Life Coach - Suzan Diab

17/08/2026

في مرحلة متقدمه من النضح الأمور التي كانت بتزعجك هاتختلف ومش هاتنزعج منها
والطرق التي كنت شايفها طويلة هاتتعلم إختصارها
وحكمة الأيام هاتعلمك أنه مش مهم عدد اللي حواليك
بقدر عدد الصادقين منهم
وإن شخص واحد ممكن يعادل ألف
هاتعرف بالأيام قيمة حاجات كنت بتستهزأ بيها
وهاتصغر في عينك حاجات كنت شايفها عظيمة.

26/07/2026

في حاجة كده لو فعلتها في حياتك هاتبقي نعمة كبيرة
أسمها (خارج المنافسة )
لانك لما تعيش من غير مقارنة
مش هايهمك تملك اكتر من حد
ولا انك تبقي أجمل
ولا أنك تظهر أسعد من غيرك
باختصار هاتعيش ببساطة وصدق
حياتك هاتبقي أنقي وقلبك هايبقي أهدي وأجمل....

23/07/2026

خليك واثق أن زي ما العطاء خير فالمنع كمان خير بس يمكن تكون لسه مافهمتش حكمته

(ماودعك ربك وماقلي)

ماتقولش ربنا سابني أو مابيحبنيش ولا تفتكر كل تأخير أو منع عقاب

اللي بيشوف النتيجة دليل علي المحبة
هايسئ الظن بالله كلما تأخر الحصاد ....

28/06/2026

ناس كتير مابتهتمش بالحقايق بالعكس بتتجنبها
بيهتموا بس بالقصص اللي بتاكد شكوكهم ومخاوفهم
لان الحقيقة بتبقي عقبة في طريق الدراما اللي بيحبوها
وبتهدم القصة اللي اتعودوا يصدقوها عن نفسهم أو عن الاخرين....

25/06/2026

لما وقف سيدنا موسى أمامه البحر، وخلفه فرعون وجنوده، كان المشهد وكأنها النهاية قربت

قال أصحاب موسى: "إنا لمدركون".
لكن يقين موسى وثقته بالله شيء مختلفً
"كلا إن معي ربي سيهدين".

كم مرة ظنيت أن الأمر انتهى؟ كم مرة خفت من المستقبل؟ كم مرة حسيت أن الحمل أكبر من طاقتك؟
و اكتشفت أن ربنا كان بيدبر لك أمرك من حيث لا تدري
عاشوراء رسالة لكل قلب مثقل:
مش مطلوب منك تعرف كيفية الفرج، لكن تثق أن الله قادر أن يأتي بيه.
فاذا ضاقت بك الأيام، وتعثرت بك الطرق، فردد بقلب مؤمن:
"إن معي ربي سيهدين."
فرب البحر الذي شقه لموسى، قادر أن يشق لك طريقً بين كل ما تظنه مستحيلً
عاشوراء...
يوم يعلّمنا أن قدرة الله تبدأ حيث تنتهي حسابات البشر. 🤍

23/05/2026

أحنا في أيام التطهير والشفاء فاستغلها

لما اتعلق قلب ابراهيم بابنه جاء الامر بالذبح
وكان اختبار كببير وعظيم نجح ابراهيم في الاختبار و تخلي
ونجح اسماعيل في الاختبار وسلم امره لله
(فلما أسلما وتله للجبين).
فاستغل هذه الايام العظيمة وتخلي عن كل شيء متقل روحك ومستنزفها
اتخلص من خوفك وتعلقك باي شيء وسلم امرك لله بيقين كل شيء اتعلقت بيه وزعلان أو خايف تحرره وتتخلي ربنا هايعيده ليك أفضل وأجمل بكتير...

(وفديناه بذبح عظيم).

18/05/2026

انتظروني بكره 3ونص م مباشر علي راديو ستار fm🎙 مع الجميلة إسراء أحمد وبرنامج جوازة توكسيك وكلام مهم جدا عن العلاقات واختيار شريك الحياة منتظراكم تشاركونا اراءكم علي الهوا ❤❤

استنونا في حلقة جديدة من برنامج 💗
😍 🎬🎙
إعداد وتقديم : إسراء احمد
وضيف الحلقة دكتوره سوزان دياب
استشارى الصحه النفسيه
اخصائى الارشاد النفسى والاسرى 🍁وسوال الحلقه
ايه اكتر الافكار اللي متوارثه في موضوع الجواز واختيار العريس والعروسه ؟؟
يوم الثلاثاء الساعه 4 م
مستنيين تعليقاتكم ومشاركتكم

📸📻👨‍🎤 RADIO STAR FM 📻

08/05/2026

العلاقات الناجحة مش صدفة…
دي حصاد ناس قررت تكمل رغم التعب، وتفهم بدل ما تحكم، وتصلح بدل ما تهرب.
العلاقة اللي بتعيش وتكبر مش اللي مفيهاش مشاكل
لكن اللي فيها ناس بتحاول.

المحاولة في العلاقة مش ضعف لما بتكون متبادلة شايلها اتنين عندهم نفس الاصرار علي يبنوا ويصلحوا اخطائهم

كل علاقة سوية كملت… غالبًا كان وراها ناس ما استسلمتش بدري

لأن العلاقات السوية والصحية هي حصاد المحاولين...

02/05/2026

الغايات بتكشف رقي الإنسان لكن، الوسائل بتكشف معدنه....