مي القاضي Mai Alkady

18/10/2026

لا تكن سبباً في جعل أحدهم أن يقتنع أن الخير و الحب و الفطرة ماتت في قلوب الناس ......

18/10/2026

النهاردة ان شاء الله هكون ضيفة برنامج " اهلا بالستات " على قناة MBC مصر الساعة ٢ ….
أتمنى لكم مشاهدة مفيدة و ممتعة 😊

مي القاضي.. الكاتبة ومدربة المهارات الحياتية

مجاناً على MBC شاهد
برنامج يعرض من الأحد - الخميس الساعة 2 ظهراً بتوقيت القاهرة على
لمتابعة البث المباشر
https://www.shahid.net/mbcmasr

15/10/2026

🤍 عمرة ديسمبر مع كورال أون

رحلة إيمانية تجمع بين السكينة والراحة، لتعيشوا أجمل اللحظات في رحاب مكة المكرمة والمدينة المنورة.

اجعلوا ديسمبر بداية لرحلة أقرب إلى القلب… مع كورال أون للسياحة.

📞 للحجز والاستفسار:
010 00 19 03 01

كورال أون… خليك في الرحلة، وإحنا علينا التفاصيل.

14/10/2026

في الأيام اللي ولادي بيكونوا فيها عنيدين أو متمسكين برأيهم بشكل كبير ، بحب أفكّر نفسي إني مش بربّي للموقف اللي أنا فيه دلوقتي … أنا بربّي للمستقبل.

أنا مش بربّي عشان يكون عندي طفل مطيع النهارده ، بيتصرف بالضبط بالطريقة اللي أنا عايزاها .

أنا بربّي عشان يكون عندي إنسان كبير ، سوي نفسيًا ، واثق في نفسه ، وعنده رأي و شغف وإرادة يقدر يسعى بيهم في الحياة.

إن اليوم يكون صعب ، مش معناه إني أم فاشلة ، ولا إن ولادي مش أطفال كويسين وطيبين وحنينين .

ده معناه ببساطة إن النهارده يوم صعب …

وإن الطريقة اللي هختار أتعامل بيها مع صعوبة اليوم ده ، هي اللي هتعلّمهم إزاي يتعاملوا مع الأيام الصعبة في حياتهم لما يكبروا .

أنا مش بربّي طفل يريحني النهارده… أنا بربّي إنسان يعرف يتعامل مع الحياة بكرة. ❤️

و مش بربّي ولادي عشان يرضوني بس … أنا بربّيهم عشان يعرفوا يعيشوا الحياة في الأيام اللي مش هكون موجودة فيها أقولهم يعملوا إيه . ❤️

13/10/2026

كلمتين نفسي أقولهم لأي حد بجد …

حاولوا دايمًا تكونوا واضحين مع الناس اللي حواليكم، بلاش تسيبوا حد محتار في مكانته عندكم، ولا تخلّوا حد يفضل يحلل تصرفاتكم عشان يفهم هو غالي عندكم ولا لأ.

بلاش ساعات تحسسوا حد إنه أقرب الناس ليكم، وساعات تانية تحسسوه إنه شخص عادي جدًا ومش فارق وجوده.

و ساعات تقرّبوا حد منكم قوي، وساعات تبعدوا فجأة من غير تفسير، وساعات تبقوا أحنّ ناس في الدنيا، وساعات تانية أبرد من الغرب .

الـ Mixed signals والـ push & pull مش دليل على اي حاجة في الدنيا . و هي دي من أكتر الحاجات اللي بتستنزف الإنسان نفسيًا و ذهنيا و عاطفيا ، لأنها بتخليه طول الوقت مش فاهم هو واقف فين ، ولا المفروض يحس بإيه .

والله مفيش حاجة مرهقة قد إنك تفضل تحاول تفهم مكانتك عند حد، بدل ما تكون مطمن لمكانك في حياته.

العلاقات والله يا جماعة مش ناقصة حيرة وقلق وتخمين.. الدنيا صعبة بما فيه الكفاية، فبلاش نصعّبها على بعض أكتر.

يا نكون واضحين في قربنا، يا نكون واضحين في بُعدنا.. إنما نسيب الناس معلّقة بين الاتنين ، فدي مشاعر محدش يستحق يعيشها. 🤍

13/10/2026

12/10/2026

عش ما شئت فإنك ميت 👌

12/10/2026

أصعب وجع مش إن جوزك يحب واحدة تانية… أصعب وجع إنك تكتشفي إنه قادر يديها حاجات فضلتي سنين تتمنيها منه.

في مسلسل طالع نازل ، نورا "منى زكي " مش بتواجه الخيانة بس… دي بتواجه حقيقة ممكن تهز كل حاجة كانت مصدقاها عن نفسها وعن جوازها.

الراجل اللي عاش معاها سنين، واللي كانت شريكته في حياته ونجاحه، واللي اتفق معاها إنهم ميخلفوش، تكتشف إنه اتجوز “ مي “حبيبته القديمة من سنتين، وإنها حامل في طفله!

والأصعب؟ إنه يقول لنورا إنه لسه عايز يكون معاها، حتى لو اختار يكون مع واحدة تانية.

تخيلي الوجع اللي في جملة زي دي… أنا عايزك، بس أنا اخترت غيرك!

نفسيًا، هنا بيبدأ الصراع الحقيقي…

إزاي تستوعبي إنك لسه مهمة في حياة شخص، لكن مش اختياره الوحيد؟ إزاي تحبي حد، وفي نفس الوقت تحسي إن وجودك مش كفاية علشان يمنعه إنه يبني حياة تانية؟

والوجع بيزيد لما تكتشفي إن الشخص اللي رفض معاكي حاجات، بقى مستعد يعيشها مع غيرك.

نورا نفسها، بعد الصدمة، بتروح تدور على فرصة للحمل، وكأنها بتحاول تتمسك بحاجة كانت ممكن تبقى جزء من مستقبلها معاه… قبل ما تعرف إن فرصها في الإنجاب بقت شبه مستحيلة.

وهنا الخيانة بتوجع على أكتر من مستوى: وجع الشخص اللي خان، ووجع الحلم اللي ممكن ميكملش، ووجع المقارنة اللي بيخلينا نسأل: هو أنا مكنتش كفاية؟ ليه هي عاشت معاه حاجة أنا اتحرمت منها؟

لكن الحقيقة إننا ساعات بنخلط بين إن شخص اختار ميدّيناش حاجة، وبين إننا منستحقهاش.

وممكن نفضل متمسكين بالعلاقة مش بس لأننا بنحب الشخص، لكن لأننا مش قادرين نتخلى عن السنين، وعن الأحلام، وعن النسخة اللي تخيلنا إنه هيكونها يومًا ما.

وعشان كده، لما نورا تقول: خسرتني يا علي وأنا هخسرك نفسك ، السؤال مش بس هل هتقدر تنتقم منه؟

السؤال هنا : هل هتقدر تسترد نفسها من علاقة بقت فيها مضطرة تواجه الفرق بين اللي كانت فاكرة إنها عايشاه، والحقيقة اللي اكتشفتها؟

لأن أصعب خسارة مش دايمًا إنك تخسري الشخص اللي بتحبيه… ساعات أصعب خسارة إنك تفضلي تحاولي تكوني كفاية في عين شخص، لحد ما تنسي قيمتك في عين نفسك.