https://www.facebook.com/408634119655266/

Amy Nagaty Fitness&Yoga Instructor, Cairo (2026)

كوتش فيتنس & يوجا 🧘‍♀️💪🏼 | مهندسة
برامج تدريب مخصصة حسب الهدف والإصابات
📍كلاسس فيتنس و يوجا في الستوديو بتاعي | 📲 متابعة أونلاين
📩 ابعتي رسالة للحجز أو التفاصيل

Fitness & Yoga Coach | Studio & Online
DM for bookings & collabs

26/08/2026

آخر الفيديو… أول يوم قابلت كويني 🐶🥹👉🏼

🐶 صورتها اللي في آخر الفيديو دي من ٨ سنين، يوم ما اخدتها لأول مرة 🥹🤍

كويني شخصيتها بالظبط زيي… بتحب الناس أوي، بتموت في الفرهده، وبتحب تاكل كتير صحي زيي 😂🐶🤍

كويني، My first baby girl…
ودلوقتي أنا حامل في another baby girl 🥹🤰🏻👶🏻🤍

والسنة دي احتفلنا بـ ٨ سنين سوا بطريقة مختلفة شوية، خصوصًا إن في حد جديد جاي ينضم لعيلتنا قريب 🥹🤍

وGRO بعتولها هدية عيد ميلادها 🎁🐶
هي أصلًا بتحب أكلهم أوي، وبقالها فترة بتاكل من البراند بتاعهم، وبتلحس طبقها للآخر 😂🤍

وبما إن الصحة أهم حاجة في حياتي، وصحة كويني مهمة ليا جدًا، بتأكد دايمًا إني أختارلها أكل يكون غني بالبروتين والكالسيوم والفيتامينات، وفيه كمان فيتامينات للمفاصل علشان نعرف نفرهد ونتمرن ونجري سوا، وفي نفس الوقت يكون طعمه حلو وهي بتحبه. 🐶🤍

علشان كدا اخترت ليها
GRO،
براند محلي ومعظم مكوناته مستوردة. 🤍 GroPetFood

متحمسة أوي لما كويني تقابل البيبي… تفتكروا هتعمل ايه؟ 🥹🤰🏻🐶🤍 #كلب

21/08/2026

الحمل من أكتر المشاعر اللي صعب تتوصف بالكلام… 🤰🏻🤍

إنك تحسي إن جواكي حياة صغيرة بتكبر كل يوم… وتتأثري لما تشوفي في السونار رجل وإيد، وتسمعي صوت النبض، وتلاقي نفسك بتدمعي من كتر المشاعر. 🥹

وفي نفس الوقت، جوايا قلق كبير…
داخلة مرحلة معرفش عنها أي حاجة خالص، وكل تفصيلة فيها بتعلّمها لأول مرة.

فرحانة إن عيلتنا هتكبر، وإن ربنا بعتلنا أجمل هدية متاكده انها بنوته هتعمل تغيير في حياه الحواليها و تكون ليها رساله🙏🏼… وفي نفس الوقت خايفة من مرحله معرفش عنها حاجه عارفه اني هخسر فيها جزء كبير من حريتي و من انجازي و دول حاجتين مهمين جدا ليا .

إزاي هبقى مسؤولة عن حياة حد صغير، وأنا طول عمري بجري من الصبح لبليل بين شغلي، تمريني، بيتي، جوزي، أهلي وتصويري… ودايمًا بحب أنجز في يوم اللي ممكن يتعمل في اسبوع؟و دايما بفرهد و مش بأنتخ خالص.

و بما إني بمرّن ستات بقالي ٩ سنين، عارفة إن المرحلة بعد الولادة ممكن تكون الاصعب نفسيًا، خصوصًا على الست اللي متعودة على حريتها وإنجازها.

فبحاول أمهّد نفسي من دلوقتي… أقرأ، وأسأل، وأتعلم، وأقبل إن حياتي هتتغير، وإن مش لازم كل حاجة تفضل منظمة ١٠٠٪، ولا لازم كل يوم أكون بنفس مستوى الإنجاز.

