Hanan Elmasry - Life coach/ positive psychology practitioner/ chromatic hea

  • Home
  • Egypt
  • Cairo
  • Hanan Elmasry - Life coach/ positive psychology practitioner/ chromatic hea

Hanan Elmasry - Life coach/ positive psychology practitioner/ chromatic hea Contact information, map and directions, contact form, opening hours, services, ratings, photos, videos and announcements from Hanan Elmasry - Life coach/ positive psychology practitioner/ chromatic hea, Coach, Cairo.

رسالتي إني أساعدك تحسن جودة حياتك وتحقق هدفك وتعرف ازاي تتجاوز مشاكلك وازاي تدير أفكارك ومشاعرك عن طريق جلسات كوتشنج 1:1 دمجت فيها بين الكوتشنج وعلم النفس الإيجابي والهيلنج

هو إحنا بنربي ولادنا فعلًا… ولا بنربيهم بالطريقة اللي اتربينا بيها؟ 🤍كام مرة قلتي لابنك:"أنا بقولك لمصلحتك!"وبعدها اكتشف...
29/08/2026

هو إحنا بنربي ولادنا فعلًا… ولا بنربيهم بالطريقة اللي اتربينا بيها؟ 🤍

كام مرة قلتي لابنك:
"أنا بقولك لمصلحتك!"
وبعدها اكتشفتي إن المسافة بينكم كبرت؟

كام مرة انفعلتي، وبعد ما هديتي قلتي لنفسك:
"أنا مكنتش عايزة أبقى الأم دي…"

وكام مرة خلاف بسيط بينك وبين شريك حياتك اتحول لصمت وزعل وكلام يوجع؟

الحقيقة إننا بندخل حياتنا ومعانا تجارب قديمة، ومعتقدات، وطريقة تربية… وأحيانًا بنكررها مش لأننا مقتنعين بيها، لكن لأننا مش عارفين طريقة تانية.

عشان كده محتاجين نتعلم مع بعض:

🌱 إزاي نربي من غير ما نكسر؟
🤍 إزاي نحط حدود من غير ما نبعد؟
💬 إزاي نختلف من غير ما نؤذي؟
🏡 وإزاي نخلي بيتنا مساحة أمان وانتماء؟

من هنا أطلق فريق هي والحياة:

🌿 مبادرة معًا للوعي النفسي والأسري

مبادرة مجانية بالكامل، خلال شهري سبتمبر وأكتوبر، للحديث والتعلم حول التربية والعلاقات الأسرية والزوجية، من خلال لقاءات أونلاين مع متخصصين وكوتشز ومدربين.

📅 نبدأ الخميس 17 سبتمبر

🌱 الأحد | التربية وتربية الأبناء
🤍 الخميس | العلاقات الأسرية والزوجية

لأن البيت الواعي مش البيت الخالي من المشاكل…
البيت الواعي هو اللي يعرف يتعامل مع مشاكله بشكل مختلف. 💚

يمكن تكوني إنتِ بداية التغيير في بيتك. 🌿

📌 انضمي للجروب لمعرفة الجدول الكامل وموضوعات اللقاءات وأسماء المتحدثين:
https://chat.whatsapp.com/CgMLf6W64rm6gImnRTTG9x?s=cl&p=a&mlu=4

معًا نتعلم… ننمو… ونصنع أثرًا.

معًا للوعي النفسي والأسري | فريق هي والحياة 🤍

#معًا_للوعي_النفسي_والأسري

❤️في حب علم النفس الايجابي ❤️ (قراءة عميقة)من:🎻انا من غيرك بتوه توهان أنا من غيرك م...
26/08/2026

❤️في حب علم النفس الايجابي ❤️
(قراءة عميقة)
من:🎻
انا من غيرك بتوه توهان أنا من غيرك مليش عنوان
إلي:🎻
أنا كفاية أنا معايا أنا أقرب واحد ليا

❓من الاعتماد الخارجي علي الاخر الي الأمان مع الذات..ايه اللي حصل بين الأغنيتين في خلال سنة؟

