11/06/2026
جمهور الاهلي العظيم، اسعدالله اوقاتكم💖🦅
جايبلك كل الأخبار اللي تخص الأهلى ومنتخب مصر، من امبارح لحد النهاردة و مجمعهالك في بوست واحد عشان خاطرك انت..
يلا صل على النبيﷺ.. وحط الااااف الحلو بصباعك الجميل وتعالى خد شوية الأخبار دي عل السريع 👇❤️
▪️🚨الأهلي سيقوم بعرض مدافع جزائري على حسين عموتة وفي حالة موافقة المدرب، سيقدم الأهلي عرض لنادي اتحاد العاصمة الجزائري✅️
▪️🚨مصدر بالأهلي.. عقدت جلسة جمعت ايمن الشريعي رئيس انبي وعصام سراج الدين رئيس قطاع التعاقدات بالنادي الأهلي، من أجل التفاوض على ثلاثي انبي " حامد عبدالله ، علي محمود ، أقطاي "
— أيمن الشريعي تحدث في ارقام و فلوس الصفقة ، و ستكون هناك جلسة أخرى بعد عرض السعر على مسؤولي النادي الأهلي.✅️
▪️🚨خريطة التعاقدات المبدئية التي وضعتها الأسكاوتنج وعصام سراج بالنادي الأهلي.. لاعب وسط مدافع مصري " أكرم توفيق - أدهم حامد ".
— لاعب وسط مهاجم مركز 8 مصري " علي محمود + بالإضافة لعوده كباكا - إعادة كريم الدبيس في مركز الظهير الأيسر..
- مهاجم مصري " أقطاي عبدالله"
- مهاجم فلسطيني " أسد الحملاوي علي رأس الترشيح ".
- مهاجم أجنبي " أسماء كثيره قيد الدراسة ".✅️
▪️🚨رسميًا - برشلونة فعّل بند الشراء لـ حمزة عبدالكريم مقابل 1.5 مليون يورو تُدفع على دفعتين... وامتيازات وحوافز مستقبلية تتراوح بين 3 إلى 5 ملايين يورو بناءً على مشاركة وأهداف اللاعب مع الفريق الأول والرديف + نسبة 15% من قيمة إعادة بيع اللاعب مستقبلاً..
— إذا شارك حمزة عبد الكريم في كأس العالم فسيحطم الرقم القياسي المسجل باسم بلال الخنوس ويصبح أصغر لاعب عربي بالتاريخ يشارك في المونديال.✅️
▪️🚨حمزة عبد الكريم يشارك في حفل تخرجه من المدرسة الأمريكية الدولية عبر الإنترنت✅️
▪️🚨حالة الانقسام الجماهيري على حسام البدري تسبب في تراجع إدارة الأهلي عن التفاوض معه✅️
▪️🚨أحمد شوبير🎙.. عندي احساس ان موضوع تجديد حسين الشحات للأهلي هيحصل فيه انفراجة، انا كنت اتكلمت مع حسين الشحات من اربع ايام مكانش مبسوط اوي لكن اعتقد ان الموضوع هتختلف مع دخول وائل جمعة في القصة ومع قدوم عموتة اللي معروف عنه انه بيحب اللعيبة اللي عندها خبرات.✅️
▪️🚨طارق مصطفى عن حسين عموتة: أنا لعبت ضده في الدوري المغربي.. هو شخصية محترمة وقوية، وبيصمم على حاجات كتير جدًا بتنجّحه في شغله. هو من المدربين اللي بيغيّروا طريقة اللعب أكتر من مرة في الماتش، وبيعرف يدافع كويس تحت الكرة، واللاعيبة كانت بتلتزم بالتعليمات اللي بيقولها. ولما مسك منتخب الأردن كان ماشي بيهم بشكل كويس، وحتى لما درب الجيش أو الوداد، أسلوب لعبه ماكانش بيتغير. حازم في قراراته، والشخصية دي مهمة جدًا في أوضة اللبس. بتمنى له التوفيق مع الأهلي، وهو من المدربين اللي كنت بتمنى أشوفهم في الدوري المصري، زي ما إحنا كمدربين مصريين دربنا في المغرب قبل كده.✅️
▪️🚨الأهلي يودع أليو ديانج رسميًا. قبل الانتقال لفالنسيا..
— خاض أليو ديانج مسيرة مميزة بقميص الأهلي، شارك خلالها في 250 مباراة بمختلف البطولات
وتُوّج مع الفريق بـ 16 بطولة..
