ويسكت ده😅.... بعد الفار 💛🖤

بعد الفوز على الترجي.. النادي الإفريقي بطلًا للدوري التونسي لموسم 2025/26 للمرة الرابعة عشرة في تاريخه ولأول مرة منذ أح...
10/05/2026

بعد الفوز على الترجي..
النادي الإفريقي بطلًا للدوري التونسي لموسم 2025/26 للمرة الرابعة عشرة في تاريخه ولأول مرة منذ أحد عشر عامًا.

عاجل !!! تشابي الونسو ذهب للاعتناء بعجائز ميلان 🟥
10/05/2026

عاجل !!!
تشابي الونسو ذهب للاعتناء بعجائز ميلان 🟥

غيابات ريال مدريد المؤكد في الكلاسيكو ⬜️❌️.....بعد الفار 💛كيليان مبابي (بداعي عدم الجاهزية الكاملة)داني كارفاخالرودريجو ...
10/05/2026

غيابات ريال مدريد المؤكد في الكلاسيكو ⬜️❌️.....بعد الفار 💛

كيليان مبابي (بداعي عدم الجاهزية الكاملة)
داني كارفاخال
رودريجو جوس
أردا جولر
فيرلاند ميندي
إيدير ميليتاو
فيديريكو فالفيردي

وعوده افضل حارس في التاريخ البلجيكي تيبو كورتوا ✅️

10/05/2026

أهلًا بيكم في “بعد الفار” ⚽🔥
هنا هتلاقي:

أخبار
تشكيلات
تحليلات
ترندات
وآراء بدون مجاملات 😮‍💨

مستعدين 👀! تحبو نبدأ بأيه ؟⚽️💛

Address

Damietta

Website

Alerts

Be the first to know and let us send you an email when بعد الفار - Baad El Var posts news and promotions. Your email address will not be used for any other purpose, and you can unsubscribe at any time.

Shortcuts

Share

Category