لو فككنا ده علي 3 مستويات : الأفكار والمشاعر والسلوك هنلاقي :
أنا من غيرك بتوه توهان انا من غيرك مليش عنوان🎻
هنا الافكار: من غيرك انا تايه/ناقص
المشاعر:خوف من الفقد/قلق/تعلق
السلوك:محاولة الحفاظ علي العلاقة بأي شكل/جعل وجود الاخر هو محور الحياة
(وكأن الشخص بيستمد احساسه بالأمان والقيمة من الخارج وليس من ذاته)

أنا كفاية انا معايا انا اقرب واحد ليا 🎻
هنا حصل تغيير جوهري في ال core belief عن الذات بدل"انا تايه من غيرك" إلي "أنا اقدر ابقي بخير وانا مع نفسي"..
التغيير الحقيقي للانسان بيبدأ علي مستوي الافكار او المعتقدات ،فهو هنا اكتشف إنه يملك موارد داخلية كتير يستمد منها احساسه بالقيمة والأمان فقيمته مش متوقفة علي وجود الاخر واحتياجه له لا يعني إنه عاجز من غيره ،وده معناه انه بدأ يفهم احتياجاته ويعرف مشاعره وقيمه ويقبل نقاط ضعفه وبدأ يعامل نفسه برحمة...

(انا معايا) ❤️ من أجمل الجمل اللي بتعكس معني الصمود النفسي او ال resilience فده مش مجرد إحساس بالاستقلال ولكنها علاقة جديدة مع الذات..هنا حصل تحوّل من التعلق بالآخر الي تقدير الذات وده معناه ان فقدان الاخر=ألم لكن عنده القدرة انه يحتوي الألم ده ويكمل من غير ما ينهار..

❤️ولو بصينا للتحوّل ده من نظرة علم النفس الايجابي فهنلاقي انه انعكاس لتطبيق نموذج perma للرفاهية النفسية :
P: positive emotions:
فالمشاعر الايجابية لم يعد مصدرها شخص واحد فقط ولكن دلواتي احساس الامان والثقة والكفاية نابع من الذات
E:engagement:
فحياته مش متوقفه علي علاقة مع الاخر ولكنه اكتشف ان فيه كذا اتجاه قادر يندمج فيهم وينجح ويلاقي نفسه
R: relationships:
فالعلاقة ليست مصدر القيمة الوحيد ولكنها إضافة للحياة الموجودة والنجاح الموجود بالفعل
M:meaning:
وده معناه انه بدأ يلاقي معني لحياته بعيدا عن العلاقة ،معني يخليه قادر يحتوي الألم ويكمل وينجح
A:accomplishment:
واخيرا اكتشف قدرته علي الانجاز والاعتماد علي النفس فهو قدر يغيّر افكاره وتصرفاته ويقود حياته لاتجاه فيه نفع له
❤️علم النفس الايجابي بيساعد الشخص انه يغير المعتقد الاساسي اللي موقفه ويعرف احتياجاته ويكتشف نقاط قوته ويبدأ يثبت لنفسه انه قادر ويبني حياة فيها علاقات داعمة وعمل ومعني وانجاز وروحانيات واهتمامات وبالتالي يقدر يتحلى بالصمود النفسي ويتجه للرفاهية النفسية...
❤️فأهمية علم النفس الإيجابي مش انه يخلي الانسان ايجابي طول الوقت او يتجاهل ألمه وانما بينقله من سؤال"ايه المشكلة اللي عندي؟" الي سؤال" ايه اللي ممكن يساعدني أبني حياة أفضل رغم الصعوبات؟"...فهو هنا في الأغنيتين مش بيلغي الاحتياج للحب وانما بيساعد الإنسان انه ميخليش شخص واحد هو مصدر قيمته وأمانه ومعني حياته بالكامل فأنا كفاية وأقدر أحبك وأحتاجك واستمتع بوجودك من غير ما أفقد نفسي فيك..

❤️وده من أجمل تطبيقات علم النفس الايجابي علي العلاقات فهو الانتقال من مجرد التعافي الي الازدهار❤️

Noha Zahra ❤️❤️❤️❤️

Bahaa Sultan - بهاء سلطان




📍ازاي أقدر أعدي الخوف اللي جوايا ؟📍🔺الخوف اللي جواك لو له سبب منطقي في موقف مُحدد وبينتهي بإنتهاء الموقف فده خوف طبيعي و...
25/08/2026