4 دوري أبطال أفريقيا. 4 السوبر المصري.. 3 الدوري الممتاز 2 السوبر الأفريقي.. 3 كأس مصر
— كما حقق الميدالية البرونزية في كأس العالم للأندية 3 مرات..
— ديانج : أود أن أشكر كل من ينتمي إلى هذا النادي: المسؤولين، زملائي، الجماهير، وكل العاملين داخل النادي. شكرًا لكم من كل قلبي، هذه عائلتي وستظل كذلك. لا شيء يُقال أكثر من ذلك، فقد كانت فرحة حقيقية بالنسبة لي أن أتواجد هنا وأرتدي قميص الأهلي، وإذا عدنا إلى الوراء وطُلب مني أن أختار من جديد، فسأختار نفس الاختيار مجددًا دون تردد.✅️
▪️🚨إبراهيم فايق: برنامجنا برعاية موسم الرياض، وأي أخبار لها علاقة بموسم الرياض أو الاستضافات الرياضية سنكون من أوائل من يعلنون عنها، والواحد مستغرب من الكم الكبير من الأخبار المغلوطة المتداولة، والتي تتحدث عن بطولة تضم عددًا من الأندية بجائزة تصل إلى 10 ملايين دولار، هذا الأمر غير حقيقي تمامًا، وليس له أي أساس من الصحة، ولم يُطرح من الأساس.✅️
▪️🚨مهيب عبدالهادي : أنا مشوفتش حاجة لحمزة عبدالكريم.. جاب جول في ماتشات رديف؟ إيه القصة؟ ما هي الحكاية؟ مين اللي قاصد يحط الضجة دي كلها عليه؟ـ وبعدين أنا بقيت مش عارف أخبار منتخب مصر، بقينا نعرف أخبار حمزة عبدالكريم بس..
— قناة MBC تقرر حذف فيديوهات هجوم مهيب عبدالهادي على حمزة عبدالكريم من على جميع منصاتها✅️
▪️🚨أحمد عز: بعض الزملكاوية بقوا مستنين ان حمزة ينزل يلعب وحش عشان يقولوا شفتوا كان لازم مصطفى محمد يكون موجود، ابعد حمزة عن الخناقة بتاعة الاهلي والزمالك، احنا النجم اللي اكتشفناه في ماتش اسبانيا كان اسلام عيسى 29 سنة والنجم اللي اكتشفناه في ماتش كان زيكو البرازيل 29 سنة، احنا مبنعرفش نكتشف لعيبة، ربنا كرم ان فيه ناس تانية برا عنيها جابت حمزة عبدالكريم واكتشفوه فسيبوه بقى يتنفس يعنى لا هنرحم ولا هنرضى برحمة ربنا.✅️
▪️🚨إتحاد الكرة يستقر على دعوة الأهلي للمشاركة في السوبر المصري عن طريق الكارت الذهبي✅️
▪️🚨زي النهاردة يوم ١١يونيو ٢٠٢٣.. توج الأهلي. بلقب دوري الأبطال للمره ال11 في تاريخه. على حساب الوداد المغربي. في قلب كازبلانكا. في المغرب ✅️
▪️🚨وزارة الصحة توصي النادي الأهلي بعدم سفر بعثة فريق اليد إلى الكونغو الديمقراطية بسبب مخاوف الإصابة بفيروس إيبولا.
