05/10/2026
خالد بيومى طلع مسك حسام حسن غـ ـسله بعد ماتش جنوب أفريقيا وقاله انت النهاردة بتدفع ثمن ظلم المهدي سليمان وظلمك للعيبة كانت تستحق التواجد فى المنتخب.
خالد بيومي انتقد بشكل واضح تعامل حسام حسن مع حراسة مرمى المنتخب، وقال إن الطبيعي طالما فيه حارس أول وحارس تاني، والحارس اللي تم الاعتماد عليه في المباريات الرسمية هو مصطفى شوبير، يبقى في المباريات الودية لازم المهدي سليمان ياخد فرصته ويحرس مرمى المنتخب.
لكن اللي حصل إن المهدي سليمان متاخدش فرصته، وده ممكن يأثر عليه نفسيًا قبل مباراة القمة، خصوصًا إنه بيقدم مستويات قوية مع ناديه في الدوري.
وفي المقابل، الحارس اللي شارك في المباراة ارتكب خطأ كلف المنتخب هدف، وخسرنا مباراة في الأجندة الدولية، وده ممكن يأثر على تصنيف المنتخب.
وبعدها فتح خالد بيومي ملف تاني، وقال إن حسام حسن كل شوية يدخل المنتخب في أزمة جديدة، مرة مع أحمد حجازي، ومرة مع مصطفى محمد، ومرة مع الشناوي، ومرة مع محمد صلاح.
وقال بمنتهى الوضوح: هو مفيش ماتش نخسره من غير ما تحصل مشكلة؟ كل مرة بعد المباراة بنتكلم عن الحكم، وننسى نتكلم عن مستوى المنتخب نفسه، وإن الفريق مفيش عنده شكل واضح أو أفكار كروية حقيقية.
وواصل انتقاده لحسام حسن بسبب اعتراضاته المستمرة، وقال: دي مباراة ودية، إيه لازمة كل الاعتراضات والمشاكل؟ هو لو كسبت هتاخد كأس العالم؟
وعندك 90 دقيقة غير الوقت بدل الضائع، والمشكلة إن المنتخب مش قادر يعمل هجمة منظمة واحدة على جنوب أفريقيا.
المنتخب ظهر من غير شكل ومن غير أداء مقنع، ولو المباراة استمرت أسبوعين بالشكل ده، مكنتش هتقدر تسجل هدف.
وفي النهاية، المشكلة مش في الحكم ولا في تضييع الوقت.. المشكلة الأساسية إن المنتخب نفسه مفيش عنده شكل واضح، وكل مرة بنعمل مشكلة حوالين المباراة علشان نتكلم عنها وننسى نتكلم عن الكورة والمستوى الحقيقي للمنتخب.
👇 الفيديو ف اول كومنت خش اتفرج ومتنساش تتابعنى هناك وتكتب كومنت ف الفيديو ولايك 👇👇