📍ازاي أقدر أعدي الخوف اللي جوايا ؟📍

🔺الخوف اللي جواك لو له سبب منطقي في موقف مُحدد وبينتهي بإنتهاء الموقف فده خوف طبيعي وأحيانا بيبقي مفيد ، إنما لو الخوف ده مستمر لفترة طويلة أو مُزمن ومُبالغ فيه وعام في كذا إتجاه بدون سبب منطقي وبيخليك شديد اليقظة وبيأثر علي حياتك بالسلب فده ممكن يبقي خوف ناتج عن تروما عدّيت بيها في حياتك وده لأن التروما بتخلي الجهاز العصبي مُتوقع الخطر حتى لو الوضع حواليك آمن الآن..
🔺الإنسان الخايف بيحسّ إنه متكتف مش قادر ياخد خطوة مختلفة ماشي في طريق هو إتعود عليه مهما كان فيه ألم او خسارة لأن ده اللي عارفه وفاكر إن ده الأمان فالمجهول بالنسبة له غير آمن..الخوف ممكن يوقف التفكير السليم ،يوقف التعلُّم، يوقف فرصة جديدة، يوقف نجاح، يوقف علاقات ، يوقف بناء الحياة عند نقطة معينة ويخلي الإنسان عمّال يلف حواليها بدل ما يكسر الدايرة ديه ويخرج منها..
🔺الخوف من أكثر المشاعر اللي ربنا سبحانه وتعالي نهى عنها في القرآن لأن تأثيره علي الإنسان عميق وبيضرب في كذا إتجاه في الحياة وبيبقي مدخل وباب للشيطان لو فتحته هيتحكم في أفكارك وتصوُراتك وتصرفاتك بشكل يضرك علي مختلف المستويات..
❤️أكثر حاجة تساعد الإنسان إنه يقدر يدير مشاعر الخوف ديه ويتعامل معاها ويتجاوزها هي ثقته في ربنا أولا ثم ثقته في نفسه وفي إمكانياته وقدراته وده أحد المحاور اللي بنشتغل عليها ويُعتبر من أهم المحاور اللي بتساعده يبص للخوف علي إنه شعور قابل للسيطرة عليه وإنه قادر يديره بدلا من إحساسه إن الخوف مسيطر عليه ومُتحكِم فيه ..لما بيقدر يسترجع الثقة ديه بيسترجع معاها شعور الإطمئنان فبيقدر ساعتها يبص للموقف بصورة مختلفة وده بيبقي بداية التغيير اللي بيخليه بعد كده يتصرف بشكل مختلف فيه نفع له ولغيره ..

❤️الثقة بالله هي أمان القلب حين تشتّد العواصف،وثقتك بنفسك هي درعك في وجه كل خوف أو إحباط ❤️

احكيلي عن موقف قدرت فيه تسيطر علي خوفك بدل ما هو اللي يسيطر عليك ؟

📍المقاومة مش دايما بتكون كِبر📍احيانا الشخص بيبقي عنده مقاومة للتغيير أو التحسن وكأنه بيحافظ علي وجود المشكلة بالرغم من ت...
20/08/2026

📍المقاومة مش دايما بتكون كِبر📍

احيانا الشخص بيبقي عنده مقاومة للتغيير أو التحسن وكأنه بيحافظ علي وجود المشكلة بالرغم من تضرره منها ، طب ليه بيعمل كده ؟ هل ده عدم مرونة ولا تعوُّد ولا عِند ؟ 🚨