لكن في نفس الوقت، عندي حاجة واحدة مصممة عليها جدًا…

إني ما أخسرش نفسي. 🤍

يمكن آخد وقت عشان ألاقي روتيني الجديد، ويمكن حاجات كتير تتغير…
بس هفضل أحاول أكون الأم اللي منستش نفسها في رحله الامومه من تمرين و شغل و ناجحه في بيتها في نفس الوقت.

بي بما أخاف من كل اللي جاي، هفكر نفسي:

One step at a time, Amy. 🤍
You will find a way. 🙏🏼

ادعولي ربنا يكمل المرحلة دي على خير، ويعدّيني أنا والبيبي الفترة الجاية كلها على خير. 🤍🙏🏼

18/08/2026

Leg day في الشهر السابع من الحمل 🤰🏻💪🏻

التمرين ده ممكن يكون صعب جدًا حتى لحد مش حامل 🙈
بس أنا متعودة عليه من سنين وبعمله بسهولة، ومتفقه مع دكتوري إني أكمل تمرين طول ما أنا بعمله بسهولة وبتمرن التمارين اللي جسمي متعود عليها.

ومتفقين على ٣ قواعد:
أتمرن بأوزان مناسبة ليا ومن غير ما أحزق، من غير تنطيط، ومن غير أي رياضة ممكن تعرضني إن حد يخبطني في بطني. 🤰🏻

وطبعًا مع الحمل بعدّل الأوزان والحركات حسب اللي يناسبني، وبسمع لجسمي ولدكتوري. 🤍

وطبعًا كل حمل مختلف عن التاني، فلازم دايمًا ترجعي لطبيبك وتستشيريه وتاخدي منه الموافقة إنك تتمرني. ❤️

وعشان كده دايمًا بنصحك تبدأي تتمرني قبل الحمل.
القوة واللياقة اللي بتبنيهم قبل الحمل بيساعدوكي تكملي نشاطك بشكل أسهل خلال الحمل وبعد الولادة. 💪🏻🤍

قولولي برافو يا أمومة 🥰❤️

تابعوا بقية الرحلة معانا لحد ما نستقبل البيبي… 👶🏻🤍
واتمنولنا ربنا يكملها على خير 🙏🏼 #تمرين #رياضه #صحه #حمل #حامل

17/08/2026

لو عايزة تتمرني معانا أونلاين أو في الاستوديو 🤸🏻‍♀️🧘🏻‍♀️
اكتبي «خدوني معاكم» وهبعتلك كل التفاصيل 🤍 #فيتنس #يوجا #حمل

14/08/2026

أنا بنت وحيدة، معنديش إخوات، ومتعودة من وأنا صغيرة على حب واهتمام ودلع من بابايا مش طبيعي. 🤍

فدايمًا كنت بقول: لو ملقتش نفس الحب والاهتمام والمعاملة دي، مش عايزة أتجوز أحسن.
وعودت نفسي إني أبقى سعيدة لوحدي، ومش محتاجة أتجوز لمجرد إني ما أبقاش لوحدي.

لحد ما لقيت الشخص اللي يستاهل إني أسيب بيت أهلي ودلعهم عشانه. 🥰🤍

وعشان كده بقولك: أوعي، أوعي تقللي من معاييرك عشان ده «أحسن الموجودين»، أو عشان المجتمع بيضغط عليكي وبيقولك «اتجوزي أحسن ما تفضلي لوحدك»، أو عشان خايفة إنك مش هتلاقي اللي في دماغك.

بجد، إنك تعيشي لوحدك أحسن بكتير من علاقة فاشلة تفضلي تشحتي فيها الحب والاهتمام، وتنامي كل يوم وإنتِ معيطّة.

طوري من نفسك، خلي شخصيتك حلوة، واعرفي فعلًا إنتِ تستاهلي إيه…
واستني الشخص اللي يقدّر ده كله. 🤍

NEVER SETTLE FOR LESS. 👑 #الحُب #الزواج #صحه

10/08/2026

7 Months Pregnant in Sahel 🤰🏻🏖️☀️ Mummy Amy to be🥰
How fast did these 7 months fly by? 🥹🤍

Address

Cairo

Telephone

+201272666702

Website

facebook.com

Alerts

Be the first to know and let us send you an email when Amy Nagaty Fitness&Yoga Instructor posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Amy Nagaty Fitness&Yoga Instructor:

Amy Nagaty Fitness&Yoga Instructor