09/07/2026
الواحد كان بقاله فتره طويله مشافش لاعب مصري بيجسد حكايه شعب بحاله لحد ما ظهر مصطفي زيكو !
الراجل ده انا شوفت منه سلوكيات في كاس العالم قدرت تثبتلي انه مقدر معني معاناته في الدنيا ، شاب بسيط بيشتغل في محل احذيه ميعرفش مستقبله في الكورة شكله ايه لان مئات غيره الفرصه راحت عليهم لحساب ابناء العاملين !
لحد ما الحكايه نورت شويه ، اخيرا بيتقبل في نادي جمهوريه شبين ، بس اخرتها ايه يعني ، يوم ما هسعي هوصل للدوري الممتاز ، كاس عالم ايه اللي بتتكلموا عليه و انا 29 سنة و عمري ما انضميت لمنتخب مصر قبل كدة ، ف تحصل المعجزه و حسام حسن يدي فرصه للمهمشين اللي مدركين قيمه المجهود اللي زي زيكو !
فالحكاية تنور اكتر ، هدف في روسيا ثم هدف في البرازيل ثم هدف الانقاذ امام نيوزيلندا ، بعدها يلعب مهاجم امام الارجنتين و يعمل اكتر محاولات ضغط ، بعدها يرجع ظهير ايسر في اخر نقطه من الملعب ف يعمل سبرينت لحد اخر الملعب و يسجل هدف ، طب اتلغي و مجهودك راح ، عادي هعمل نفس السبرينت بعدها ب 8 دقائق و هسجل هدف كمان ، انت متعرفش انا عافرت قد ايه في حياتي عشان اوصل ل اللحظة دي ، مش عايزني اعافر في سبرينت كمان !
من محل احذيه الي تاني هداف تاريخي ل مصر في كاس العالم ، عمرها ما كانت صدفه ، دايما بالعرق و المجهود ، زيكو الشاب البسيط اللي مننا وصل و عايش تاريخ دلوقتي 🇪🇬❤️