▪️🚨رسميًا.. حكمنا المصري أمين محمد يدير مباراة كوريا الجنوبية ضد التشيك 🇪🇬✅️
▪️🚨تحية متبادلة بين اللاعبين والجماهير المصرية التي حضرت مران منتخب مصر.. استعدادا لمواجهة بلجيكا يوم الإثنين المقبل 10م🇪🇬✅️
▪️🚨منتخب مصر.. سفير البهجة أينما ذهب.. ضابط الشرطة الأمريكي إيريك يلتقط صورًا تذكارية مع لاعبي منتخب مصر✅️
▪️🚨وفقا للصحفي البلجيكي ساشا : اصابه دوكو خفيفه ويشارك ف مباره مصر وبلچيكا✅️
محمد ناجي جدو : كابتن حسن شحاتة ليه فضل بعد ربنا ان انا قاعد وسطكوا النهاردة، راجل حـ ـارب عليا وآمن بيا في وقت فيه ناس كتير شككت، انا بشكره وبدعيله بالصحة ويفضل موجود في وسطنا بخير وسلامة وصحة ان شاء الله✅️
▪️🚨مراسل أون سبورت: ليس محمد صلاح فقط من يتواجد بجانب حمزة عبد الكريم، بل جميع اللاعبين وأفراد الجهاز الفني ملتفون حوله. حمزة يمتلك عقلية رائعة جدًا رغم صغر سنه، وأمامنا لاعب بعقلية احترافية سنراه في مكانة كبيرة جدًا مستقبلًا، لأنه يعرف هدفه جيدًا ويعرف ماذا يريد✅️
▪️🚨يوم الأحد 14 يونيو، يتحدث حسام حسن للإعلام حول العالم رفقة أحد لاعبي المنتخب قبل مواجهة بلجيكا✅️
▪️🚨مراسل mbc المرافق لبعثة منتخب مصر في امريكا: الكابتن حسام حسن حريص ان يوميا يكون فيه جلسة مخصوص مع حمزة عبدالكريم عشان يتكلم معاه، حمزة بيشغل جزء كبير من تفكير حسام حسن لانه عارف الضغط اللي محطوط عليه، والنهاردة حصلت جلسة بينهم لاكتر من نص ساعة بعد خبر تفعيل برشلونة لبند الشراء وبالتاكيد كان بيحفزه وبيباركله وبيديله نصايح وتعليمات.✅️
▪️🚨كارلو أنشيلوتي، أرسل هدايا إلى التوأم حسام وإبراهيم حسن، من بينها قميص منتخب البرازيل، تقديرًا لهما باعتبارهما أسطورتين.✅️
▪️🚨لا أيام متبقية.. اليوم ينطلق كأس العالم2026. المباراه الافتتاحية.. جنوب أفريقيا والمكسيك 10 مساء.. مذاعة عبر بين سبورت المفتوحة والجزائريه الأرضية..
—تردد بين سبورت. 12188 / أفقي.
— الأولى الجزائرية: 11680/H
الشفره11 00 00 11 00 00 00 00..
— وإليكم جدول ومواعيد مباريات الجولة الأولى، كامله كما موضح بالصورة. ♥️✅️
▪️🚨السؤال الأكثر تداولًا حاليًا: ما هي المباريات التي ستُعرض مجانًا على بي إن المفتوحة؟المعروف حتى الآن: مباراة الافتتاح والنهائي. حتى هذه اللحظة، القناة لم تعلن رسميًا عن قائمة الـ40 مباراة التي ستُذاع مجانًا، وغالبًا بيتم الإعلان عن المباراة المفتوحة قبلها بوقت قليل فقط...
كذلك لم يتم الإعلان حتى الآن عن إذاعة مباريات المنتخبات العربية ضمن المباريات المجانية..
— يعني أي كلام يتداول الأن غير صحيح✍️✅️
▪️🚨جوائز الفيفا في مونديال 2026 : أحسن لاعب في البطولة.. هداف البطولة.. افضل حارس في البطولة✅️
▪️🚨الحكم عمر ارتان في أول تصريح بعد وصوله الصومال:أعدكم أنني سأكون حاضرًا في النسخة المقبلة إن شاء الله، رغم ما حدث ما زلت متفائلًا وأركز على التحديات المقبلة في مسيرتي التحكيمية✅️
▪️🚨صحيفة ماركا الاسبانية:بعد تحذير منتخب سويسرا من وجود ثعابين بالقرب من معسكره في كأس العالم..
تلقى منتخب النرويج تنبيهات مشابهة بضرورة الحذر من الثعابين والزواحف والحيوانات البرية في محيط معسكره!✅️
▪️🚨في بيان رسمي.. برشلونة تعلن ترشحها لاستضافة نهائي دوري الأبطال 2029✅️
لو وصلت للآخر مستني اي بقا
🔴اعمل شير و لايك عشان الأخبار دي توصل للغلابة اللي شبهنا،
ومتقلقش الأخبار كلها صحيحة 100%💯✅
🔴 ربنا يعلم انا بتعب اد ايه في كتابة البوست دا ، فالتفاعل الحلو بتاعك علشان الاخبار توصل لكل الاهلاوية وان شاء الله كل يوم من دا🦅❤️
🔴 والأهم عندى من الشير أنك تصلى على النبى وتقولي ايه رأيك في الاخبار وتدعيلي دعوة حلوة كده من قلبك ♥️
🚨ومتنساش تبص علي الأخبار الكتير اللي في الاستورى ✌️
✍️ محمود وادي