الحقيقة ان الاسباب بتبقي أعمق من كده شوية ومنها مثلا:
*📍ان الشخص ده ممكن يكون جواه شعور أو قيمة عُليا عايز يحميها ويحافظ علي وجودها وكأن التحسن هيخليه يخسر ده مثلا عنده الصداقة او الأُسرة قيمة عليا خايف يخسرها لو حط حدود ، أو جواه شعور بالوفاء لانسان فقده ومعتقد إنه لو اتحسن وكمل حياته ده خيانة للانسان ده.
*📍وممكن يكون تعلّق بمنطقة الراحة فالوضع السلبي بقي مألوف ومريح أكتر من جُهد التغيير فهو اعتاد الألم وبقي التحسن هو اللي مُجهِد.
*📍وممكن يكون بسبب الخوف من المجهول يعني اللي نعرفه أحسن من اللي منعرفوش .
*📍أو ان الموضوع له علاقة بالهوية فهو بقي رابط شخصيته بالمشكلة أو المعاناة ديه فيقول مثلا أنا ضعيف أو أنا فاشل بدلا من أنا أشعر بالضعف في المشكلة ديه تحديدا.
*📍أو إن التحسن هيحرمه من المكاسب الثانوية المرتبطة بالمشكلة زي تعاطف الآخرين او الهروب من المسؤوليات أو تجنب اتخاذ قرار.
*📍او ان عنده مُعتقد لم يتغير (نوع من أنوع التشوهات المعرفية) زي black or white thinking فلو جزء صغير من المشكلة لسه موجود يبقي المشكلة كلها موجودة زي ما هي فمش بيقدر يشوف التحسن.
🔺كل ديه وغيرها اسباب تخلي الشخص مش قادر ياخد خطوات فعلية للتحسن أو مش بيعمل حاجة غير الشكوى او التعب أو إنه اول ما يبدأ يلاقي تغيير او تحسن يهرب ويرجع لنفس الدايرة القديمة.

🌹كل ما بتعرف السبب بدري كل ما بتقدر تشتغل عليه بالشّكل اللي يساعدك تاخد خطوات فعلية وتغيّر حياتك للأحسن ..🌹

عرفت المقاومة اللي جواك جاية منين ؟

What is Trauma ? 🛑لاحظت في الفترة الأخيرة إن كلمة تروما بقت منتشرة جدا سواء بين المراهقين أو الكبار أو حتي الأطفال اللي ...
18/08/2026

What is Trauma ? 🛑
لاحظت في الفترة الأخيرة إن كلمة تروما بقت منتشرة جدا سواء بين المراهقين أو الكبار أو حتي الأطفال اللي مش فاهمين معني الكلمة ، فكلمة تروما بقت تتقال واحنا بنهزر علي موقف اتخضينا فيه أو واحنا بنضحك علي حدث خفنا فيه أو واحنا بنتكلم عن مشاعر مؤلمة او حدث ثقيل حصلنا...وأغلب الظن إن المعني الصحيح لكلمة تروما لسه مش معروف بين الناس اللي بيستخدموها بالشكل ده..
فلما بنت مراهقة تشوف صرصار كبير فتتخض لدرجة انها يغمى عليها وصحابها يضحكو عليها ويقولو ديه عندها تروما من الصرصار يبقي هنا لازم نقف ونفهم إيه التروما اللي كل الأعمار بتتكلم عليها ديه وبتاخدها مادة للضحك والهزار؟ وهل فيه فرق بين الخوف والفوبيا والتروما ولا كلهم حاجة واحدة؟
الخوف: هو شعور طبيعي يحمي الإنسان من خطر حقيقي ومنطقي وممكن الشخص يقدر يسيطر علي الشعور ده
الفوبيا: هي اضطراب يسبب خوف شديد وغير منطقي من حاجة لا تشكل خطر حقيقي وهنا الشخص مش بيقدر يسيطر علي الشعور وممكن يسبب panic attack
🛑التروما🛑
كلمة يونانية معناها (wound) أو جرح وهي ألم عميق ينتج عن موقف صعب لم تتحمله القدرات النفسية وقت حدوثه..فالتروما ليست هي الحدث وإنما هي استقبال الشخص للحدث وتأثير الحدث عليه كوحدة متكاملة(عقل وروح وجسد) ..وده يفسّر ليه ممكن نفس الموقف شخص يعتبره تجربة وشخص تاني يعتبره تحدي وشخص يعملّه صدمة عصبية..وده بيتوقف علي عوامل كتير منها علي سبيل المثال لا الحصر :المناعة النفسية للإنسان، ظروف التربية والطفولة، الافكار والمعتقدات والقيم الخاصة بالانسان، صورته الذاتية عن نفسه، مدى قوة أو هشاشة جهازه العصبي...
طب إيه العوامل اللي لو توفرّت نقدر نقول إن ديه تروما ؟ 🛑
فيه 4 عوامل مجموعين في كلمة UDIN لو اجتمعو نقدر نقول ان الشخص ده عدّي ب UDIN moment أو تروما :
U: unexpected
D: drastic
I: isolated
N: no strategy
فيه حدث حصل بشكل مفاجئ وغير متوقع ضرب قيمة عليا عند الشخص وشعر وقتها إنه لوحده ومش عارف يتصرف ومعندوش آليات للتعامل أو للتّكيُف مع الحدث ، فده عمل صدمة للجهاز العصبي وحطُّه في حالة survival mood وعمل strong fear response قبل ما الجزء المنطقي من الدماغ يشوف الحدث فالجهاز العصبي بيفضل مُعلّق في survival loop ومش قادر يتخطّى الحدث..فممكن شخص يبان عادي ولكن بملاحظة ردود أفعاله أو مشاعره أو كلامه نقدر نعرف إن ده trauma response لحدث لسّه عايش جواه ..
التعامل مع شخص عدّى بتروما يتطلب الكثير من التّقبُل والصبر والمرونة والفهم لأبعاد الموضوع، وازاي نقدر ناخد بإيده واحدة واحدة ونرجّعله احساسه بالأمان ونوصل بيه للتحسُّن علي مُختلف المستويات...
📍قولولي كنتو تعرفو معني كلمة تروما قبل كده 📍
Trauma mentor
Positive psychology practitioner
Chromatic healer

