08/12/2021
Ahmed
بمناسبة ذكرى نهائى الكونفدرالية حابين نفكركم بموقف عظيم قدمه احمد عادل للفريق اليوم ده و لولاه مكناش قدرنا نحقق اللقب ..الاهلي وصل لنهائي الكونفدرالية بقائمة فيها 16 لاعب فقط من ضمنهم حارس مرمى وحيد "احمد عادل عبدالمنعم"
احمد عادل لعب ماتش النهائي مصاب - و بين الشوطين "جاريدو" كان بيفكر ينزل اي لاعب ع الدكة مكانه "مش شرط حارس مرمى" - لكن "احمد عادل" رفض و أصر أنه يلعب و يستفيد بالتبديل دا في أي مركز تاني
احمد عادل كان ليه كاميرا مخصصة ورا الشبكة كانت بتجيبه و هو غصب عنه قاعد على الأرض طول ما الكورة بعيد عن مرماه و اول ما تتقطع يقوم على طول
التشخيص الطبي لإصابة "احمد عادل" بعد الماتش أثبت أن الاصابة تضاعفت نتيجة أنه اتحامل على رجله وهو مصاب و احتاج لـ 6 شهور علشان يقدر يمارس التمارين بشكل طبيعي
- احمد عادل عمل ماتش عمره في نهائي الكونفدرالية يقدر يكسب بيه احترام اي حد مجرد ذكر إسمه في أي وقت .. ❤
