Farida Fawzy - Family & Behavioral Consultant

Farida Fawzy - Family & Behavioral Consultant Contact information, map and directions, contact form, opening hours, services, ratings, photos, videos and announcements from Farida Fawzy - Family & Behavioral Consultant, Cairo.

مستشارة أسرية
أعمل على تمكين الأسر والمعلّمين من فهم احتياجات الأبناء، وتعزيز التواصل الصحي، وبناء عادات وسلوكيات إيجابية داخل المنزل والمدرسة.
كما أساعد الأطفال والمراهقين على اكتشاف ذاتهم، تطوير مهاراتهم، وتحديد مسارهم الشخصي والمهني بثقة ووعي. مستشارة أسرية ومهنية معتمدة تعمل على تمكين الأسر، المراهقين، والمعلّمين من بناء بيئة صحية داعمة تعزز النمو النفسي، السلوكي، والمهاري. بخبرة متخصصة في تنمية المهارات والسلوك للأطفال والمراهقين، ودعمهم في اكتشاف الذات وتحديد مسارهم الأكاديمي والمهني بثقة ووعي.

حاصلة على دبلومة تعديل السلوك من جامعة عين شمس، وكوتش في علم النفس الإيجابي، ومدرّبة معتمدة في التربية الإيجابية للآباء والمعلّمين، إلى جانب اعتماد دولي كمستشارة مهنية من NCDA – GCDF.

تمتلك مجموعة متكاملة من الشهادات الدولية من West College Scotland في:
• العلاج المعرفي السلوكي CBT
• مهارات الإرشاد النفسي Counselling Skills
• مقدمة في الكوتشنغ Introduction to Coaching
• رعاية الأطفال Child Care
• تنمية اللعب والتعلّم Play Development & Learning

تعمل على مساعدة الأسر والمربين على فهم احتياجات الأبناء وفهم جذور السلوك، وبناء تواصل صحي، ووضع عادات إيجابية داخل المنزل والمدرسة. كما تدعم الأطفال والمراهقين في تطوير مهاراتهم الحياتية، اتخاذ قرارات واعية، وتحديد اتجاهاتهم المهنية والأكاديمية من خلال منهجيات قائمة على علم النفس الإيجابي والتوجيه المهني المبني على العقلية Mindset Career Guidance.

رسالتي

أن أكون داعمًا حقيقيًا لكل أب، أم، ومعلّم يسعون لبناء جيل متوازن، واعٍ، وواثق… وجاهز لحياته ومستقبله.

سؤال محيّرني ومحتاجة أسمع رأيكم 👇المفروض إن كل حاجة بقت أسهل… طيب ليه حاسّين إن التربية بقت أصعب بكتير؟اكتبيلي رأيك في ا...
06/10/2026

سؤال محيّرني ومحتاجة أسمع رأيكم 👇
المفروض إن كل حاجة بقت أسهل… طيب ليه حاسّين إن التربية بقت أصعب بكتير؟

اكتبيلي رأيك في الكومنتس 🤍

📌 والإجابة في الفيديو الجديد من سلسلة التواصل، بكرة الساعة ٨ مساءً. استنّوني!

05/10/2026

وسط الشغل والبيت والهوم وورك، الموبايل بقى يقعد مع ولادنا أكتر مننا.
إحنا مش وحشين… إحنا مرهقين.

عشان كده عملت لكم سلسلة من ٨ فيديوهات، خطوة خطوة:
▫️ ليه التربية بقت أصعب دلوقتي؟
▫️ ١٠ دقايق في اليوم ممكن يغيّروا إيه؟
▫️ إزاي أسمع قبل ما أصلّح؟
▫️ أقول إيه وقت الغلط بدل "ليه عملت كده؟"
▫️ إزاي بنتي تحس إنها كفاية… من غير كلام؟

مش هنرجّع تربية زمان، هنرجّع وجودنا معاهم.

📌 فيديو جديد كل أسبوع.
اعملي Follow وSave عشان تكمّلي معايا.

04/10/2026
من المؤتمر العربي للتطوير المهني — الخبر 🇸🇦ثلاثة أيام. سؤال واحد بيتكرر بصيغ مختلفة: إحنا بنجهّز الشباب للاختيار، ولا بس...
03/10/2026

من المؤتمر العربي للتطوير المهني — الخبر 🇸🇦

ثلاثة أيام. سؤال واحد بيتكرر بصيغ مختلفة: إحنا بنجهّز الشباب للاختيار، ولا بس بنستناهم يختاروا؟


02/10/2026

الثقة بالنفس مش بتتهد من موقف واحد… ومش بتتبني من موقف واحد. ❤️

هي تفاصيل صغيرة بتتراكم مع الوقت؛
كلمة، نظرة، رد فعل وقت الغلط، والطريقة اللي بنشوف بيها أولادنا وهم لسه بيتعلموا.

ولو اكتشفتي إنك قلتي قبل كده بعض الكلام اللي في الفيديو؟
ده مش معناه إن الوقت فات.
كل يوم فيه فرصة إن طفلك يسمع منك رسالة مختلفة:

غلطك مش تعريفك.
أنا شايفة محاولتك.
أنا واثقة إنك تقدر تتعلم.

ومش لازم تبقى كامل علشان أكون فخورة بيك.
لأن الطفل مش محتاج أهل ما بيغلطوش…
محتاج أهل يقدروا يراجعوا نفسهم ويبنوا معاه صوت داخلي أرحم وأقوى.