❤️الواسع❤️في كثير من الأحيان لما بنساعد غيرنا أيا كان نوع المساعدة إيه مادية أو جسدية أو معنوية بنبقي متخيلين أننا بنقدم...
17/08/2026

❤️الواسع❤️
في كثير من الأحيان لما بنساعد غيرنا أيا كان نوع المساعدة إيه مادية أو جسدية أو معنوية بنبقي متخيلين أننا بنقدم لهم خدمة و بنخليهم أحسن لكن الحقيقة ليها منظور مختلف فهما كمان بيقدمولنا خدمة ومساعدة كبيرة من غير ما يعرفو ..
كل حاجة بتعملها هترجعلك في يوم من الأيام فالكلمة الطيبة اللي جبرت بيها خاطر هترجعلك، وسندة الإيد اللي شديت بيها إنسان موجوع وطلعته من يأسه هترجعلك ،وفك كرب غيرك هيرجعلك، ورد غيبة غيرك هترجعلك ،والأمل اللي بتنوره لغيرك هيرجعلك، وقفتك جنب غيرك في أزمته هترجعلك، السعادة اللي بتزرعها في حياة غيرك هترجعلك..
المساعدة اللي بتقدمها لغيرك ممكن تبقي مجرد مساعدة أو شغل أو إنه صعبان عليك أو value مهمة عندك وممكن تبقي أكبر من كده بكتير واللي بيحدد ده هو نيتك ، إيه نيتك من اللي إنت هتعمله؟ ..خلي عندك دايما وِسْع في نيتك تخَلّق باسم الله (الواسع) فكل ما وسعت نيتك وكبرتها وربطتها بربنا سبحانه وتعالي كل ما تجلّى في حياتك الخير والبركة والرزق والرضا ❤️ وكل ما تركت أثر طيب ونافع للناس مش عشان يتكلمو عليك أو عشان توصل لحاجة ولكن عشان "ومن أحياها فكأنما أحيا الناس جميعا" كل ما حياتك هتزدهر وتحس بالسكينة ❤️ وكل ما قدمت مساعدة أو عملت خير لغيرك خصوصا لو ميعرفش إنك إنت اللي ساعدته وكان في نيتك ولادك كل ما ده قعدلهم حماية وبركة ونجاح وصحة ورضا "وكان أبوهما صالحاً) ❤️...
إتعود لو محتاج حاجة إمنحها لغيرك ❤️ محتاج دعوة ادعي لغيرك بظهر الغيب، محتاج رزق تصدّق، محتاج مساعده ساعد غيرك، محتاج شفاء ساهم في شفاء غيرك، نفسك في ذرية صالحة استغفر كتير وساعد ذرية غيرك ، محتاج سعادة أسعد غيرك.
فالسعادة مُعدية❤️ والخير مُعدي❤️ والكلمة الطيبة مُعدية❤️ وجبر الخواطر مُعدي❤️ فإزرع اللي نفسك تحصده قدام ❤️...وخلي وجودك دايما له أثر طيب في النفوس مُطمئن للقلوب مُحفِز للنمو داعم للتحسن خليك زي كشّاف النور في حياة اللي حواليك تنور لهم صفاتهم الحلوة وتساعدهم يشوفو طريقهم ورسالتهم في الحياة ❤️❤️...


