04/06/2026
أكبر غلطة بتحصل على المشاية كل يوم في الجيم
ترفع الـ Incline على 12، ماسك المقابض بإيديك الاتنين، والشاشة كاتبة 500 كالوري؟!
للأسف الرقم ده أكبر من الحقيقة.
لما تمسك المقابض وتسند عليها جزء من وزن جسمك بيتنقل للمشاية بدل ما عضلات رجلك والجذع تشيله بالكامل.
المجهود الميكانيكي المطلوب من جسمك بيقل، ومعدل استهلاك الطاقة الفعلي بيبقى أقل مقارنة بالمشي بنفس السرعة والميل من غير ماتمسك المقبض.
المشكلة إن المشاية بتحسب السعرات من الوزن والسرعة والميل، لكنها ما تعرفش إذا كنت ماشي بحرية ولا متشعلق في المقابض. عشان كده الرقم المعروض بيبالغ في تقدير الحرق عند بعض الناس.
كمان تثبيت الإيدين بيغيّر نمط المشي الطبيعي، ويقلل مشاركة عضلات مسؤولة عن التوازن وتثبيت الجذع، فالحركة تبقى أسهل مما يفترضه الجهاز.
✅ القاعدة البسيطة:لو محتاج تمسك المقابض باستمرار عشان تعرف تكمل، فغالبًا السرعة أو الميل أعلى من مستواك الحالي.
انزل درجة أو درجتين في الميل، أو قلل السرعة، وامشِ بوضع طبيعي قدر الإمكان.
200 كالوري بمجهود حقيقي أفضل من 500 كالوري على الشاشة وجسمك شغال بنصف المطلوب.
شير وفيد غيرك🌹
📩 للاشتراك في المتابعة الاونلاين ابعتلي رسالة