💬 قولولي: إيه جملة نفسك ابنك يفضل يقولها لنفسه حتى وإنتِ مش موجودة جنبه؟ ❤️

30/09/2026

مش كل غلطة بنشوفها بحجمها الحقيقي… 👀
أحيانًا بنشوفها من خلال تجاربنا إحنا: اللي جرّبناه قبل كده بنبقى أكثر تفهّمًا ليه، واللي ما مرّيناش بيه ممكن رد فعلنا عليه يبقى أكبر.

بس حتى لو الطفل غلط فعلًا… هدفنا إيه؟
إنه يتعلّم ويتحمّل مسؤولية غلطته؟ ولا إننا نطلّع غضبنا عليه؟

تخيّلي ابنك شغّل الخلاط وهو مفتوح… والمطبخ كله اتبهدل! 🫣

🔸 ممكن نزعق، فيخاف من رد فعلنا وينشغل بالدفاع عن نفسه.
🔸 وممكن نوقف الخلاط، ونتعامل مع اللي حصل، ونخليه يشارك في إصلاح غلطته، وبعد ما نهدى نتكلم: إيه اللي حصل؟ وإزاي نتجنبه المرة الجاية؟

نفس الغلطة… لكن فرصة التعلّم مختلفة تمامًا.

إحنا مش هدفنا نربي طفل عمره ما يغلط…
هدفنا نربي إنسان يعرف يتصرف لما يغلط. ❤️

💬 لو محتاجة طريقة عملية تتعاملي بيها مع أخطاء ولادك من غير ما تتجاهلي الغلط ولا تنفعلي عليهم، اكتبيلي «خطوات» في الكومنت، وهشارك معاكي 4 خطوات تطبقيهم من أول لحظة لحد ما الموقف يخلص.

لو نفس “العند” ممكن يكون وراه 5 أسباب مختلفة… إنتِ عادةً بتشوفي أنهي واحد؟جاوبي على الـ6 مواقف واحسبي نتيجتك في الآخر. ...
28/09/2026

لو نفس “العند” ممكن يكون وراه 5 أسباب مختلفة… إنتِ عادةً بتشوفي أنهي واحد؟

جاوبي على الـ6 مواقف واحسبي نتيجتك في الآخر.

27/09/2026

التربية مش معادلة 1+1=2!

نفس الطفل ممكن يتصرف بطريقتين مختلفتين في نفس الموقف… ونفس الطريقة اللي نفعت معاه امبارح، ممكن ما تنفعش النهارده.

علشان كده، قبل ما نستعجل الحكم أو ندوّر على الحل، محتاجين نبص للصورة كاملة.

إيه اللي سبق الموقف؟
إمتى السلوك بيظهر؟
وإيه اللي ممكن نكون مش شايفينه؟

لأن فهم السلوك مش معناه تبريره، ولا إننا نسيب الحدود… لكنه بيساعدنا نختار الطريقة المناسبة، ونعلّم المهارة اللي فعلًا محتاجة تتبني.

مش كل «لأ» ليها نفس المعنى… ومش كل طفل محتاج نفس الاستجابة.

ودي كانت رحلتنا مع العند: نفهم قبل ما نحكم، ونساعد قبل ما ندخل في معركة. 🤍

قوليلي… إيه أكتر حاجة اتغيّرت في نظرتك للعند خلال السلسلة؟

⚠️ العند مش صوت واحد…
24/09/2026

⚠️ العند مش صوت واحد…

23/09/2026

في أطفال كلمة «لأ» عندهم حاضرة أسرع من أي رد تاني 😂

تطلبي منه يلبس… لأ.
يقفل الموبايل… لأ.
يبدأ واجبه… لأ.

وتلاقي نفسك في آخر اليوم حاسة إنك دخلتي عشرين معركة على حاجات بسيطة!

بس أوقات وسط كل الشد والجذب ده، بننسى إن الطفل لسه بيتعلم إزاي يعبّر عن رأيه، وإزاي يتعامل مع حاجة مش على مزاجه، وإزاي يتقبل إن مش كل اللي هو عايزه ينفع يحصل.

وإحنا كمان بنتعلم معاه… إمتى نتمسك بالحدود، وإمتى نسيب مساحة، وإمتى الموضوع كله مش مستاهل الخناقة دي. ❤️

وعلى فكرة، خلي بالك من كلمة «عنيد» لما تتحول من وصف لتصرف إلى تعريف للطفل نفسه.

في فرق بين إننا نقول: «ابني رافض يعمل حاجة دلوقتي»، وإننا نقول: «ابني عنيد ومفيش فايدة فيه».

الأولى بتوصف موقف نقدر نفهمه ونتعامل معاه… والتانية ممكن تتحول لصورة ثابتة الطفل يبدأ يشوف نفسه من خلالها.

خلينا نسمي السلوك، مش الطفل. ❤️

مش مطلوب إن كل موقف يعدّي بهدوء، ولا إننا نتصرف صح كل مرة.

بس يمكن لما نبطل نشوف كل «لأ» على إنها معركة، نبدأ نلاقي طرق تانية نتفاهم بيها.

💬 يلا كمّلوا معايا:

«ابني بيقول لأ أكتر وقت لما أطلب منه ______»

اكتبولي في الكومنتات، وخلينا نشوف المواقف اللي بتتكرر في بيوتنا ونفكر سوا نتعامل معاها إزاي. ❤️

Address

Cairo

Opening Hours

Monday 9am - 7pm
Tuesday 9am - 7pm
Wednesday 9am - 7pm
Thursday 9am - 7pm
Saturday 9am - 7pm
Sunday 9am - 7pm

Website

Alerts

Be the first to know and let us send you an email when Farida Fawzy - Family & Behavioral Consultant posts news and promotions. Your email address will not be used for any other purpose, and you can unsubscribe at any time.

Shortcuts

Share