" Trust the process " 💕اتعودنا نقول الجملة ديه في المواقف العملية والتطبيقات المختلفة اللي بنعملها في شغلنا لكن كام حد ج...
16/08/2026

" Trust the process " 💕
اتعودنا نقول الجملة ديه في المواقف العملية والتطبيقات المختلفة اللي بنعملها في شغلنا لكن كام حد جرب يقولها او يحطها في مجريات الحياة ، كام واحد لما بيتعرض لأزمة شديدة أو موقف صعب أو ابتلاء ويبقي مش قادر يفهم ده حصل ليه أو هو غلط في إيه أو ليه الآخر اتصرف بالشكل ده أو ليه فقدت الشخص ده كام واحد مننا بيفتكر جملة trust the process ؟
حياتنا كلها عبارة عن رحلة بنمر فيها بأحداث كتير منها الصعب ومنها الممتع ، منها المؤلم ومنها الحلو واللي قدر يخرج من الأحداث ديه محافظ علي نقاء قلبه وأخلاقه وتمسكه بدينه وقربه من ربه نقدر نقول عليه نجح في اختبار الحياة ..فكام واحد مر بالمواقف الصعبة وخرج منها شخص آخر أكثر وعيا ونضجا ونفعا للمجتمع ولما بيرجع يبص وراه يقول "لولا المحنة لما كانت المنحة" ..ولو كنا طبقنا الجملة ديه "trust the process" علي سياق حياتنا والأحداث المفاجئة اللي بتحصلنا لوفرنا علي نفسنا الكثير من القلق والتوتر والخوف والحيرة والمرض واليأس ، وكنا بدلا من ذلك خضنا الرحلة بروح مختلفة وعقلية مختلفة وحافز مختلف أكثر قربا من الله وأكثر ثقة في أحداثه وفي مجريات الأمور وكنا شوفنا ايه الدرس اللي محتاج اتعلمه او ايه الحاجة اللي محتاج أغيرها أو ايه اللي محتاج أطوره في نفسي ..
فالأحداث الصعبة والمشاعر المؤلمة وحدها القادرة علي إظهار الكنز المدفون جواك اللي انت نفسك مش شايفه واللي ربنا أراد إنه يغير المشهد كله عشان يظهره عشان حياتك كلها تتغير للي فيه نفع ليك ولغيرك فلولا ما حدث لما وصلت لما أنت عليه الآن..
فمن رحم المعاناة يولد الأمل، ولما نثق تماما في الله وفي أقداره الأمل ده هيكبر ويزيد ويتحول لفعل وسعي ونضج ونمو ، فالموقف اللي كسرك، والشخص اللي غدر بيك ،والخسارة المادية الكبيرة اللي حصلت، والقريب منك اللي خذلك، والحب اللي نور حياتك واختفي، والإنسان اللي فقدته، والمرض اللي أجهدك ، كل ده كان تهيئة من الله لما ستصبح عليه اليوم اذا اخترت وخدت قرار إنك تثق في الله مهما حدث ومتستسلمش للوجع أو الأذي وده التفسير الأقرب لقلبي للحديث النبوي الشريف " إن عظم الجزاء مع عظم البلاء وإن الله تعالي إذا أحب قوما ابتلاهم فمن رضي فله الرضا ومن سخط فله السخط " ...
ربنا لما بيحب إنسان بيبتليه ليقربه إليه ويخرج منه أحسن ما فيه ويغير حياته كلها لإتجاه مكنش هيفكر فيه لولا ما حدث فياريت كلنا ن trust the process اللي بتحصل في حياتنا كلها ..
الحمدلله حمدا كثيرا طيبا مباركا فيه اللهم ارزقنا رضاك والجنه يا رب العالمين ❤️❤️
قولي هتفكر نفسك ازاي في عز الألم إنك تثق في رحمة الله؟



الأشخاص مراحل في حياتك🌹مفيش حد بيظهر في حياتك صدفه ، كل شخص بيظهر في حياتك بيظهر لسبب ، ببساطه .. الناس دروس في حياة بعض...
25/10/2025

الأشخاص مراحل في حياتك🌹
مفيش حد بيظهر في حياتك صدفه ، كل شخص بيظهر في حياتك بيظهر لسبب ، ببساطه .. الناس دروس في حياة بعض ومع كل درس جديد بنتعلم حاجه جديده تفيدنا في اللي باقي من العمر ..

