19/02/2026
🌙✨ **كل سنة وأنتم طيبين بمناسبة حلول شهر رمضان المبارك** ✨🌙
ربنا يجعله شهر خير وبركة وصحة وقوة عليكم جميعًا 🤍🌟
🏊♂️ **ليه بتحس بهبوط لو نزلت تمرين بعد إفطار تقيل؟**
الآذان يأذن… 🕌📢
تفطر رز 🍚 وفراخ 🍗 وبشاميل 🥘…
وتنزل تمرين على طول! 🏊♂️💦
بعد شوية تحس بـ:
❌ تعب بدري 😓
❌ شد عضلي 🦵⚡
❌ دوخة أو هبوط 😵💫⬇️
طيب ليه ده بيحصل؟ 🤔
🔹 لما تاكل وجبة تقيلة 🍽️، جسمك بيبعت دم أكتر للمعدة 🩸➡️ عشان يهضم الأكل…
فطاقة العضلات 💪 بتقل وقت المجهود.
🔹 الأكل الكتير (خصوصًا النشويات 🍞🍝) بيرفع السكر بسرعة 📈، وبعدها ممكن ينزل بسرعة 📉…
وده يخليك تحس بضعف مفاجئ 😩
🔹 بعد يوم صيام 🌤️ جسمك بيكون محتاج مياه 🚰
ولو ما شربتش كويس قبل التمرين، التعب بيزيد 😮💨
وكمان السباحة 🏊♂️ أصعب بمعدة مليانة عشان:
✔️ جسمك بيبقى أفقي ↔️
✔️ فيه ضغط على بطنك 🤰
✔️ نفسك بيكون أسرع 😤
✅ تعمل إيه عشان تتجنب الهبوط؟
عندك حلين: 👇
1️⃣ هتتمرن بعد الإفطار بساعة أو أقل؟ ⏰
خليك في حاجة خفيفة زي:
تمر 🫘
موز 🍌
عصير طبيعي 🧃🍊
مياه كتير 💧💦
وكل وجبتك الكبيرة بعد التمرين 🍽️🔥
2️⃣ عايز تفطر كويس؟ 😋
استنى من ساعتين لـ 3 ساعات ⏳ على حسب مكونات الوجبه قبل ما تنزل تمرين 🏊♂️
🎯 **الخلاصة:**
المشكلة مش في الصيام 🌙
المشكلة في امتى تاكل ⏰ وبتاكل إيه 🍽️
ظبط التوقيت ⏰ وهتفرق جدًا في أدائك 💪🔥🏆
