04/03/2019
إهتمي بنفسك، ...من أول الشكل الخارجى ، و مظهرك ، لحد جسمك و صحتك لحد الطبقه الداخليه الأهم ، "نفسيّتك"
إهتمي بنفسيّتك 🌿🌳
معلقة العسل قبل الفطار و الشوفان والتفاح الاخضر و شرب المياه كتير ، الخضروات و البروتينات النباتيه ،و الأعشاب بدل الكافيين و البعد عن الدهون المشبعه و العشا لأ
نقول تانى ( العشا، لأ)
إلعبي رياضه ، أى رياضه ، cardio , weights, crossfit , أى رياضه ، إجري ، إمشي ، أو حتى ارقصي
المهم اتحركي طول الوقت 🏃🧘🧗
إحترمي جسمك و خليه جميل و متعتمديش انه متخبي تحت الهدوم
و البسي لبس حلو ، مش ضرورى يكون غالى المهم يكون نضيف و مكوِى، مش ضرورى يكون آخر موضه المهم يكون لايق عليكي و مبسوطه بيه 😋♥️
حبّي الالوان و حسّي بيها و بصٌّي ف المرايات ب سعاده وقولي لنفسك انك جميله وتستاهلي كل حاجه جميله في الدنيا 😊😍
اهتمي كمان بقلبك ، من جوّا ، هوَّني على نفسك الحزن و الغضب و الخوف و سيبيها على الله ،.. الله كبير 🌿
متحطيش مفاتيح سعادتك ف إيد حد ، و متستنيش أى خطوه من حد
اهتمي بشغلك ، اشتغلي عشان تعمل حاجه مفيده و عشان الفلوس مهمه و بتنفع ، و عشان متحتاجيش لحد
اهتمي بالناس اللى بتحبك بجد و اللى بتحبيهم بجد ، اهتمي بالناس اللى بيقفو جنبك و اللى بيحسسوكي بحاجات حلوه 👯👭
اهتمي ب علاقتك بربنا عشان هي الأساس ♥️
اهتمي بنفسك و نفسيتك لأن محدش هيهتم لو انتي نفسك مش مهتمه :)
أدى لنفسك حقها وقدريها وحبيها.. هتلاقي العالم كله بيغني معاكي وبيرد عليكي بالمثل 🌴🌸♥️