دروس بنتعلم منها وبتساعدنا في حياتنا وبتشكل شخصيتنا وتنميها .. ممكن ربنا يبعتلك شخص عشان تكتسب منه حاجه جديده ، او يساعدك توصل لهدف معين .. ممكن يبعتلك شخص عشان يقف جمبك في فتره صعبه جدا من حياتك ، ممكن يبعتلك شخص عشان يفرحك ، وشخص يقولك نصيحه محتاجها ، ممكن يبعتلك شخص يضايقك ويزعلك عشان تعرف قيمة الناس الحنينه اللى في حياتك ..

الانسان الناضج بقي هو اللي فاهم كويس ان مش معنى ان الدور انتهي وكل واحد راح في طريق ان الشخص اللي مشي وحش او مش اصيل ، الفكره ان ربنا بيسبب الاسباب عشان الشخص ده يبعد .. عشان خلاص دوره خلص .. وربنا كاتب يكون له ادوار تانيه في حياة ناس تانيه وناس تانيه يكون ليها ادوار في حياتك ..

حاول تتقبل فكرة ان محدش هيفضل جمبك طول العمر ، وان في ناس بتمشي لظروف معينه ، وناس غيرهم بتيجي .. مش لازم الشخص اللي معاك دلوقتى يكون معاك في كل مراحل حياتك .. ومش لازم اللي معاك وساندك انهارده يبقي هو نفس الشخص اللي هيسندك ويكون جمبك بكره ..
🌹الحياة مراحل ولكل مرحلة أشخاصها وأثرها🌹

قوة السؤالوقت الأزمات دماغك بتتملي أفكار كتير وأسئلة كتير بيبقي فيه دوشة جوه دماغك مع ان ده أهم وقت انت محتاج فيه تركز و...
24/10/2025

قوة السؤال
وقت الأزمات دماغك بتتملي أفكار كتير وأسئلة كتير بيبقي فيه دوشة جوه دماغك مع ان ده أهم وقت انت محتاج فيه تركز وتتصرف أو تاخد قرار ..
لو عرفت ازاي تختار السؤال اللي هتسأله لنفسك وقتها ده هيبقي نص الحل فالسؤال الصح في الوقت الصح هو اللي هيحدد طريقك اللي هتمشي فيه وهيوفر عليك وقت وصحة ومجهود..
خلي تفكيرك باصص علي الحل وسؤالك متوجه للحل متخليش دماغك تاخدك للماضي وتسأل (ليه) حط المشكلة وراك وخلي الحل قدامك وركز علي (ازاي) أو (ايه اللي انا محتاج أعمله عشان أوصل لكذا) وخلي دايما سؤالك بشكل إيجابي ساعتها عقلك اللاواعي هيبدأ ينبهك للحل ويوجه نظرك وتصرفاتك ناحية الحل فاللي هتحطه قدامك في مستقبلك هتروحله...
🌹نقاش المشكلة غير نقاش الحل🌹

الإنجاز هو اللي إنت شايفه إنجاز مش اللي الناس شايفينه إنجاز🎉كل اللي بتعمله في حياتك هو من إنجازاتك لازم تفكر نفسك بده عش...
20/10/2025

الإنجاز هو اللي إنت شايفه إنجاز مش اللي الناس شايفينه إنجاز🎉
كل اللي بتعمله في حياتك هو من إنجازاتك لازم تفكر نفسك بده عشان ترفع معنوياتك ومتسبش المعيار أو القرار للاخرين عشان يقولو ده إنجاز ولا لأ.
اتعود تحتفل بإنجازاتك الصغيرة قبل الكبيرة وتقدر المجهود اللي انت عملته وده يعتبر آداة فعالة لتعزيز شعورك بتقدير الذات وكمان هيديك دافع إنك تكمل وتحقق أكثر وانت فخور بنفسك ❤️🎉🎉
امتي اخر مرة احتفلت فيها بإنجاز صغير؟

Address

Cairo

Website

Alerts

Be the first to know and let us send you an email when Hanan Elmasry - Life coach/ positive psychology practitioner/ chromatic hea posts news and promotions. Your email address will not be used for any other purpose, and you can unsubscribe at any time.

Shortcuts

Share

Category