https://www.facebook.com/466880303164338/

النسور الحمر الأهلي, القاهرة, Cairo (2026)

04/09/2026

النهارده الجمعه الـ301 على القاضية ممكن ❤️

03/09/2026

إلي متي يستمر العناد!!

اللي بيحصل في الأهلي مؤخرًا غير مقبول والأداء من مباراة للتانية بيزداد سوء والفريق بلا شكل وبلا حلول وبلا أي تطور واضح

والأكثر استفزازًا هو إصرار الحسين عموتة على نفس الأسماء مهما كان مستواها محمد هاني وطاهر وكوكا مستواهم زباله وانهم يلعبوا في النادي الأهلي لحد النهاردة دي كارثة ومش معقول كل ماتش يلعبوا أساسي وهما لاعيبة فاشلة

مفيش اسم المفروض يضمن مكانه لمجرد إنه موجود من سنين لما لاعب مستواه يقل يطلع بره التشكيل ولو استمر على ده يتباع

ولما لاعب ياخد فرص كفاية من غير مردود لازم المدرب يجرب غيره ويستبعده من خططه نهائي

لكن إننا نكرر نفس الاختيارات ونستنى نتيجة مختلفة ف ده اسمه عناد عموتة لازم يفهم إن الأهلي مش مكان للعناد

الجمهور مش مطلوب منه يفضل ساكت ويتفرج على نفس الأداء ونفس الأخطاء ونفس الأسماء كل مباراة

يا عموتة كفاية عناد غير وجرب وحاسب اللاعب على مستواه
لأن استمرار الوضع بالشكل ده معناه إن المسؤولية مش على اللاعبين وحدهم

المسؤولية الأولى على المدرب اللي شايف كل حاجة ومصمم ميغيرش حاجة ولو فضل مكمل في العناد ده مش هنكسب أي بطولة الموسم ده